EFESIOS 1:5 - Chatino Tataltepec

⁵ Ntsu'u tsa tyiquee ycui' Ndyosi ña'a̱ Ni ji'na, bi' cha' tya li', ngua ti' Ni cha' tyatí̱ cha' ji'na lo'o Ni, ñi'ya̱ si laca na sñi' Ni xqui'ya Jesucristo.

EFESIOS 1:5 Referans Kwoze

EFESIOS 1:11

Lcaa cha' nu ndyaca nde chalyuu, ndyaca bi' xqui'ya cha' nti' Ni cha' caca jua'a̱. Lo'o jua'a̱ na ni, tya clyo cua ngusubi Ni ji'na cha' caca na ñati̱ ji'i̱ Ni, cha' caca stu'ba cha' ji'na lo'o Cristo, xqui'ya cha' jua'a̱ nti' ycui' Ndyosi cha' caca.

1 JUAN 3:1

Tlyu tsa cha' tso'o laca cha' ntsu'u tsa tyiquee ycui' Ndyosi Sti na ña'a̱ Ni ji'i̱ ca ta'a ngu' tya'a ntsu'u cha' ji'na lo'o Jesucristo; bi' cha' laca cha' nchcui' ycui' Ndyosi ji'na cha' sñi' ycui' Ni laca na, lo'o jua'a̱ chañi laca cha' bi'. Ná ntaja'a̱ ñati̱ chalyuu tyuloo ji'na cha' sñi' Ni laca na; la cui' jua'a̱ lo'o nguti'i̱ Jesucristo chalyuu, ná ntaja'a̱ ngu' tyuloo ngu' ji'i̱ yu li'.

SAN JUAN 1:12

Pana ndi'i̱ xi ñati̱ nu cua ngusñi cha' ji'i̱ yu, jlya ti' ngu' bi' ji'i̱ yu li'; ji'i̱ ñati̱ bi' nda Ni chacuayá' cha' caca ngu' bi' sñi' ycui' Ndyosi.

ROMANOS 8:23

La cui' jua'a̱ lo'o lcaa tya'a na nu ntsu'u Xtyi'i ycui' Ndyosi ji'na, nxi'ya na ndi'i̱ na cha' ntsu'u tsa cha' ti'í ji'na juani. Na cua nda Ni Xtyi'i ycui' Ni ji'na lo'o ndi'i̱ na nde chalyuu, sca cha' tso'o nu nda Ni ji'na yala la laca. Laja li' ntajatya tsa na ji'i̱ tsa̱ tlyu bi', cha' cua'ni lyaá lyiji Ni ji'na, cha' xcutsa'a̱ Ni ji'i̱ tyucui ña'a̱ na li'. Lo'o li' ta Ni su tyi'i̱ na slo Ni, cha' cua laca na sñi' ycui' Ni.

GÁLATAS 3:26

Sñi' ycui' Ndyosi laca lcaa cu'ma̱ juani lo'o ngusñi ma̱ cha' ji'i̱ Jesucristo, xqui'ya cha' cua ntsu'u cha' ji'i̱ ma̱ lo'o Ni.

2 CORINTIOS 6:18

caca na' Sti ma̱; jua'a̱ cu'ma̱ caca ma̱ sñi' na', masi nu cuna'a̱, masi nu qui'yu. Jua'a̱ nacui̱ ycui' Ndyosi nu Xu'na ma̱, nu lcaa tsiya' ti cña nchca ji'i̱ Ni.

APOCALIPSIS 21:7

Ndi'ya̱ caca ji'i̱ ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu; cua'ni tlyu ngu' bi' 'na cha' na' laca̱ ycui' Ndyosi cuentya ji'i̱ ngu', lo'o jua'a̱ caca ngu' bi' sñi' na'.

EFESIOS 1:9

Ñi'ya̱ nu ngua'ya cha' hique Ni tya sa'ni, jua'a̱ ngua'ni Ni li'; masi ná ndacha' Ni ji'i̱ ñati̱ chalyuu nu ngua sa'ni ñi'ya̱ caca cha' bi', tya li' ngua ti' Ni cha' cua'ni Ni cha' cala Cristo nde chalyuu. Hasta juani cua ngua cuayá' tso'o ti' na ñi'ya̱ ngua ti' ycui' Ndyosi cha' cua'ni Ni xqui'ya Cristo;

SAN JUAN 11:52

masi cajaa Jesús cuentya ji'i̱ lcaa ñati̱ lcua ti ña'a̱ chalyuu, cha' stu'ba ti caca tyiquee lcaa ñati̱ nu jlya ti' ji'i̱ ycui' Ndyosi, ngu' nu cua ngusubi ycui' Ndyosi ji'i̱ cha' caca ngu' sñi' Ni.

2 TESALONICENSES 1:11

Bi' cha' lcaa tsa̱ nchcui' ya lo'o ycui' Ndyosi Sti na cha' cua'ni Ni cña ne' cresiya ji'i̱ ma̱, cha' tso'o ti cua'ni ma̱ cña nu nda Ni ji'i̱ ma̱ tya lo'o ngusubi Ni ji'i̱ ma̱. Nchcui' ya lo'o Ni cha' xtyucua Ni ji'i̱ ma̱, cha' jua'a̱ cua'ni lyiji ma̱ lcaa cha' tso'o nu nclyacua ti' ma̱ cha' cua'ni ma̱ cuentya ji'i̱ ycui' Ni, lcaa lo cha' tso'o nu ndyu'ni ma̱ xqui'ya cha' ngusñi ma̱ cha' ji'i̱ ycui' Ndyosi.

SAN LUCAS 10:21

Sca hora bi' tso'o tsa ntsu'u tyiquee Jesús xqui'ya cha' ndi'i̱ Xtyi'i ycui' Ndyosi lo'o yu. Bi' cha' nchcui' Jesús lo'o ycui' Ndyosi Sti yu li': ―Sti na', cua'ni chi̱ na' loo ycui' nu'u̱ juani. Nu'u̱ laca ycui' Ni nu laca loo nde cua̱, jua'a̱ laca nu'u̱ loo nde lo yuu. Cua ngutu'u yacu̱' ti cha' bi' cuentya ji'i̱ ñati̱ nu ngua tya sa'ni la, cha' ná ca cuayá' ti' ngu' cha' bi' tsiya' ti, masi nchca tsa ji'i̱ ngu'; pana tsa xlya'be hi̱ cha' cua ngulu'u tso'o nu'u̱ cha' bi' ji'i̱ ñati̱ jua'a̱ ti juani, masi ná jlo tso'o ti' ñati̱ bi'. Ndyu'ni tlyu na' jinu'u̱ cha' jua'a̱ ngua ti' ycui' nu'u̱ cha' caca ―nacui̱ Jesús ji'i̱ ycui' Ndyosi.

1 CORINTIOS 1:21

Ngua'ni Ni cha' ná caja ñi'ya̱ tyuloo ñati̱ chalyuu ji'i̱ Ni cha' hique ti ngu'; jua'a̱ tso'o la, ngua ti' ycui' Ndyosi. Pana ndu'ni lyaá Ni ji'i̱ ñati̱ nu xñi cha' ji'i̱ Ni; la cui' cha' nu ndacha' na ji'i̱ ngu', masi cha' tonto nchcui' na, nacui̱ ngu' li'.

SAN JUAN 20:17

Li' nchcui' Jesús lo'o María: ―Ná cala' nu'u̱ jna' cha' tya lyiji tya'a na' nde cua̱ ca su ntucua Sti na' ―nacui̱―. Nu juani, yaa clya nu'u̱ su ndi'i̱ nu xa' la ñati̱ nu cua ngusñi cha' 'na, yaa cacha' nu'u̱ ji'i̱ ngu' bi', cha' cua tyacuí̱ ti na' tya'a na' ca su ntucua ycui' Ndyosi Sti na', nu laca Sti ma̱. Tya'a na' ca su ntucua ycui' Ndyosi nu Xu'na na', nu bi' nu laca ycui' Ndyosi nu Xu'na ma̱.

SAN MATEO 11:26

Chañi cha' jua'a̱ nti' ycui' nu'u̱, cha' caca cuayá' ti' ngu' nu ná jlo ti' tsiya' ti.

SAN LUCAS 11:32

Lo'o jua'a̱ lo'o ngu' jyo'o quichi̱ Nínive ni, sta ngu' qui'ya ji'i̱ cu'ma̱ tsa̱ bi' lo'o cua'ni cuayá' ycui' Ni ji'i̱ cu'ma̱. Cua ndyuna ngu' Nínive bi', nu lo'o nchcui' Jonás lo'o ngu' chacuayá' ji'i̱ ycui' Ndyosi; ngua tyuju'u ti' ngu' bi', nguxtyanu ngu' lcaa cha' cuxi nu ntsu'u ji'i̱ ngu' li'. Pana cu'ma̱ ni, ná ntaja'a̱ ma̱ cuna ma̱ cha' nu nda na' lo'o ma̱, masi tlyu la cña ndyu'ni ycui' Ndyosi juani; xti la cha' ngua lo'o ndyaa jyo'o Jonás ca Nínive tyempo bi'.

FILIPENSES 2:13

Tyi'u ti' ma̱ cha' lcaa tsa̱ ndu'ni ycui' Ndyosi cña laja ne' cresiya ji'i̱ ma̱, cha' taca cua'ni ma̱ cña ji'i̱ Ni; jua'a̱ ndu'ni Ni cha' tyaja'a̱ ma̱ cua'ni ma̱ lcaa ña'a̱ nu nti' ycui' Ndyosi cha' cua'ni ma̱.

1 CORINTIOS 1:1

Pablo laca na' nu nscua̱ quityi re, lo'o jua'a̱ stu'ba ti ntucua na' lo'o Sóstenes tya'a ndyu'ni na' cña. Chacuayá' ji'i̱ ycui' Ndyosi ndya'a̱ na' nchcui' na' cha' ji'i̱ Jesucristo lo'o lcaa ñati̱.

SAN MATEO 1:25

pana ná ngujua' yu lo'o ña'a̱ cuayá' nu cua ngula sñi'. Lo'o cua ngula cubi', li' ngua naa Jesús.

SAN LUCAS 12:32

’Ná cutsi̱i̱ cu'ma̱. Ñati̱ 'na laca ma̱, masi xti ti ngu' tya'a ma̱, cu'ma̱ nu laca ma̱ taju ñati̱ ji'i̱ ycui' Ndyosi; cua ngujui chalyuu tso'o ji'i̱ ma̱ cha' ycui' Ndyosi Sti na laca loo ji'i̱ ma̱, cha' jua'a̱ nti' ycui' Ni.

LOS HECHOS 13:48

Ndyuna nu ngu' xa' tsu' cha' bi', lo'o li' tso'o tsa ntsu'u tyiquee ngu'. Tso'o tsa laca cha' ji'i̱ ycui' Ndyosi nu Xu'na na, ngulacua ti' ngu' bi'; jua'a̱ ngusñi ngu' cha' bi'. Jlya ti' ngu' bi' cha' ji'i̱ Jesús, lcaa ngu' nu cua ngusubi ycui' Ndyosi ji'i̱; ngujui chalyuu nu ná nga'a̱ cha' tye ji'i̱ ngu' bi' li'.

COLOSENSES 1:19

Cua nacui̱ ycui' Ndyosi cha' caca Sñi' Ni ñi'ya̱ laca ycui' Ni tsiya' ti,

HEBREOS 2:4

Lo'o jua'a̱ ngua'ni ycui' Ndyosi cña cha' ca cuayá' ti' na cha' chañi tsa laca cha' nu nchcui' ngu', ngua'ni Ni quiña'a̱ tsa cha' tlyu slo na cha' ña'a̱ na ji'i̱. Tyu̱u̱ tsa cha' nu ná nchca cua'ni ñati̱ chalyuu ngua'ni Ni, cha' cube tsa ti' na ji'i̱ ycui' Ni lo'o ña'a̱ na cha' tlyu bi'. Lo'o li' cua nda Ni Xtyi'i ycui' Ni cha' tyanu ne' cresiya ji'i̱ ñati̱ chalyuu, tsa ña'a̱ nu ntsu'u tyiquee ycui' Ni nda Ni ji'i̱ ngu'; bi' cha' nchca ji'na cua'ni na tyu̱u̱ lo cña cuentya ji'i̱ ycui' Ndyosi, nu ná nchca ji'i̱ ñati̱ cua'ni ycui' ca ngu'.