APOCALIPSIS 22:11 - Chatino Tataltepec

¹¹ Nu lo'o bilya tye chalyuu tya cua'ni cuxi lcaa ñati̱ nu nti' cua'ni cha' cuxi, lo'o jua'a̱ nga'aa caja tyempo ji'i̱ ngu' cha' xtyanu ngu' ji'i̱ cha' cuxi bi' li'; lcaa nu ndu'ni suba' juani, nga'aa caja tyempo cha' xtyanu ngu' ji'i̱ cha' cuxi bi' li'. Lcaa ñati̱ nu tso'o ndu'ni juani, tya ntsu'u cha' cua'ni la ngu' cña tso'o ña'a̱ cuayá' nu tye chalyuu; lcaa ngu' nu lubii ndi'i̱ chalyuu, tya ntsu'u cha' cua'ni la ngu' cha' tso'o ―nacui̱ xca̱ bi'.

APOCALIPSIS 22:11 Referans Kwoze

2 TIMOTEO 3:13

Pana ngu' nu ndu'ni cha' cuxi ni, cua nscua cha' tya cuxi la cua'ni ngu' bi'; ngu' cuiñi ni, cua nscua cha' tya cuiñi la cua'ni ngu', jua'a̱ ña'a̱ ti tya jlya la ti' ycui' ca ngu' cha' cuiñi li'.

SAN MATEO 15:14

Lo'o jua'a̱ ná tso'o ngu' fariseo jua cuentya ji'i̱ ycui' Ni, bi' cha' nga'a̱ cha' xtyanu ma̱ ji'i̱ ngu' bi'; ñi'ya̱ nti' ngu' cuityi̱', jua'a̱ nti' ngu' fariseo jua ―nacui̱ Jesús―. Si culu'u sca nu cuityi̱' tyucui̱i̱ ji'i̱ chaca yu tya'a cuityi̱' ti yu, tyú tyucuaa ngu' sca to' cua'a̱ li', cha' ni tsaca ngu' ná nchca ña'a̱ ngu' tyucui̱i̱ su lijya̱ ngu' li'.

SAN MATEO 5:6

’Lo'o jua'a̱ tso'o ntsu'u tyiquee ñati̱ si tyaja'a̱ tsa cua'ni lcaa cha' tso'o, lcaa cha' liñi; ji'i̱ ñati̱ bi' xtyucua ycui' Ndyosi cha' taca ji'i̱ cua'ni lcaa cha' nu nti' ycui' Ni.

JUDAS 1:24

Sca ti ycui' Ndyosi ntsu'u chalyuu. Taca cua'ni lyaá Ni ji'na xqui'ya Jesucristo nu Xu'na na; sca ti ycui' Ni nchca ji'i̱ Ni ña'a̱si̱i̱ Ni ji'na, laja lo'o ndya'a̱ na tyucui̱i̱ tso'o nu ngulu'u Ni ji'na. Xtyucua Ni ji'na cha' ná tyeje sna quiya' na, cha' ná tyu'utsu' na ji'i̱ tyucui̱i̱ bi', ña'a̱ cuayá' nu tyalaa na tso'o ti ca su ndubi tsa ña'a̱ xee, ca su ntucua ycui' Ndyosi. Lubii tsiya' ti caca cresiya ji'na lo'o cua ndyalaa na ca slo Ni, lo'o jua'a̱ caca chaa tsa ti' na li'. Bi' cha' juani cua'ni tlyu na ji'i̱ ycui' Ndyosi nu ntucua ca su tlyu nde cua̱, cha' sca ti ycui' Ndyosi ntsu'u nu tlyu tsa laca Ni; sca ti ycui' Ni laca Ni loo ji'i̱ lcaa lo na nu ntsu'u chalyuu, jua'a̱ sca ti ycui' Ni nchca ji'i̱ Ni cua'ni Ni lcaa lo cña tonu tsiya' ti. Lu'ú ycui' Ndyosi tya lo'o bilya tya' chalyuu, lo'o jua'a̱ lu'ú Ni juani; ná nga'a̱ cha' tye tyempo cha' lu'ú Ni ca nde loo la. Jua'a̱ laca cha' lacua.

SAN MATEO 25:10

Laja lo'o ndyaa ngu' cuna'a̱ tonto bi', cha' cui'ya ngu' la xi setye, li' ndyalaa cutsii. Nu ngu' cuna'a̱ nu cua laca ngua'ni cho'o candil ji'i̱ ngu' ni, ndyaa ngu' nde ni'i̱ ji'i̱ cuxi̱i̱ lo'o cutsii bi', cha' cacu ngu' slo; hora ti ndyacu̱' toni'i̱ li'.

EFESIOS 5:27

Ngua ti' Cristo cha' tyi'i̱ ñati̱ ji'i̱ yu ca slo ycui' Ndyosi lo'o tye chalyuu; tlyu tsa cha' tso'o caca nu lo'o tyi'i̱ na ñati̱ ji'i̱ Ni ca slo Ni tsa tlyu ti, nu lo'o lubii tyiquee na, nu lo'o nga'aa ntsu'u qui'ya ji'na, nu ná lo'o yabe' ji'na, nu ná lo'o chaca cha' cuxi, cha' ná talo ycui' Ndyosi ña'a̱ Ni ji'i̱ ni sca cha' cuxi.

SAN MATEO 21:19

Lo'o li' na'a̱ yu sca yaca quityi nu ndu̱ to' tyucui̱i̱. Ndyaa na'a̱ yu ji'i̱ yaca bi' si ntsu'u si'yu lo yaca bi' cha' cacu yu; pana ná ntsu'u si'yu lo, xcui' laca' ti ntsu'u lo. Li' nchcui' Jesús ji'i̱ yaca bi': ―Nga'aa tyu'u tsiya' ti si'yu lo yaca cua chaca yija̱ ―nacui̱. Hora ti ngüityi yaca bi'.

SAN JUAN 8:21

Li' xa' nchcui' Jesús lo'o ngu': ―Tsa'a na' ―nacui̱ yu―, li' tsaana ma̱ jna' ca su ndya'a̱ na', pana ná quije na' ji'i̱ ma̱ tsiya' ti ―nacui̱―. Tya lyiji quije na' ji'i̱ ma̱ lo'o cajaa ycui' ma̱ ña'a̱ lo'o cresiya cuxi ji'i̱ ma̱, pana ná caja chacuayá' tsaa ma̱ ca su tyi'i̱ na' li'.

APOCALIPSIS 16:21

Cuati nde cua̱ ndyalú tyo quee tonu ngua'ya lo yuu. Ti'i̱ tsa bi'; ña'a̱ cuayá' tu'ba kilo, tsa lo cua cuayá' ti'i̱ ntsu'u sca ti yu'be tyo quee nu ndyalú hique ñati̱ chalyuu li'. Lo'o jua'a̱ tlyu tsa cha' cuxi nchcui' ngu' ji'i̱ ycui' Ndyosi li'; lye tsa nguxlyú ngu' cha' hichu̱' Ni xqui'ya tyo quee bi', cha' tlyu tsa cña ndyu'ni Ni nde chalyuu.

APOCALIPSIS 22:3

Pana lquichi̱ bi' nga'aa caja cha' ti'í ji'i̱ ngu' tsiya' ti, ñi'ya̱ nu ntsu'u nde chalyuu xqui'ya yabe' nu ntsu'u ji'i̱ ñati̱. Ca quichi̱ bi' stu'ba ti caca loo ycui' Ndyosi lo'o nu ñi'ya̱ ña'a̱ xlya' bi'; ndacua ntucua yaca xlya tlyu ji'i̱ Ni, cha' cua'ni tlyu lcaa ñati̱ nu ndyu'ni cña ji'i̱ Ni ji'i̱ ycui' Ni nu ntucua ca ndacua.

COLOSENSES 1:22

xqui'ya cha' tyucui ña'a̱ ycui' Cristo Sñi' Ni, nchcube' tsa yu lo'o ndyujuii ngu' ji'i̱ lo crusi. Jua'a̱ ngua'ni Ni tya li' cha' taca caca ma̱ ñati̱ ji'i̱ ycui' Ni, ñati̱ nu nga'aa ntsu'u yabe' hichu̱' ma̱ tsiya' ti, cha' nga'aa caca sta ngu' qui'ya ji'i̱ ma̱ lo'o Ni, nu lo'o ca̱a̱ Ni ca̱qui'ya Ni ji'na cha' tsalo'o Ni ji'na ca su ntucua Ni.

SAN MATEO 5:45

Li' taca tyuloo ñati̱ ji'i̱ ma̱ cha' laca ma̱ sñi' ycui' Ndyosi nu ntucua nde cua̱. Ndu'ni Ni cha' stu'ba ti tyucua cuichaa, masi ca su ndi'i̱ ñati̱ cuxi, masi ca su ndi'i̱ ñati̱ tso'o; ndu'ni Ni cha' stu'ba ti ca'ya tyo, masi ca su ndi'i̱ ñati̱ tso'o, masi ca su ndi'i̱ ñati̱ cuxi. Bi' cha' tso'o la si stu'ba ti cua'ni ma̱ lo'o lcaa ñati̱.