EFESIOS 2:17 - Chatino Tataltepec

¹⁷ Cua ñaa Cristo ni, nda yu sca cui̱i̱ nu tso'o tsa lo'o ngu' tya'a na, cha' ti̱ ti tyi'i̱ na lo'o ycui' Ndyosi, jua'a̱ lo'o tya'a ñati̱ na; cua nchcui' Cristo lo'o cu'ma̱ ngu' nu ndi'i̱ tyijyu', lo'o jua'a̱ cua nchcui' yu lo'o ngu' judío tya'a na' nu ndi'i̱ cacua ti.

EFESIOS 2:17 Referans Kwoze

LOS HECHOS 10:36

Cua nda ycui' Ndyosi cha' lo'o ya nu laca ya ngu' Israel, cha' ti̱ ti tyi'i̱ cresiya ji'i̱ ñati̱ chalyuu xqui'ya Jesucristo, nu laca Xu'na lcaa ñati̱.

LOS HECHOS 2:39

Liñi tsa cha' nu nda ycui' Ndyosi lo'o ma̱ lo'o nchcui' Ni cha' tyanu Xtyi'i ycui' Ni ne' cresiya ji'i̱ ma̱, lo'o ne' cresiya ji'i̱ sñi' ma̱ tyanu Xtyi'i ycui' Ni, lo'o ne' cresiya ji'i̱ ngu' nu ndi'i̱ tyijyu' tyanu Ni; tyanu Ni ne' cresiya ji'i̱ lcaa ñati̱ nu cua ngusubi ycui' Ndyosi ji'i̱.

ROMANOS 5:1

Jua'a̱ laca lacua; xqui'ya cha' ngusñi ti na cha' ji'i̱ Jesús, bi' cha' cua ngua tso'o cresiya ji'na cuentya ji'i̱ ycui' Ndyosi. Lo'o li' ti̱ ti ndi'i̱ tyiquee na, stu'ba ti ntsu'u cha' ji'na lo'o ycui' Ndyosi xqui'ya Jesucristo nu Xu'na na.

2 CORINTIOS 5:20

bi' cha' laca ndya'a̱ ya ca slo ma̱ chacuayá' ji'i̱ ycui' Cristo. Ndi'ya̱ laca lo'o nchcui' ya lo'o ma̱, ñi'ya̱ laca si ycui' Ndyosi nchcuane Ni ji'i̱ ma̱ cha' cua'a̱ jyaca̱ ma̱ ji'i̱ cha' nu nchcui' Cristo. Nchcui' ya lo'o cu'ma̱ chacuayá' ji'i̱ Cristo lacua, cha' cua'ni ma̱ cha' caca stu'ba cha' ji'i̱ ma̱ lo'o ycui' Ndyosi.

SAN LUCAS 2:14

Cua'ni tlyu na ji'i̱ ycui' Ndyosi, masi ca bi' ca su tlyu su ntucua Ni, masi nde lo yuu chalyuu, cha' tlyu tsa laca ycui' Ni, nacui̱ ngu' xca̱ bi' li'. Cua'ni Ni cha' ti̱ ti tyi'i̱ tyiquee ñati̱ chalyuu lo'o ca cuayá' ti' ngu' cha' ntsu'u tsa tyiquee Ni ña'a̱ Ni ji'i̱ ngu', nacui̱ ngu' xca̱ li'.

SAN MATEO 10:13

Si chañi cha' nti' ngu' nu ndi'i̱ ni'i̱ bi' cuna la ngu' cha' ji'i̱ ycui' Ndyosi, li' cua'ni Ni cha' ti̱ ti tyi'i̱ tyiquee ngu' bi'; pana si ñilo'o ti ngu' ji'i̱ ma̱ cha' nti' ngu' cuna ngu', nga'aa culacua̱ Ni ji'i̱ ngu' bi'. Li' nga'aa chcui' ma̱ cha' ji'i̱ ycui' Ndyosi lo'o ngu' bi'.

ROMANOS 10:14

Pana ná caca chcui' ngu' lo'o ycui' Ndyosi chacuayá' ji'i̱ Jesús si bilya xñi ngu' cha' ji'i̱ yu; jua'a̱ ná caca xñi ngu' cha' ji'i̱ Jesús si bilya cuna ngu' cha' bi'; ni ná caca cuna ngu' cha' bi' si bilya caja ñati̱ nu ta cha' bi' lo'o ngu'.

EFESIOS 4:21

Chañi cha' cua ndyuna ma̱ cha' ji'i̱ Cristo, cua ngua tsa'a̱ tso'o ma̱ cha' liñi ji'i̱ Jesús nu ngulu'u ngu' ji'i̱ ma̱;

SAN LUCAS 15:8

Nda Jesús chaca cui̱i̱ lo'o ngu' li': ―¿Ñi'ya̱ cua'ni sca nu cuna'a̱ nu ntsu'u tii tya'a cñi plata ji'i̱? Si nguna' sca cñi plata bi' ji'i̱, ¿ñi'ya̱ cua'ni li'? Nti' na' cha' cua'a̱ ma' xi quii' cha' culaja tso'o ni'i̱ bi', ña'a̱ cuayá' nu quije cñi bi' ji'i̱.