APOCALIPSIS 3:21 - Chatino Tataltepec

²¹ Cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu, ta na' su tyucua ñati̱ bi' ca su ntucua na' cha' laca na loo; cha' jua'a̱ na', cua ntiji̱loo na' ji'i̱ nu xña'a̱ bi', lo'o juani nga'a̱ na' slo ycui' Sti na' su laca Ni loo.

APOCALIPSIS 3:21 Referans Kwoze

2 TIMOTEO 2:12

Si talo na lo'o xcube' ngu' ji'na xqui'ya cha' ji'i̱ Ni, li' caja su tyi'i̱ na lo'o ycui' Jesús ca su laca Ni loo ca bi'. Si ñacui̱ na cha' ná ntsu'u cha' ji'na lo'o Jesucristo, jua'a̱ ycui' Ni, ñacui̱ Ni cha' ná ntsu'u cha' ji'i̱ Ni lo'o na.

SAN MATEO 19:28

―Cha' liñi nchcui' na' lo'o ma̱ juani ―nacui̱ Jesús ji'i̱ ngu'―, cha' nu lo'o caca chalyuu cucui bi' ni, li' ca̱a̱ na' nu cua nda Ni 'na lijya̱a̱ cha' caca na' ñati̱; tsaa tucua na' ca su tso'o tsa ña'a̱ ca bi', cha' cua'ni cuayá' na' ji'i̱ lcaa ñati̱ chalyuu li'. Lo'o cu'ma̱ nu ndya'a̱ ma̱ lo'o na', tiya' la tyucua ma̱ lo tii tyucuaa tya'a yaca nu tso'o tsa ña'a̱, cha' cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel bi'.

SAN JUAN 16:33

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

APOCALIPSIS 2:7

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caja chalyuu nu ná nga'a̱ cha' tye ji'i̱ ngu' bi', lo'o jua'a̱ ta na' chacuayá' cacu ngu' si'yu yaca tso'o nu ndu̱ ca cla'be yuu tso'o su ndi'i̱ ycui' Ni, nacui̱ Jesús.”

SAN MATEO 28:18

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

SAN LUCAS 22:30

Nga'a̱ cha' stu'ba ti cacu ma̱ co'o ma̱ lo'o na' ca su tlyu bi' su tyucua na'; nga'a̱ cha' stu'ba ti tyi'i̱ ma̱ lo'o na' nu lo'o cua'ni cuayá' na' ji'i̱ lcaa ñati̱; lo'o jua'a̱ cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel tya'a na.

APOCALIPSIS 20:4

Lo'o li' na'a̱ na' su ntucua tyu̱u̱ tya'a yaca xlya tlyu. Ndyuloo na' ji'i̱ ngu' nu ntucua lo yaca xlya bi', cha' laca ngu' nu ntsu'u chacuayá' ji'i̱ cua'ni cuayá' ji'i̱ ñati̱ chalyuu. Laja ngu' nu ntucua bi' na'a̱ na' ji'i̱ ñati̱ chalyuu nu cua ndyujuii tya'a ñati̱ ji'i̱, xqui'ya cha' ná ntsi̱i̱ ngu' cacha' liñi ngu' cha' tso'o ji'i̱ tya'a ñati̱, cha' nu cua nda Jesús lo'o na cuentya ji'i̱ ycui' Ndyosi Sti yu. Ná ngua'ni tlyu jyo'o bi' ji'i̱ na'ni chiya'a̱ ña'a̱ bi', la cui' ti ná ngua'ni tlyu ngu' ji'i̱ lcui̱ ji'i̱ na'ni bi', jua'a̱ ná ngua'a̱ cuayá' na'ni bi' nde tyaca̱a̱ ngu', nde chu̱' ya' ngu'; cua ndyu'ú ngu' bi' chaca quiya', lo'o juani laca ngu' cña lo'o Cristo ca su ntucua ycui' Ndyosi ña'a̱ cuayá' tyu'u scua sca mil yija̱.

APOCALIPSIS 1:6

Cua ngua'ni Jesús cha' laca na sca lo ñati̱ nu ndulo tsa cuentya ji'i̱ ycui' Ndyosi, nu ndyu'ni cña nu nti' ycui' Ndyosi Sti Jesús cha' cua'ni na. Cua nti' na cha' lcaa yija̱ nu lijya̱ nde loo la ná tye cha' cua'ni tlyu na ji'i̱ ycui' Ndyosi, cha' nchca ji'i̱ Ni cua'ni Ni lcaa lo cña tsiya' ti. Jua'a̱ caca cha' lacua.

APOCALIPSIS 12:11

Nu ngu' tya'a ngusñi na cha' ji'i̱ Jesús ni, cua ntiji̱loo ngu' ji'i̱ nu xña'a̱ bi', xqui'ya cha' ngujuii Jesús nu ñi'ya̱ ña'a̱ xlya' bi'. Ná ntsi̱i̱ ngu' bi' ta ngu' cha' tso'o ji'i̱ Jesús lo'o xa' ñati̱; ntaja'a̱ ngu' bi' chcui' ngu' cha' bi', masi cujuii ñati̱ ji'i̱ ngu' bi' xqui'ya cha' ñasi̱' tsa ñati̱ ji'i̱ Jesús.

APOCALIPSIS 17:14

Xcui' xu̱u̱ tya'a ngu' lo'o ycui' Ni, nu ñi'ya̱ ña'a̱ xlya' bi'; pana tyiji̱loo nu ñi'ya̱ ña'a̱ xlya' bi' ji'i̱ na'ni bi', lo'o jua'a̱ tyiji̱loo ñati̱ nu ndya'a̱ lo'o Ni ji'i̱ ni', xqui'ya cha' laca ycui' Ni Xu'na lcaa ñati̱ chalyuu, laca ycui' Ni loo la ji'i̱ lcaa ngu' nu laca loo nde chalyuu. Lo'o jua'a̱ nu ñati̱ ji'i̱ ycui' Ni ni, cua ngusubi Ni ji'i̱ ngu' bi'; na cua nguane Ni ji'i̱ ngu' bi', lo'o jua'a̱ tso'o tsa ngusñi ngu' cha' ji'i̱ ycui' Ni ―nacui̱ xca̱ 'na.

APOCALIPSIS 7:17

Ña'a̱si̱i̱ nu ñi'ya̱ ña'a̱ xlya' bi' ji'i̱ ngu', cha' ndi'i̱ Ni la cui' ca su ntucua ycui' Ndyosi loo; bi' laca nu tsalo'o ji'i̱ ngu' su caja hitya co'o ngu' cha' caja chalyuu cucui ji'i̱ ngu' li'. Lo'o jua'a̱ xquityi Ni hitya cloo ngu' cha' nga'aa cunaa ngu' li'.

APOCALIPSIS 6:2

Li' nguxña'a̱ na' ji'i̱ nu ñati̱ nu nchcui' na'ni tacati bi' lo'o, na'a̱ na' ndu̱ sca cuayu ngati̱; yu nu ntucua hichu̱' cuayu bi' ni, na'a̱ na' ntucua sca cuatyi ya' yu, lo'o jua'a̱ cua nda ngu' sca sne' chcua̱ cha' tyucua hique yu. Li' ngutu'u yu ndyaa yu cusu̱u̱; ntiji̱loo yu li', lo'o ña'a̱ ti tya tyiji̱loo la yu xi ji'i̱ tya'a cusu̱u̱ yu.

SAN MATEO 25:21

“Tso'o tsa cña nu ngua'ni nu'u̱”, nacui̱ xu'na msu bi' ji'i̱. “Sca msu tso'o laca nu'u̱, cha' tso'o tsa ndaquiya' nu'u̱ ji'i̱ cha' 'na. Sca cña sube ti nda na' jinu'u̱ tsubi', pana ta na' cña nu cua tlyu la jinu'u̱, cha' cua'ni nu'u̱ nde loo la. Stu'ba ti tyi'i̱ nu'u̱ slo na', cha' stu'ba ti ca tso'o tyiquee nu'u̱ lo'o na'”, nacui̱ xu'na bi' li'.

APOCALIPSIS 5:10

Cua ngua'ni nu'u̱ cha' caca ngu' bi' sca lo ñati̱ nu ndulo tsa cuentya ji'i̱ ycui' nu'u̱, cha' taca cua'ni ngu' cña nu nti' ycui' Ndyosi Sti na. Lo'o jua'a̱ caca ngu' bi' loo nde chalyuu.

APOCALIPSIS 20:6

Tso'o tsa caca tyiquee ñati̱ nu yala la tyu'ú chaca quiya', cha' ñati̱ ji'i̱ ycui' Ndyosi laca ngu' bi'; ná ntsu'u cha' chcube' ngu' bi' tsiya' ti lo'o tyaa lcaa ñati̱ cuxi nde chalyuu talya, nu lo'o cua ndye lcaa cha'. Cua'ni ngu' bi' cña ji'i̱ ycui' Ndyosi; la cui' jua'a̱ cua'ni ngu' cña ji'i̱ Cristo, cha' stu'ba ti caca ngu' loo lo'o Cristo ña'a̱ cuayá' tyu'u scua sca mil yija̱.

SAN JUAN 13:32

Nu lo'o ndu'ni na' cha' caca tlyu Sti na' xqui'ya cha' laca na' Sñi' ycui' Ni, la cui' jua'a̱ cua'ni Ni cha' caca tlyu la na'; yala ti cua'ni Ni jua'a̱.