APOCALIPSIS 9:11 - Chatino Tataltepec

¹¹ Ntsu'u nu laca loo ji'i̱ ni', la cui' nu ntucua tlyu ca ne' tyuquee bi'; Abadón naa nu bi' cha'cña ji'i̱ ngu' judío, lo'o jua'a̱ Apolión naa nu bi' cha'cña ji'i̱ ngu' griego, nu nti' ñacui̱ cha'cña ji'na: ycui' nu ndu'ni ñu'u̱ ji'i̱ chalyuu.

APOCALIPSIS 9:11 Referans Kwoze

EFESIOS 2:2

Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi.

2 CORINTIOS 4:4

Ná ntaja'a̱ ngu' bi' xñi ngu' cha' bi' xqui'ya nu xña'a̱ nu ñilo'o ji'i̱ ñati̱ chalyuu. Ndacu̱' nu cuxi bi' cha' ji'i̱ ngu' cha' ná cuna ngu' cha' tso'o nu cuentya ji'i̱ Cristo, bi' cha' ná nchca tyanu xee lubii ji'i̱ Cristo ne' cresiya ji'i̱ ngu' bi'. Tlyu tsa cha' laca ji'i̱ Cristo; lcaa cha' nu ntsu'u ji'i̱ Ni, stu'ba ntsu'u cha' ji'i̱ Ni lo'o ycui' Ndyosi Sti Ni ca su ntucua Ni juani.

SAN JUAN 16:11

Jua'a̱ cua'ni Ni cha' ca cuayá' ti' ngu' cha' ntsu'u cha' cua'ni cuayá' ycui' Ndyosi ji'i̱ lcaa ñati̱ chalyuu, xqui'ya cha' cua ngusta Ni yabe' hichu̱' nu xña'a̱ nu laca loo ji'i̱ ñati̱ chalyuu.

SAN JUAN 14:30

’Nga'aa quiña'a̱ tsa cha' chcui' na' lo'o ma̱ juani ―nacui̱ Jesús li'―. Cua lijya̱ nu xña'a̱ nu laca loo nde chalyuu, cua lijya̱ nu bi' ca su ndi'i̱ na re. Ná ntsu'u chacuayá' ji'i̱ nu bi' cha' caca loo jna'.

SAN JUAN 8:44

Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.

1 JUAN 5:19

Jlo ti' na cha' ñati̱ ji'i̱ ycui' Ndyosi laca na, xqui'ya cha' cua ngusñi na cha' ji'i̱ Jesucristo; pana xa' la ñati̱ chalyuu nu ná ndaquiya' ji'i̱ Ni tsiya' ti, ña'a̱ ti tya laca nu xña'a̱ loo ji'i̱ ñati̱ bi'.

1 JUAN 4:4

Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.

SAN JUAN 12:31

Cua ndyalaa hora cha' cua'ni cuayá' Ni ji'i̱ lcaa ñati̱ chalyuu, nu lo'o tyiji̱loo na' tsiya' ti ji'i̱ nu xña'a̱ nu laca loo nde chalyuu ―nacui̱ Jesús ji'i̱ ngu'―.

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.

SAN LUCAS 8:31

Ntsi̱i̱ tsa cui'i̱ xña'a̱ bi' si culo Jesús cña ji'i̱ cha' tyaa cui'i̱ bi' ca su laca tyi cui'i̱ ca ne' yuu. Bi' cha' ngua'ni cui'i̱ cha' ngüijña yu quicha bi' ji'i̱ Jesús cha' ná culo yu cña cha' tyu'u cui'i̱ bi'.

SAN JUAN 5:2

Nde Jerusalén bi' ntsu'u sca to' lo'o quichi̱ su naa to' lo'o ji'i̱ xlya'. Ca bi' nscua sca tayu' piti, Betesda naa tayu' bi' cha'cña ji'i̱ ngu' judío bi'.

APOCALIPSIS 16:16

Li' nxuti'i̱ cuiñaja bi' ji'i̱ ngu' laca loo, cha' tya̱a̱ ngu' nde sca nati̱', su naa Armagedón cha'cña ji'i̱ ngu' judío.