APOCALIPSIS 21:18 - Chatino Tataltepec

¹⁸ Cua ndya' lo'o ji'i̱ quichi̱ bi' lo'o quee jaspe, sca quee nga'a nu ndubi tsa ña'a̱, pana lo'o xcui' oro tsiya' ti ndya' ycui' quichi̱ bi', nu ndubi ña'a̱ ñi'ya̱ ndubi caatya̱.

APOCALIPSIS 21:18 Referans Kwoze

APOCALIPSIS 21:11

Tso'o tsa ña'a̱ xee nu ntucua lo quichi̱ bi', cha' xee ji'i̱ ycui' Ndyosi laca bi'. Ndubi tsa ña'a̱ tyucui ña'a̱ quichi̱ bi'; ñi'ya̱ ña'a̱ sca quee ndubi, ñi'ya̱ laca quee jaspe, jua'a̱ ña'a̱ xee nu ntucua lo quichi̱ bi'.

APOCALIPSIS 21:21

Cua ndya' ca ta'a tii tyucuaa tolo'o ji'i̱ quichi̱ lo'o quee ndubi nu ngati̱ ña'a̱, nu naa quee perla; tii tyucuaa tya'a quee ngati̱ laca bi', sca ti quee ngati̱ bi' ngua'nijo'o ndya' sca tolo'o. Xcui' oro tsiya' ti nscua laja calle quichi̱ bi'; ñi'ya̱ ña'a̱ ndubi caatya̱, jua'a̱ ña'a̱ ndubi calle bi'.

APOCALIPSIS 21:19

Cua ngalya' lcaa lo quee ndubi nu ntsu'u chalyuu chu̱' quee tonu nu ntsu'u quiya' lo'o ji'i̱ quichi̱: cua ngalya' quee nu ntucua clyo nu ntsu'u quiya' lo'o, lo'o quee jaspe; cuati ngalya' quee nu nchca tyucuaa nu ntsu'u quiya' lo'o, lo'o quee zafiro, sca quee azul ña'a̱; cuati ngalya' quee nu nchca tyuna nu ntsu'u quiya' lo'o, lo'o quee ágata; cuati ngalya' quee nu nchca jacua nu ntsu'u quiya' lo'o, lo'o quee esmeralda, sca quee nga'á ña'a̱;

APOCALIPSIS 4:6

Nde cla'be su ntucua ñati̱ bi', ngua ti' na' cha' na'a̱ na' sca tayu'; ñi'ya̱ ndubi ña'a̱ sca caatya̱, jua'a̱ ndubi ña'a̱ bi'. Tyi'i̱ ca chu̱' su ndu̱ yaca xlya tlyu bi', ca bi' ndu̱ jacua tya'a na lu'ú nu ñi'ya̱ ña'a̱ na'ni, jua'a̱ ña'a̱; ndu̱ ni' cua̱. Tyucui ña'a̱ ni' ntucua cloo ni'; masi nde sii' ni', masi nde chu̱' ni' ntucua cloo ni'.