APOCALIPSIS 8:3 - Chatino Tataltepec

³ Li' ya̱a̱ chaca yu xca̱ nu ndyi'ya cuu oro lijya̱. Ya̱a̱ bi' ngutu̱ to' mesa su ntucua msta̱, la cui' mesa nu ndu̱ nde loo su ntucua yaca xlya tlyu. Cua ngujui quiña'a̱ yana jo'ó ji'i̱ yu cha' taqui̱ yu lo mesa su ntucua msta̱ bi'. La cui' tyempo nu lo'o nchcui' ngu' lo'o ycui' Ndyosi, lcaa ñati̱ nu ntsu'u cha' ji'i̱ lo'o ycui' Ndyosi ni, bi' tyempo laca nu ndyaqui̱ yana jo'ó bi'.

APOCALIPSIS 8:3 Referans Kwoze

APOCALIPSIS 5:8

Lo'o ngusñi Ni quityi bi', li' ngutu̱ sti̱' ca ta'a jacua na'ni tacati bi'; lo'o jua'a̱ nu calaa ntucua jacua tya'a ngu' cusu' bi', ndu̱ sti̱' ngu' nde loo nu ñi'ya̱ ña'a̱ xlya' bi'. Ntsu'u sañi ya' ngu' cusu' bi', lo'o jua'a̱ ntucua cuu oro ya' lcaa ngu' cusu' bi'; ntsu'u yana jo'ó nu ndyaqui̱ ne' cuu bi'. Ñi'ya̱ lo'o ntyucua xtyi'i yana jo'ó ndyaqui̱ bi', jua'a̱ ndyaa cha' nu nchcui' ngu' ca slo ycui' Ni lo'o nchcui' ñati̱ ji'i̱ ycui' Ndyosi lo'o Ni.

APOCALIPSIS 8:4

Lo ya' xca̱ nu ndu̱ slo ycui' Ndyosi, ca bi' ndatu̱ sñii yana jo'ó nu ndyaqui̱ ne' cuu bi'; stu'ba ti ndyatu̱ sñii bi' ndyalo'o cha' nu nchcui' ñati̱ bi' lo'o Ni. Jua'a̱ ndyu'ni tlyu ngu' bi' ji'i̱ ycui' Ndyosi.

SAN LUCAS 1:10

Hora nu ndyaqui̱ yana jo'ó bi' ne' laa, li' ndyu'u ti'i̱ ngu' quichi̱ nde liya' ti, nchcui' tya'na ngu' lo'o ycui' Ndyosi.

APOCALIPSIS 9:13

Li' ngula'á xca̱ nu nchca scuá lo'o cui'chcua̱ ji'i̱ yu. Lo'o ndyuna na', li' nchcui' ñati̱ ca su ndu̱ mesa tlyu oro nu nscua nde loo su ntucua ycui' Ndyosi. Ca ta'a jacua jyaca̱ mesa nguañi nchcui' ñati̱ bi',

HEBREOS 9:4

Nde ne' cuarto bi' ntucua mesa oro su ndaqui̱ sti jo'ó yana jo'ó lo; la cui' ca bi' ntucua cñá' tacati, nu ngüixi̱i̱ tyi'i̱ ca chu̱' yaca lo'o chcua̱ oro. Ne' cñá' bi' cua ntsu'u co'o tsa yu'be ti na nu ñi'ya̱ ña'a̱ scua̱ ña'a̱, nu nda ycui' Ndyosi cha' ndyacu ngu' Israel ca lo nati̱' btyi su nguta'a̱ yu'u ngu' nu ngua sa'ni; ne' sca caatya̱ oro ntsu'u co'o na nu ndyacu ngu' bi'. Lo'o jua'a̱ ca ne' cñá' bi' ntsu'u co'o yaca xca̱ ji'i̱ jyo'o Aarón, yaca nu ntyucua sati̱ chu̱' jua'a̱ ti; jua'a̱ ntsu'u tyucuaa quee cuaja', nu nscua nu tii tya'a cha' bi' lo, nu ndacha' ni cña nu cua ngulo ycui' Ndyosi ji'i̱ ngu' cha' cua'ni ngu'. Ca ta'a na bi' ntsu'u co'o ne' cñá' tacati bi'.

HEBREOS 7:25

Lcaa ca tyempo, masi juani, masi nde loo la, taca ji'i̱ Ni cua'ni lyaá Ni ji'i̱ cua ña'a̱ ca ñati̱ nu xñi cha' ji'i̱ ycui' Ndyosi xqui'ya Jesús. Tyucui tyempo ndi'i̱ Jesús ca slo ycui' Ndyosi, cha' chcui' Ni lo'o ycui' Sti Ni cuentya ji'na.

ROMANOS 8:34

Ná ntsu'u nu caca xcube' ji'na li', cha' xqui'ya na cua ngujuii Jesús, xqui'ya na cua ndyu'ú yu chaca quiya'. Lo'o juani ntucua Cristo la'a tsu' cui̱ ca su ntucua ycui' Ndyosi, ndijña yu cha' clyu ti' ji'i̱ ycui' Ndyosi Sti yu cuentya ji'na.

APOCALIPSIS 7:2

Li' na'a̱ na' ndu'u tucua chaca yu xca̱, nu ndu'u tucua lijya̱ nde su ntyucua cuichaa. Ndyi'ya yu cuayá' nu cua nda ycui' Ndyosi ji'i̱ yu, cha' cua'a̱ yu hichu̱' ñati̱ ji'i̱ ycui' Ndyosi; la cui' Ni nu nda chalyuu ji'na laca bi'. Cui̱i̱ nchcui' yu lo'o nu jacua tya'a xca̱ nu ntsu'u chacuayá' ji'i̱ cha' cua'ni ñu'u̱ ji'i̱ chalyuu lo'o ji'i̱ tyujo'o.

APOCALIPSIS 6:9

Lo'o li' nu nchca ca'yu quiya' ngusuu nu ñi'ya̱ ña'a̱ xlya' bi' nguiña' nu nga'a̱ tu'ba quityi bi'. Li' na'a̱ na' sca mesa tlyu nde loo su ntucua ycui' Ndyosi, mesa bi' laca nu tyucua msta̱ lo. Nde ne' mesa bi' ntsiya tyu̱u̱ tya'a ngu' nu ngujuii; cua ndyujuii ñati̱ ji'i̱ ngu' bi' xqui'ya cha' nu nda ycui' Ndyosi lo'o ngu' bi', cha' ná ntsi̱i̱ ngu' bi' nchcui' ngu' cha' bi' lo'o tya'a ñati̱ ngu' li'.

APOCALIPSIS 10:1

Li' laja coo ti na'a̱ na' chaca xca̱ nu ngutu'u ca slo ycui' Ndyosi, nu ya̱a̱ nde cua̱ ngua'ya nde lo yuu li'; lcaa cña nchca ji'i̱ xca̱ bi'. Ndu̱ cuaña taa lo xlya hique xca̱ bi', jua'a̱ ndubi tsa ña'a̱ cloo xca̱ bi' ñi'ya̱ ndubi ña'a̱ loo cuichaa; lo'o jua'a̱ tyijya̱ quiya' yu, jua'a̱ tyijya̱ nda̱ yu, lye ndyu'u xee ñi'ya̱ laca lo'o ndyatu̱ quii'.

APOCALIPSIS 8:5

Li' ndyalo'o xca̱ ji'i̱ cuu bi', ngusu'ba yu quii' nchcubi' ne', ngu̱ yu ji'i̱ cuu ndyaa cha' tyú nde lo yuu chalyuu. Li' lye tsa nguañi nde chalyuu, lye tsa nguañi nchcui' tyi'yu, lye tsa ndyubii, lye tsa ngulacui̱ chalyuu.

APOCALIPSIS 14:18

Jua'a̱ ngutu'u tya chaca xca̱ nu ndu̱ to' mesa su ndyaqui̱ msta̱, ya̱a̱ li'; bi' laca nu laca loo ji'i̱ quii' bi'. Li' cui̱i̱ ngusi'ya bi' lo'o xca̱ nu ndacui maxtyi cha tu'ba ya': ―Xu'ba clya nu'u̱ maxtyi jinu'u̱, xi'yu jyacua' si'yu losu' tyixi nu ntsu'u chalyuu, cha' ngumi̱ tsa ña'a̱ si'yu bi'.