EFESIOS 3:19 - Chatino Tataltepec

¹⁹ Bi' cha' nti' tsa na' cha' ca cuayá' tso'o ti' ma̱ cha' ntsu'u tsa tyiquee Cristo ña'a̱ Ni ji'na, masi sca cha' tlyu tsa nu ná nchca ca cuayá' tso'o ti' na ji'i̱ laca cha' bi'. Lo'o jua'a̱ nti' na' cha' tyi'i̱ ycui' Ndyosi lo'o lcaa ma̱, cha' ná tyu'u tyiquee ma̱ ji'i̱ xa' la cha' tsiya' ti.

EFESIOS 3:19 Referans Kwoze

EFESIOS 1:23

Ca ta'a na nu ngusñi na cha' ji'i̱ Cristo scaa quichi̱, tsa tlyu ti na ntsu'u cha' ji'na lo'o Cristo. Ndi'ya̱ laca na cuentya ji'i̱ Cristo: ñi'ya̱ nti' si laca na sca tsu' ya' Cristo, cha' cua'ni na cña nu ntsu'u ji'i̱ Ni chalyuu. La cui' jua'a̱, lcaa ca na nu ña'a̱ na nu ntsu'u nde chalyuu ni, cua ntsu'u bi' xqui'ya Cristo.

COLOSENSES 1:10

Lo'o li' lcaa tsa̱ lo'o ndya'a̱ ma̱ chalyuu taca cua'ni ma̱ cña, cua ña'a̱ ca cña nu nti' ycui' Ndyosi cha' cua'ni ma̱; taca cua'ni ma̱ lcaa lo cña tso'o cuentya ji'i̱ ycui' Ndyosi li', lo'o jua'a̱ taca ca cuayá' la ti' ma̱ ñi'ya̱ ndyu'u lcaa cha' ji'i̱ Ni.

2 CORINTIOS 5:14

Cua jlo ti' na cha' sca ti ycui' Cristo ngujuii lo crusi cuentya ji'i̱ lcaa ñati̱ chalyuu; ñi'ya̱ nti' si cua ngujuii lcaa ñati̱ chalyuu xqui'ya qui'ya nu ntsu'u ji'i̱ ngu', jua'a̱ laca cha', xqui'ya cha' ngujuii yu lo crusi bi'. Lo'o juani jlo ti' na cha' ntsu'u tsa tyiquee Cristo ña'a̱ Ni ji'i̱ lcaa ñati̱ chalyuu, bi' cha' nga'a̱ cha' chcui' na cha' ji'i̱ Jesús lo'o xa' ñati̱.

SAN JUAN 1:16

Lcaa na tsiya' ti ntsu'u ji'i̱ Jesús, lo'o lcaa tsa̱ ndyiji cha' tso'o ji'na xqui'ya Jesús.

FILIPENSES 4:7

Lo'o li' cua'ni Ni cha' ti̱ ti tyi'i̱ tyiquee ma̱, masi ná caca cuayá' ti' ñati̱ chalyuu ni cha' laca ma̱ jua'a̱. Nga'aa ca'ya cha' cuxi hique ma̱ li', nga'aa caca cuxi cresiya ji'i̱ ma̱ li', xqui'ya cha' cua ngua stu'ba cha' ji'i̱ ma̱ lo'o Jesucristo.

GÁLATAS 2:20

Cuentya ji'i̱ cha' cusu' bi' laca na' ñi'ya̱ laca si cua ngujuii na', ñi'ya̱ laca si stu'ba ti nga'a̱ na' lo crusi lo'o Jesús; juani nga'aa si'i ycui' ca ti na' laca na' loo ne' cresiya 'na, cha' Cristo laca nu laca loo ne' cresiya 'na juani. Ndi'i̱ tso'o ti na' chalyuu juani sca ti xqui'ya cha' jlya ti' na' ji'i̱ cña nu cua ngua'ni ycui' Jesús, nu sca ti Sñi' ycui' Ndyosi; bi' laca nu ntsu'u tsa tyiquee ña'a̱ jna', bi' laca nu cua nda chacuayá' ji'i̱ ngu' cha' cujuii ngu' ji'i̱ ycui' yu cuentya jna'.

EFESIOS 5:2

Tso'o ti tyu'u tyiquee ma̱ ña'a̱ ma̱ ji'i̱ ñati̱, cha' la cui' jua'a̱ ntsu'u tsa tyiquee Cristo ña'a̱ Ni ji'na. Nu lo'o ñaa Jesús chalyuu ni, cua ntaja'a̱ Jesús nda yu tyucui ña'a̱ ycui' ca yu cha' caca sca msta̱ ji'i̱ ycui' Ndyosi cuentya ji'na. Tso'o tsa ngua ti' ycui' Ndyosi li'.

EFESIOS 3:18

ndijña na' ji'i̱ Ni cha' taca ca cuayá' ti' ma̱ ñi'ya̱ nu ndu'ni ycui' Cristo lo'o na, cha' ntsu'u tsa tyiquee Ni ña'a̱ Ni ji'na. Nu ntsu'u tyiquee Cristo ña'a̱ Ni ji'i̱ ñati̱ ni, jyacua Ni ji'i̱ cua ña'a̱ ca ñati̱, ta Ni cha' bi' lo'o ngu', masi ñati̱ tlyu laca ngu', masi laca ngu' ñati̱ jua'a̱ ti.

2 PEDRO 3:18

Pana tso'o la ca tsa'a̱ la ma̱ cha' tso'o ji'i̱ Jesucristo nu Xu'na na, nu cua ngua'ni lyaá ji'na; li' taca tyi'i̱ tso'o la tyiquee ma̱ cuentya ji'i̱ ycui' nu Xu'na na. Cua'ni tlyu na ji'i̱ ycui' Ni nde chalyuu, lo'o jua'a̱ ná nga'a̱ cha' tye tsa̱ nu cua'ni tlyu na ji'i̱ Ni ca slo ycui' Ni. Jua'a̱ caca cha' lacua.

SAN JUAN 17:3

Chalyuu nu ta na' ji'i̱ ngu' laca cha' tyuloo ngu' jinu'u̱, nu'u̱ nu laca sca ti ycui' Ndyosi nu ntucua nde cua̱; lo'o jua'a̱ tyuloo ngu' jna', cha' laca na' Jesucristo nu nda nu'u̱ lijya̱a̱.

SAN MATEO 5:6

’Lo'o jua'a̱ tso'o ntsu'u tyiquee ñati̱ si tyaja'a̱ tsa cua'ni lcaa cha' tso'o, lcaa cha' liñi; ji'i̱ ñati̱ bi' xtyucua ycui' Ndyosi cha' taca ji'i̱ cua'ni lcaa cha' nu nti' ycui' Ni.

EFESIOS 5:25

Nu cu'ma̱ ngu' qui'yu ni, tyu'u tso'o tyiquee ma̱ ña'a̱ ma̱ ji'i̱ clyo'o ma̱, cha' la cui' jua'a̱ tso'o tsa ntsu'u tyiquee Cristo ña'a̱ yu ji'i̱ ñati̱ ji'i̱ yu nde chalyuu; bi' cha' ntaja'a̱ yu ngua'a̱ yu lo crusi xqui'ya ñati̱ nu xñi cha' ji'i̱ yu ca tiya' la.

FILIPENSES 1:7

Tso'o si culacua xi ti' na' jua'a̱ cuentya ji'i̱ cu'ma̱, xqui'ya cha' lcaa tsa̱ ntsu'u tsa tyiquee na' ña'a̱ na' ji'i̱ cu'ma̱; stu'ba ti ndyaca cha' ji'i̱ cu'ma̱ lo'o na', tso'o tsa ndyu'ni Ni lo'o na cha' ndyu'ni na cña ji'i̱ Jesucristo. Nguxtyucua ma̱ jna' tsubi' lo'o nguta'a̱ na' slo ngu' nu laca loo cha' nxacui̱ na' cha' ji'i̱ ngu' bi'; nacui̱ na' ji'i̱ ngu' cha' tso'o tsa laca cha' nu cua nda ycui' Ndyosi lo'o na, lo'o jua'a̱ ndacha' liñi na' ji'i̱ ngu' ñi'ya̱ laca cha' liñi bi'. Lo'o juani tya nxtyucua ma̱ 'na, masi ntsu'u na' ne' chcua̱ xqui'ya cha' nchcui' na' cha' ji'i̱ Jesús lo'o ñati̱.

ROMANOS 8:35

Ni sca cha' cuxi nu ntsu'u chalyuu ná taca cua'ni cha' culaya' Cristo ji'na juani, cha' ntsu'u tsa tyiquee nu Cristo bi' ña'a̱ Ni ji'na. Ná sca caca ji'na, masi quicha tsa na, masi ti'í ti ndi'i̱ na chalyuu, masi xcube' tsa ngu' ji'na, masi ndyiji jbi'ña ji'na, masi tye ste' na ngusu̱, masi ntsu'u tsa cha' cuxi su ndi'i̱ ti na, masi cujuii ngu' ji'na; lcaa cha' bi' ná caca cua'ni cha' culaya' Cristo ji'na.

ROMANOS 8:39

ná sca na nu ntsu'u nde cua̱, ná sca na nu ntsu'u nde qui'ñi ne' yuu, ná sca na tyucui ña'a̱ chalyuu nu ngüiñá ycui' Ndyosi, ná caja ñi'ya̱ nu culo ji'na ya' Jesucristo nu Xu'na na, cha' ntsu'u tsa tyiquee Ni ña'a̱ Ni ji'na.

1 PEDRO 1:8

Ntsu'u tsa tyiquee ma̱ ña'a̱ ma̱ ji'i̱ Jesús, masi bilya ña'a̱ ma̱ ji'i̱ Ni; hasta juani tya lyiji ña'a̱ ma̱ ji'i̱, pana jlya ti' ma̱ cha' lu'ú Ni. Chañi cha' tso'o tsa ntsu'u tyiquee ma̱ juani xqui'ya Jesús, ni ná tye chca cha' chcui' ma̱ lcaa cha' tso'o nu ntsu'u tyiquee ma̱ cuentya ji'i̱ ycui' Jesús lo'o xa' ñati̱.