APOCALIPSIS 6:12 - Chatino Tataltepec

¹² Lo'o li' na'a̱ na' ji'i̱ nu ñi'ya̱ ña'a̱ xlya' bi', cha' nu nchca scuá quiya' ngusuu Ni nguiña' nu nga'a̱ to' quityi bi'; lye tsa ngulacui̱ chalyuu li'. Li' ndyacu cuichaa, ngua talya xee; ñi'ya̱ laca sca late' ngata nu nchcu' ñati̱ su nscua jyo'o, jua'a̱ ña'a̱ ngua bi'. Lo'o jua'a̱ co' ni, ngua nga'a ña'a̱ bi'; ñi'ya̱ ña'a̱ tañi, jua'a̱ ña'a̱ bi'.

APOCALIPSIS 6:12 Referans Kwoze

SAN MATEO 24:29

’Nu lo'o cua ndye tsa̱ nu nga'a̱ cha' chcube' ngu', li' yala ti caca talya ña'a̱ xee cuichaa, lo'o jua'a̱ nga'aa tyaca̱' xee co' li'. Tyalú cuii lo'o cualya nu ntsu'u nde cua̱ ca lo yuu, lo'o jua'a̱ xquiña Ni lcaa na nu ntsu'u nde cua̱.

APOCALIPSIS 16:18

Li' lye tsa ndyubi, lye tsa nguañi tyucui ña'a̱ lo tyujo'o, lye tsa nchcui' tyi'yu, lye tsa ngulacui̱ chalyuu; bilya clyacui̱ chalyuu jua'a̱ tya lo'o ngüiñá Ni ji'i̱ ñati̱ chalyuu. Tlyu tsa cha' ngua.

APOCALIPSIS 11:13

La cui' hora bi' lye tsa ngulacui̱ chalyuu; su nchca tii tya'a bariyu quichi̱ bi', tyucui ña'a̱ sca bariyu ndye nguti̱ li'. Cati mil tya'a ñati̱ ngujuii li', xqui'ya cha' ngulacui̱ chalyuu. Lye tsa ndyutsi̱i̱ nu xa' la ñati̱ nu ndyanu li', ndyutsi̱i̱ tsa ngu' ji'i̱ ycui' Ndyosi nu ndi'i̱ nde cua̱ cha' nchca ji'i̱ Ni cua'ni Ni cña nu jua'a̱ tonu tsa; ndube tsa ti' ngu' cha' ngua'ni Ni jua'a̱.

APOCALIPSIS 8:5

Li' ndyalo'o xca̱ ji'i̱ cuu bi', ngusu'ba yu quii' nchcubi' ne', ngu̱ yu ji'i̱ cuu ndyaa cha' tyú nde lo yuu chalyuu. Li' lye tsa nguañi nde chalyuu, lye tsa nguañi nchcui' tyi'yu, lye tsa ndyubii, lye tsa ngulacui̱ chalyuu.

SAN MATEO 24:7

Xu̱u̱ tya'a ñati̱ sca tsu' lo'o ngu' chaca tsu', lo'o jua'a̱ xu̱u̱ tya'a ñati̱ sca quichi̱ tlyu lo'o ñati̱ chaca quichi̱ tlyu. Li' caja jbi'ña ji'i̱ ngu', ca̱a̱ quicha nu xñi ji'i̱ lcaa ngu', lo'o jua'a̱ tyu̱u̱ se'i̱ clyacui̱ chalyuu li'.

SAN MARCOS 15:33

Lo'o ndyalaa nde hora ngua talya xee tyucui ña'a̱ loyuu. Sna hora ndalo cha' talya xee.

SAN MATEO 28:2

Li' ngulacui̱ tsa chalyuu, cha' ngua'ya sca xca̱ ji'i̱ ycui' nu Xu'na na nu ntsu'u nde cua̱, ngua'ya lo yuu ca to' cuaá bi'. Li' nguxasu ji'i̱ quee tonu nu nscua to' cuaá, ndyaa tucua yu chu̱' quee bi'.

SAN MATEO 27:54

Lo'o nu sendaru nu nga'a̱ cua̱ ji'i̱ Jesús bi', lo'o nu capitán ji'i̱ sendaru bi', ngulacua tsa ti' ngu' bi' li'; tlyu tsa cha' ndyutsi̱i̱ ti' ngujui ji'i̱ ngu' bi' lo'o na'a̱ ngu' ñi'ya̱ ngua cha' bi', ñi'ya̱ ngua lo'o ngulacui̱ chalyuu. ―Chañi tsa cha' Sñi' ycui' Ndyosi laca jyo'o re ―nacui̱ nu ngu' sendaru bi'.

SAN MATEO 27:45

Lo'o li' ngua talya chalyuu chu̱' sna hora; nde hora nguxana cha' bi', hasta ña'a̱ cuayá' nu ndyalaa hora cua sna nde ngusi̱i̱.

SAN MATEO 11:21

―¡Tya'na tsa cu'ma̱ ngu' quichi̱ Corazín! ―nacui̱ Jesús―. ¡Tya'na tsa cu'ma̱ ngu' quichi̱ Betsaida! ―nacui̱―. Cua quiña'a̱ tsa cha' tlyu nu cua na'a̱ cu'ma̱, pana ná nguju'u ti' ma̱ tsiya' ti ji'i̱ cha' cuxi nu ndyu'ni ma̱, ná nguxtyanu ma̱ cha' bi'. La cui' jua'a̱ tya sa'ni la xña'a̱ tsa ngu' quichi̱ Tiro lo'o ngu' quichi̱ Sidón, ngu' xa' tsu' ngua ngu' bi'. Pana ná ngujui ñi'ya̱ caca tyuju'u ti' ngu' bi' ji'i̱ cha' cuxi nu ngua'ni ngu', ná ngulochu̱' ngu' ji'i̱ cha' cuxi bi', cha' bilya ña'a̱ ngu' bi' cha' tlyu ñi'ya̱ nu ña'a̱ cu'ma̱ ngu' Israel; bi' cha' ná ngua xñi'i̱ ti' ngu' bi'. Ná ndyacu' ngu' late' ngata, ni ná ngusu'ba ngu' jii hique ngu' ñi'ya̱ nu ndu'ni ngu' su nscua jyo'o.

APOCALIPSIS 8:12

Li' ngula'á xca̱ nu nchca jacua lo'o cui'chcua̱ ji'i̱. Li' ngunu'u̱ lcaa xee tlyu nu ntsu'u nde cua̱, cha' sa cla'be ti xee ndyubi' li'; lo'o xee cuichaa, lo'o xee co', lo'o xee cuii, sa cla'be ti xee ndyubi'. Sa cla'be ti nde cua̱, sa cla'be ti nde talya, nga'aa nda bi' xee.

APOCALIPSIS 16:8

Lo'o li' ndyaa xca̱ nu nchca jacua, ndyaa ngusalú na nu ntsu'u ne' ca'ña ji'i̱ lo cuichaa; tyique' tsa ndyaca li', cha' cua nda ycui' Ndyosi chacuayá' ji'i̱ cuichaa cha' chumi̱' hichu̱' ñati̱.