APOCALIPSIS 7:10 - Chatino Tataltepec

¹⁰ Cui̱i̱ nchcui' ngu' li': Cua'ni tlyu na ji'i̱ ycui' Ndyosi nu Xu'na na nu ntucua lo yaca xlya tlyu, la cui' bi' laca nu ndu'ni lyaá ji'na, nacui̱ ngu' ji'i̱ tya'a ngu'; jua'a̱ nu ñi'ya̱ ña'a̱ xlya' bi' ndu'ni lyaá ji'na, nacui̱ ngu'.

APOCALIPSIS 7:10 Referans Kwoze

APOCALIPSIS 19:1

Tiya' la xi ndyuna na' nchcui' ñati̱ nu ndi'i̱ tsa tlyu ti ca su ntucua ycui' Ndyosi. Ndi'ya̱ nchcui' ngu' li': Cua'ni tlyu na ji'i̱ ycui' Ndyosi, cha' nchca ji'i̱ Ni cua'ni lyaá Ni ji'i̱ ñati̱. Cua'ni chi̱ na loo ycui' Ndyosi, cha' nchca ji'i̱ Ni cua'ni Ni lcaa lo cña tsiya' ti.

APOCALIPSIS 12:10

Lo'o li' cui̱i̱ tsa nguañi nchcui' sca ñati̱ nde cua̱: ―Juani taca ña'a̱ na ñi'ya̱ ngua'ni lyaá ycui' Ndyosi ji'i̱ ñati̱ chalyuu ya' nu xña'a̱ ―nacui̱ ngu'―. Nguula tsa cña ndu'ni Ni chalyuu, bi' cha' laca Ni loo juani, lo'o jua'a̱ cua ndyalaa tyempo cha' caca Cristo loo tyucui ña'a̱ chalyuu. Nu ngua tya tsubi' la ndu̱ nu xña'a̱ bi' ca slo ycui' Ndyosi, cha' tsa̱ lo'o talya ngusta bi' qui'ya hichu̱' ñati̱ tya'a ngusñi na cha' ji'i̱ Jesús; pana juani cua ngulo'o Ni ji'i̱ ca su ntucua ycui' Ni, cua ndyu'u laja ngu' bi' li'.

APOCALIPSIS 22:3

Pana lquichi̱ bi' nga'aa caja cha' ti'í ji'i̱ ngu' tsiya' ti, ñi'ya̱ nu ntsu'u nde chalyuu xqui'ya yabe' nu ntsu'u ji'i̱ ñati̱. Ca quichi̱ bi' stu'ba ti caca loo ycui' Ndyosi lo'o nu ñi'ya̱ ña'a̱ xlya' bi'; ndacua ntucua yaca xlya tlyu ji'i̱ Ni, cha' cua'ni tlyu lcaa ñati̱ nu ndyu'ni cña ji'i̱ Ni ji'i̱ ycui' Ni nu ntucua ca ndacua.

EFESIOS 2:8

na cua ngulaá na ji'i̱ nu cuxi, xqui'ya cha' jua'a̱ ti ndu'ni Ni cha' tso'o lo'o na lo'o ngusñi na cha' ji'i̱ Cristo. Ni si'i sca cña nu ngua'ni ycui' ca na laca bi', sca cha' tso'o nu ngua'ni ycui' Ndyosi cuentya ji'na jua'a̱ ti laca bi'.

SAN JUAN 1:29

Ca chaca tsa̱ na'a̱ Juan cha' cua lijya̱ ti Jesús slo. Lo'o li' nacui̱ Juan ji'i̱ ñati̱ nu ndu̱ slo: ―Ña'a̱ tso'o ma̱ ji'i̱ nu cusu' cua ―nacui̱―. Cua ngusubi ycui' Ndyosi ji'i̱ nu cua cha' caca yu sca msta̱ lu'ú, cha' cuityi̱ lcaa qui'ya nu ntsu'u ji'i̱ ñati̱ chalyuu ―nacui̱―.

APOCALIPSIS 21:5

Nchcui' ycui' nu ntucua lo yaca xlya tlyu bi' li': ―Ña'a̱ ma̱ ya'a̱ ñi'ya̱ nu caca juani. Xa' cuiñá cui na' lcaa na nu tyu'u nde chalyuu cucui ―nacui̱ Ni. Chaca cha' nchcui' Ni lo'o na' li': ―Scua clya nu'u̱ cha' nu nchcui' na' lo quityi; chañi tsa laca cha' bi', taca jlya ti' ma̱ ji'i̱.

SAN LUCAS 3:6

“Cua ngulala ti cha' ña'a̱ ngu' tyucui ña'a̱ chalyuu, cha' taca cua'ni lyaá ycui' Ndyosi ji'i̱ ñati̱.” Jua'a̱ nguscua jyo'o Isaías lo quityi bi'.

APOCALIPSIS 5:7

Li' ndyaa nu ñi'ya̱ ña'a̱ xlya' bi' ndyiqui'ya Ni ji'i̱ quityi nchcu̱' nu ntsu'u ya' tsu' cui̱ nu cusu' laca loo nu ntucua su tlyu bi'.

APOCALIPSIS 4:6

Nde cla'be su ntucua ñati̱ bi', ngua ti' na' cha' na'a̱ na' sca tayu'; ñi'ya̱ ndubi ña'a̱ sca caatya̱, jua'a̱ ndubi ña'a̱ bi'. Tyi'i̱ ca chu̱' su ndu̱ yaca xlya tlyu bi', ca bi' ndu̱ jacua tya'a na lu'ú nu ñi'ya̱ ña'a̱ na'ni, jua'a̱ ña'a̱; ndu̱ ni' cua̱. Tyucui ña'a̱ ni' ntucua cloo ni'; masi nde sii' ni', masi nde chu̱' ni' ntucua cloo ni'.

SAN JUAN 4:22

Cu'ma̱ ngu' Samaria ni, lo'o ndu'ni tlyu ma̱ ji'i̱ ycui' Ndyosi ná nslo ma̱ ti ji'i̱ ndu'ni tlyu ma̱; pana ngu' judío cuare, nslo ya ti ji'i̱ ndu'ni tlyu ya, cha' sca ngu' quichi̱ tyi ya laca nu ñati̱ tlyu nu cua'ni lyaá ji'i̱ lcaa ñati̱ ―nacui̱ Jesús ji'i̱ nu cuna'a̱ bi'―.

SAN JUAN 1:36

Na'a̱ Juan ji'i̱ yu, lo'o li' nchcui' Juan cha' ji'i̱ Jesús: ―Nu cua caca msta̱ lu'ú nu cua ngusubi ycui' Ndyosi ji'i̱ cha' cajaa yu xqui'ya na.