APOCALIPSIS 7:16 - Chatino Tataltepec

¹⁶ Nga'aa tyucua cha' ntyute' ngu' bi' chaca quiya', ni nga'aa tyucua cha' nguityi ngu' hitya; nga'aa tsumi̱' xee cua̱ ji'i̱ ngu', ni nga'aa ca chiya'a̱ ti' ngu' lo'o tyique' cua̱.

APOCALIPSIS 7:16 Referans Kwoze

SAN JUAN 4:14

Lo'o co'o ngu' hitya nu ta na', nga'aa tyucua nguityi ngu' tsiya' ti li' ―nacui̱―. Ta na' sca lo hitya co'o ngu' nu cua'ni cu'ú cresiya ji'i̱ ngu'. Ndi'ya̱ laca bi': ñi'ya̱ si laca sca su̱u̱ hitya nde ne' cresiya ji'i̱ ngu', jua'a̱ ná nga'a̱ cha' tye chalyuu ji'i̱ ngu' li'.

APOCALIPSIS 21:4

Lo'o li' cua'ni ycui' Ndyosi cha' nga'aa xi'ya ngu' nu ndyunaa tsa tya tsubi' la ―nacui̱ nu nchcui' bi'―. Nga'aa ntsu'u cha' cajaa ñati̱ li', nga'aa ntsu'u cha' ca xñi'i̱ ti' ngu', nga'aa xi'ya ngu', ni nga'aa tyacua cha' ti'í ji'i̱ ngu' li'; cua ndye lcaa cha' nu ngua ji'i̱ ngu' lo'o nguti'i̱ ngu' chalyuu cusu' ―nacui̱ nu nchcui' bi'.

SAN MATEO 5:6

’Lo'o jua'a̱ tso'o ntsu'u tyiquee ñati̱ si tyaja'a̱ tsa cua'ni lcaa cha' tso'o, lcaa cha' liñi; ji'i̱ ñati̱ bi' xtyucua ycui' Ndyosi cha' taca ji'i̱ cua'ni lcaa cha' nu nti' ycui' Ni.

SAN LUCAS 6:21

’Lo'o jua'a̱ tso'o ntsu'u tyiquee cu'ma̱ masi ñi'ya̱ nti' si ntyute' tsa ma̱ juani, cha' lye tsa nti' ma̱ cuna ma̱ sca cha' liñi ―nacui̱―. Ca tiya' la, li' caca tyaala' ti' ma̱. ’Lo'o jua'a̱ tso'o ntsu'u tyiquee cu'ma̱ masi xñi'i̱ ti ti' cu'ma̱ ndi'i̱ ma̱ chalyuu juani, cha' ca tiya' la ca chaa ti' ma̱ li' ―nacui̱ Jesús―.

SAN LUCAS 1:53

Cua ngua'ni Ni cha' tyaala' ti' ñati̱ nu lyiji tsa cha' tso'o ji'i̱, pana ngulo Ni cña cha' nga'aa caja la cha' culiya' ji'i̱ ngu' culiya'.

SAN MATEO 13:6

bi' cha' ná ngua xñi su̱u̱ chu̱' quee bi', ni ná ngua caluu tso'o. Ndye calya bi' ndyanaa, cha' tyique' tsa cua̱.

SANTIAGO 1:11

Lo'o ndyaa cuichaa nde cua̱, ca tyique' tsa cua̱ li', ndyanaa yaca queé, ndyalú lcaa cucu' queé, ndye cha' tso'o ña'a̱ ji'i̱ li'. La cui' jua'a̱ tye cha' ji'i̱ ngu' culiya'; laja lo'o ndyu'ni cña ti' ngu' cha' tya caja la cha' tso'o ji'i̱ ngu', tye cha' tso'o bi' ji'i̱ ngu' li'.

SAN MARCOS 4:17

Pana si lya' ti' xa' ñati̱ ji'i̱ ngu' bi' xqui'ya cha' tso'o nu ndyuna ngu' bi', si xtyí lo'o ñati̱ ji'i̱ ngu', ná talo ngu' li'; laca ngu' bi' ñi'ya̱ laca si ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', lo'o li' ná ndalo calya bi' ndyanaa li'.

SAN MARCOS 4:6

bi' cha' ná ngua xñi su̱u̱ chu̱' quee bi', ná ngua caluu tso'o. Ndye calya bi' ndyanaa, cha' tyique' tsa cua̱.

SAN MATEO 13:21

Pana si lya' ti' xa' ñati̱ ji'i̱ ngu' bi', si xtyí lo'o ñati̱ ji'i̱ ngu' xqui'ya cha' tso'o nu cua ndyuna ngu' bi', ná talo ngu' li'. Laca ngu' bi' ñi'ya̱ laca lo'o ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', cha' ná ndalo calya bi', ndyanaa bi' li'.