APOCALIPSIS 21:10 - Chatino Tataltepec

¹⁰ Li' ngua tii na' cha' ngua'ya Xtyi'i ycui' Ndyosi tyucui ña'a̱ loo na'. Ndyalo'o xca̱ bi' 'na ca lo sca ca'ya nu cua̱ tsa, ca lo xlya ca'ya tsiya' ti; ca bi' ngulu'u yu 'na ñi'ya̱ ña'a̱ quichi̱ Jerusalén cucui. Lubii tsa ña'a̱ quichi̱ bi', cha' nde su ntucua ycui' Ndyosi ngutu'u quichi̱ bi', ngua'ya nde lo yuu.

APOCALIPSIS 21:10 Referans Kwoze

APOCALIPSIS 21:2

La cui' Juan laca na', lo'o li' na'a̱ na' cha' cua nscua chaca quichi̱ Jerusalén cucui. Lubii tsa ña'a̱ quichi̱ bi' juani; nde su ntucua ycui' Ndyosi ngutu'u quichi̱ bi', ngua'ya nde lo yuu cucui. Tyucui ña'a̱ quichi̱ cua ngalya' tso'o; tso'o tsa ña'a̱ bi', ndubi tsa ña'a̱ bi'. Ñi'ya̱ ña'a̱ sca cuxi̱i̱ ji'i̱ ñati̱, nu tso'o tsa ña'a̱ ste', jua'a̱ tso'o tsa ña'a̱ quichi̱ cucui bi'.

APOCALIPSIS 17:3

Li' ndyalo'o Xtyi'i ycui' Ndyosi 'na, ndyaa na' lo'o sca xca̱ ji'i̱ ycui' Ni ca ne' quixi̱' su ná ndi'i̱ ñati̱. Ca bi' na'a̱ na' su ntucua sca nu cuna'a̱ hichu̱' sca na'ni nga'a, nu chiya'a̱ tsa ña'a̱; hichu̱' ni' nscua quiña'a̱ tsa cha' cuxi, nu ti'í tsa nchcui' ji'i̱ ycui' Ndyosi. Ntucua cati tya'a hique ni', cuati ntucua tii tya'a sata ni'.

APOCALIPSIS 1:10

Tsa̱ clyo ji'i̱ semana ngua, tsa̱ ji'i̱ ycui' nu Xu'na na, li' tyucui ña'a̱ na' ngua tii na' cha' ngua'ya Xtyi'i ycui' Ndyosi lo na' tsiya' ti; nga'aa ngua cua'ni na' xa' la cha'. Li' ndyuna na' cha' nchcui' tsaca ñati̱ nde chu̱' su ndu̱ na'; cui̱i̱ ngusi'ya bi' lo'o nchcui', ñi'ya̱ ndañi nclya'á ngu' sca cui'chcua̱.

LOS HECHOS 8:39

Ndye ntyucuatya ji'i̱, li' ndu'u ngu' lo hitya bi'. Hora ti ndyaa Felipe, ndyaa lo'o Xtyi'i ycui' Ndyosi ji'i̱ cha' tsaa chaca se'i̱; nga'aa na'a̱ nu cusu' bi' ji'i̱ Felipe li'. Ndyaa nu cusu', nu ngu' Etiopía bi' ni, ndyaa yu ca loyuu quichi̱ tyi yu li'; jua'a̱ tso'o tsa ntsu'u tyiquee nu cusu' bi' li'.

APOCALIPSIS 4:2

Hora ti ngua'ya Xtyi'i ycui' Ndyosi lo na' li'. Cla'be nde cua̱ bi' na'a̱ na' cha' ntucua sca yaca xlya tlyu nu tso'o tsa ña'a̱. Nde bi' ntucua sca ñati̱.

GÁLATAS 4:26

Pana cua ngujui chaca cha' ji'na, xqui'ya chaca nu cuna'a̱ bi' nu ngua clyo'o Abraham, nu cuna'a̱ nu ndi'i̱ tso'o ti bi'. Chaca lo Jerusalén cucui laca loo ji'na, bi' laca ñi'ya̱ si laca quichi̱ tyi lcaa na nu jlya ti' na ji'i̱ Jesucristo; taca tyi'i̱ tso'o ti na ca bi'.

APOCALIPSIS 3:12

Cua ña'a̱ ca ñati̱ nu tyiji̱loo ji'i̱ nu xña'a̱ ni, tlyu tsa caca ñati̱ bi' laja ñati̱ 'na lo'o cua ndyee chalyuu; tso'o tsa tyi'i̱ ngu' bi' ca su ndi'i̱ na'. Scua na' xtañi ycui' Ndyosi Sti na' loo ngu' bi', lo'o jua'a̱ scua na' ni naa quichi̱ tlyu nu ca ji'i̱ ycui' Ni; Jerusalén cucui naa quichi̱ bi'. Tyu'u bi' nde su ntucua ycui' Ndyosi, ca̱a̱ ca'ya bi' lo yuu. Jua'a̱ scua na' xtañi ycui' na' loo ngu' bi', cha' laca ngu' ñati̱ 'na.

APOCALIPSIS 11:2

Nga'aa su'ba cuayá' nu'u̱ nde liya' toni'i̱ tlyu bi', cha' cuentya ji'i̱ xa' ñati̱ nu ná ndaquiya' jna' nu laca̱ ycui' Ndyosi tsiya' ti laca bi'. Chiya'a̱ tsa cua'ni ngu' bi' lo'o tyi'i̱ ngu' quichi̱ bi', la cui' quichi̱ tlyu nu laca quichi̱ nu cuentya jna' laca bi'. Tu'ba ntucua tucua co' tyi'i̱ ngu' bi',