EFESIOS 4:18 - Chatino Tataltepec

¹⁸ talya tsiya' ti chalyuu nu ntsu'u ji'i̱ ngu' bi'; bi' cha' ná nchca ca cuayá' ti' ngu' tsiya' ti. Ná ntsu'u cha' ji'i̱ ngu' bi' lo'o chalyuu cucui nu cua nda ycui' Ndyosi ji'na cha' tyi'i̱ tso'o ti na, xqui'ya cha' ná jlo ti' ngu' bi' tsiya' ti, cha' ná ntaja'a̱ ngu' bi' xñi tyiquee ngu' sca cha' liñi.

EFESIOS 4:18 Referans Kwoze

SAN MATEO 13:15

Tacalya tsa cresiya ji'i̱ ngu' tya'a ma̱, cha' ná nti' ngu' taquiya' ngu' jna'. Ná nduna tso'o ngu', cha' ná ntaja'a̱ ngu' taquiya' ngu' cha' jna'. Ná nti' ngu' ta ngu' cuentya, bi' cha' ná nchca ji'i̱ ngu' ña'a̱ tso'o ngu'. Ná ntaja'a̱ ngu' culochu̱' ngu' cha' cuxi nu ntsu'u ji'i̱ ngu', bi' cha' ná nchca cui'ya na' cha' clyu ti' ji'i̱ ngu' ji'i̱ cha' cuxi bi', nacui̱ ycui' Ndyosi. Jua'a̱ nscua lo quityi ji'i̱ ycui' Ni.

EFESIOS 2:12

Ñati̱ nu ndi'i̱ xa' chalyuu laca cu'ma̱, bi' cha' ná stu'ba cha' ji'i̱ ma̱ lo'o ngu' judío, nu ngu' nu cua ngusubi ycui' Ndyosi ji'i̱ nu ngua sa'ni, cha' caca ngu' bi' ñati̱ ji'i̱ Ni. Ni sca quiya' sa'ni la ná nda Ni cha' lo'o cu'ma̱ ngu' xa' tsu'; ná ntsu'u cha' tso'o nu caca ji'i̱ ma̱ nde loo la, cha' ná jlo ti' ma̱ ni sca cha' ji'i̱ ycui' Ndyosi tsiya' ti chalyuu bi' ca su ndi'i̱ ma̱. Ná ntsu'u cha' ji'i̱ cu'ma̱ lo'o Cristo tsiya' ti nu ngua tsubi'.

SAN JUAN 12:40

Cua ndacu̱' ycui' Ndyosi hique ngu' bi', ngua'ni Ni cha' cu'u̱ ti hique ngu' bi'. Jua'a̱ ngua cha' ná ña'a̱ ngu' ni cha' laca bi', cha' ná caca cuayá' ti' ngu' cha' bi'. Lo'o jua'a̱ ná ntaja'a̱ ngu' culochu̱' ngu' ji'i̱ cha' cuxi nu ntsu'u tyiquee ngu', bi' cha' ná nchca cui'ya na' cha' clyu ti' ji'i̱ ngu' ji'i̱ cha' cuxi bi' li', nacui̱ ycui' Ni.

1 TESALONICENSES 4:5

cha' ná nti' ycui' Ndyosi cha' cua'ni suba' ma̱ lo'o clyo'o ma̱, ñi'ya̱ nu ndu'ni ngu' nu ná ndaquiya' ji'i̱ ycui' Ni tsiya' ti.

SANTIAGO 4:4

cua nguxtyanu ma̱ ji'i̱ ycui' Ndyosi, cua ntsu'u cha' ji'i̱ ma̱ lo'o sca cha' nu cuxi tsa, si jua'a̱ ndyu'ni ma̱. ¿Ha ná nchca cuayá' ti' ma̱ cha' tya'a cusu̱u̱ ycui' Ndyosi laca na, si xcui' cha' ji'i̱ ycui' ca ti na ntsu'u tyiquee na? Na nxu̱u̱ tya'a na lo'o ycui' Ndyosi, si cua'ni tya'a na lo'o nu cuxi nu ntsu'u nde chalyuu.

2 CORINTIOS 4:4

Ná ntaja'a̱ ngu' bi' xñi ngu' cha' bi' xqui'ya nu xña'a̱ nu ñilo'o ji'i̱ ñati̱ chalyuu. Ndacu̱' nu cuxi bi' cha' ji'i̱ ngu' cha' ná cuna ngu' cha' tso'o nu cuentya ji'i̱ Cristo, bi' cha' ná nchca tyanu xee lubii ji'i̱ Cristo ne' cresiya ji'i̱ ngu' bi'. Tlyu tsa cha' laca ji'i̱ Cristo; lcaa cha' nu ntsu'u ji'i̱ Ni, stu'ba ntsu'u cha' ji'i̱ Ni lo'o ycui' Ndyosi Sti Ni ca su ntucua Ni juani.

COLOSENSES 1:21

Nu ngua cua tsubi' la, tyijyu' tsa nguta'a̱ ma̱ ji'i̱ ycui' Ndyosi; tya'a cusu̱u̱ ma̱ ji'i̱ ycui' Ndyosi ngua ma̱ tyempo bi' xqui'ya cha' cuxi nu cua ngulacua ti' ma̱, xqui'ya cha' cuxi nu cua ngua'ni ma̱. Pana juani cua ngua'ni Ni cha' taca cati̱ qui'ya nu ntsu'u ji'i̱ ma̱ lo'o ycui' Ni,

1 JUAN 2:11

Ñati̱ nu ti'í ti' ji'i̱ tya'a ñati̱ ni, tya ntsu'u tsa cha' cuxi ne' cresiya ji'i̱ ngu' bi'; ñi'ya̱ nti' ngu' lo'o ndi'i̱ ngu' su talya ña'a̱, jua'a̱ ti nti' ngu' bi' ndi'i̱ ngu' chalyuu, cha' ná nchca quije tyucui̱i̱ liñi su tsaa ngu', cha' lye tsa ndacu̱' talya xee nu ña'a̱ ngu' bi' li'.

GÁLATAS 4:8

Sa'ni la lo'o tya lyiji caca cuayá' tso'o ti' ma̱ cha' ji'i̱ ycui' Ndyosi, xa' la jo'ó ndatsaa ji'i̱ ma̱ cha' cua'ni ma̱ cña ji'i̱, jo'ó nu si'i jo'ó nu chañi ca.

ROMANOS 11:25

Cu'ma̱ ngu' tya'a ntsu'u cha' ji'na lo'o Cristo, nti' na' cha' caca cuayá' ti' ma̱ cha' tucui re, sca cha' ji'i̱ ycui' Ndyosi nu ntsu'u cuatsi' ti nquicha'; lo'o caca cuayá' ti' ma̱ cha' re, nga'aa chcui' ma̱ cha' tyixi lo'o ngu' judío li'. Ndi'ya̱ laca cha': Quiña'a̱ tsa tya'a ngu' judío ntsu'u nu ndyacu̱' hique ngu' tsiya' ti, cha' ná caca cuna ngu' cha' ji'i̱ Jesús; ña'a̱ cuayá' nu tye cuna lcaa ngu' xa' tsu' nu nga'a̱ cha' xñi cha' ji'i̱ Jesús,

ROMANOS 1:28

Jua'a̱ laca ji'i̱ ngu', cha' ná nti' ngu' tyuloo ngu' ji'i̱ ycui' Ndyosi; bi' cha' nguxtyanu Ni ji'i̱ ngu' cha' cua'ni ngu' cha' cuxi bi', nda Ni xi tyempo cua'ni ngu' ñi'ya̱ nu nti' ti ngu' cua'ni ngu'.

LOS HECHOS 17:30

Cua ndalo tsa tyiquee ycui' Ndyosi ji'i̱ ñati̱ chalyuu tyempo sa'ni lo'o bilya ca jlo ti' ngu' lcaa cha' bi', pana juani cua ngulo Ni cña ji'i̱ lcaa ñati̱ chalyuu cha' culochu̱' ngu' lcaa cha' cuxi nu ntsu'u ji'i̱ ngu'.

1 CORINTIOS 1:21

Ngua'ni Ni cha' ná caja ñi'ya̱ tyuloo ñati̱ chalyuu ji'i̱ Ni cha' hique ti ngu'; jua'a̱ tso'o la, ngua ti' ycui' Ndyosi. Pana ndu'ni lyaá Ni ji'i̱ ñati̱ nu xñi cha' ji'i̱ Ni; la cui' cha' nu ndacha' na ji'i̱ ngu', masi cha' tonto nchcui' na, nacui̱ ngu' li'.

ROMANOS 2:19

Lo'o jua'a̱ nti' ma̱, cha' ycui' ma̱ nchca ji'i̱ ma̱ culu'u ma̱ tyucui̱i̱ liñi ji'i̱ ñati̱ nu ná jlo ti'; nti' ma̱ cha' taca ta ma̱ cha' lo'o ngu' nu ná ndyiji ñi'ya̱ nu caca cuayá' ti' ngu' sca cha' liñi;

SAN MARCOS 3:5

Ñasi̱' xi Jesús ña'a̱ yu ji'i̱ ngu' bi', jua'a̱ xñi'i̱ xi ti' yu cha' ná ntaja'a̱ ngu' cui'ya ngu' cuentya ji'i̱ cha' nu nclyu'u yu ji'i̱ ngu'. Li' nchcui' yu lo'o nu quicha bi': ―Xquiñi nu'u̱ ya' ―nacui̱ Jesús ji'i̱. Nguxquiñi yu ya' yu li', lo'o hora ti ngua tso'o ya' yu.

2 CORINTIOS 3:14

Ndyacu̱' tsa cha' hique ngu' Israel nu ngua li', cha' ná ngua cuayá' ti' ngu' cha' ji'i̱ ycui' Ndyosi tsiya' ti. Masi chalyuu juani, jua'a̱ laca lo'o quityi cha' jo'ó nu nguscua jyo'o Moisés, la cui' cña nu ngulo ycui' Ndyosi ji'i̱ ñati̱ nu ngua sa'ni bi'; nu lo'o chcui' ti ngu' judío lo quityi cha' jo'ó bi', ña'a̱ ti ná nchca ca'ya cha' bi' hique ngu' bi'. Tsiya' ti taca ca'ya cha' bi' hique ngu' lo'o xñi ngu' bi' cha' ji'i̱ Jesús; li' saala Ni hique ngu' cha' cuna tso'o ngu' cha' ji'i̱ Ni.

LOS HECHOS 3:17

’Cu'ma̱ ngu' tya'a quichi̱ tyi na, jlo ti' na' cha' ná ngua tii ma̱ tilaca ngua Jesús nu lo'o ngüijña ma̱ chacuayá' cha' cujuii sendaru ji'i̱ yu. Lo'o jua'a̱ nu ngu' nu laca loo ji'i̱ ma̱, ná ngua tii ngu' na laca nu ngua'ni ngu', si cha' tso'o, si cha' cuxi ngua'ni ngu' li'.

ROMANOS 11:7

Ndi'ya̱ ngua li': Ná lcaa ngu' Israel ngua ji'i̱ ngu' cua'ni ngu' cha' ca tso'o cresiya ji'i̱ ngu' cuentya ji'i̱ ycui' Ndyosi, ñi'ya̱ ngua ti' ngu' cha' cua'ni ngu'. Ñati̱ nu ngusubi ycui' Ndyosi ji'i̱ ni, ngujui ñi'ya̱ caca cha' bi' ji'i̱ ngu'; pana nu xa' la tya'a ngu' Israel bi', tsa tyempo ti ndyacu̱' jyaca̱ ngu'.

1 CORINTIOS 2:8

Ni sca ñati̱ nu laca loo chalyuu, ná ngua cuayá' ti' ngu' cha' bi'. Si ngua jlo ti' ngu' cha' bi', ñi'ya̱ nu ngua ti' ycui' Ndyosi cha' cua'ni Ni, ná ngujui'i̱ ca'a̱ ngu' bi' ji'i̱ Jesús lo crusi li', ycui' Jesús nu Xu'na na nu tlyu tsa cha' tso'o ntsu'u ji'i̱.

EFESIOS 2:1

Cua nda ycui' Ndyosi chalyuu ji'i̱ ma̱ chaca quiya' xqui'ya cha' cua ndyu'ú Cristo chaca quiya'. Nu ngua tsubi' la, ñi'ya̱ laca si na cua ndye chalyuu ji'i̱ ma̱, jua'a̱ ngua ma̱ xqui'ya qui'ya nu ntsu'u ji'i̱ ma̱ lo'o ycui' Ndyosi, cha' ná ndaquiya' ma̱ tsiya' ti ji'i̱ cha' nu nchcui' ycui' Ndyosi.

HEBREOS 5:2

Ñati̱ chalyuu ti laca sti jo'ó bi'; lo'o ycui' yu ntsu'u cha' cuxi nu ndyu'ni yu, bi' cha' tso'o ti nchcui' yu lo'o ñati̱ nu ná nduna tsiya' ti, nu ndyu'ni tsa cha' cuxi.

HEBREOS 9:7

pana sca ti sti jo'ó nu laca loo nguta'a̱ ca ne' cuarto nu tacati tsa bi' ji'i̱ ngu', sca ti quiya' nguta'a̱ nu cusu' bi' sca yija̱. Lo'o tañi na'ni ndyaa nu cusu' bi' li', cha' scui̱ ji'i̱ slo ycui' Ndyosi ca ne' cuarto tacati bi', cha' jua'a̱ cuityi̱ Ni qui'ya nu ntsu'u ji'i̱ ycui' nu cusu' bi', lo'o jua'a̱ cuityi̱ Ni lcaa qui'ya nu ntsu'u ji'i̱ lcaa ngu' quichi̱, masi qui'ya nu ná nda ngu' cuentya si cha' cuxi ngua'ni ngu' nquicha', cha' cuentya ji'i̱ ycui' Ndyosi ngua'ni nu cusu' cña bi'.

1 PEDRO 1:14

Taquiya' tso'o ma̱ ji'i̱ cha' nu nchcui' ycui' Ndyosi cha' caca ma̱ sñi' Ni nu tso'o tsa ndu'ni; nga'aa cua'ni ma̱ cua ña'a̱ ca cha' cuxi nu ndiya ti' ma̱ ñi'ya̱ nu ngua'ni ma̱ tya sa'ni la, nu lo'o bilya ca cuayá' ti' ma̱ cha' tso'o ji'i̱ ycui' Ndyosi.