APOCALIPSIS 2:16 - Chatino Tataltepec

¹⁶ Bi' cha' juani culochu̱' ma̱ lcaa cha' cuxi bi', nacui̱ Ni. Si ná tyaja'a̱ ma̱ cua'ni ma̱ jua'a̱, yala ti ca̱a̱ na' ca su ndi'i̱ ma̱ cha' xu̱u̱ tya'a na' lo'o ma̱ lo'o xlyu cusu̱u̱ nu ntucua tu'ba na', nacui̱ Ni.

APOCALIPSIS 2:16 Referans Kwoze

2 TESALONICENSES 2:8

li' caca yu xña'a̱ bi' loo. Ca tiya' la ca̱a̱ Jesús nu Xu'na na, lo'o li' cujuii Jesús ji'i̱ yu xña'a̱ bi' nu lo'o culutu'u ti Jesús ji'i̱ yu bi' lo'o cui'i̱ nu ntsu'u tu'ba Ni; tye cha' ji'i̱ yu xña'a̱ bi' lo'o ca̱a̱ Jesús, cha' ná talo yu ña'a̱ yu ji'i̱ xee ndubi ji'i̱ ycui' nu Xu'na na.

APOCALIPSIS 1:16

Ya' tsu' cui̱ Ni ndacui cati tya'a cuii, ñi'ya̱ laca cuii nu ntsu'u nde cua̱; tu'ba Ni ntucua sca xlyu cusu̱u̱ nu cha tsa tyucuaa chu̱' bi'. Ndubi tsa ña'a̱ loo Ni, ñi'ya̱ laca lo'o ntyiji'i̱ xee cuichaa nde hora.

APOCALIPSIS 2:5

Bi' cha' juani cua'ni clya ma̱ cha' tyi'u ti' ma̱ ñi'ya̱ nu tso'o tsa ntsu'u tyiquee ma̱ ña'a̱ ma̱ jna', nu lo'o ngusñi ma̱ cha' 'na tya clyo; lo'o juani ña'a̱ ti nga'a̱ cha' cua'ni ma̱ la cui' cha' tso'o bi' chaca quiya'. Si ná tyaja'a̱ ma̱ cua'ni ma̱ jua'a̱, li' ca̱a̱ na' ca̱qui'ya̱ ji'i̱ candyeru ji'i̱ ma̱ ca su ntucua bi', tyalo'o na' ji'i̱, nacui̱ Ni.

EFESIOS 6:17

Smalyu chcua̱ ntucua hique ngu' sendaru cha' cua'a ji'i̱ hique ngu'. Lo'o jua'a̱ cu'ma̱, cua ngua'ni lyaá Ni ji'i̱ ma̱, bi' cha' ntsu'u nu ña'a̱si̱i̱ ji'i̱ ma̱ li'. Xñi ma̱ lcaa cha' nu nda Xtyi'i ycui' Ndyosi lo'o ma̱ cha' caja ñi'ya̱ nu chcui' ma̱ lo'o sca ñati̱, ñi'ya̱ laca si cua ngusñi ma̱ sca maxtyi cusu̱u̱ ji'i̱ sendaru.

APOCALIPSIS 19:21

Nu ntucua hichu̱' cuayu ngati̱ bi' ni, ndyujuii Ni ji'i̱ lcaa taju ñati̱ cusu̱u̱ ji'i̱ nu xña'a̱ bi'; jua'a̱ ndyujuii Ni ji'i̱ ngu' nu ngua'ni cusu̱u̱ lo'o lcaa cha' nu ndyu'u tu'ba Ni. Nguaala' tsa ti' na'ni nu ndyacui nde cua̱ bi', cha' cua ndyacu ni' cuaña' ñati̱ ngujuii bi' li'.

APOCALIPSIS 19:15

Liñi tsa cha' nu ndyu'u tu'ba Ni lo'o nda Ni cha' lo'o ñati̱ chalyuu. Lo'o jua'a̱ tatsaa Ni ji'i̱ ñati̱ tyucui ña'a̱ chalyuu cha' taquiya' ngu' cha' ji'i̱ Ni. Lye tsa culo Ni cña ji'i̱ ngu', jua'a̱ xcube' Ni ji'i̱ ñati̱ cuxi; ñi'ya̱ laca lo'o satá ngu' si'yu losu' tyixi ne' sca pilya quee nu tlyu xi cha' tyu'u hitya si'yu bi', la cui' jua'a̱ xcube' Ni ji'i̱ ñati̱ bi', xqui'ya cha' ñasi̱' tsa ycui' Ndyosi ji'i̱ ngu', ycui' Ni nu nchca ji'i̱ ndu'ni Ni lcaa lo cña.

APOCALIPSIS 2:12

’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Pérgamo, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱, nacui̱ Jesús, na' nu ntsu'u xlyu cusu̱u̱ 'na nu cha tsa tyucuaa chu̱' xlyu bi'.

APOCALIPSIS 3:19

Lcaa ñati̱ nu tyaca'a tsa 'na, ndaca'a na' xi ji'i̱ ngu', nchcube' na' xi ji'i̱ ngu'. Cua'ni clya ma̱ lacua, cha' culochu̱' ma̱ cha' cuxi nu ndyu'ni ma̱.

APOCALIPSIS 22:7

―Yala ti tya̱a̱ na' chaca quiya' ―nacui̱ Jesús. Tso'o tsa caca tyiquee lcaa ñati̱ nu taquiya' ji'i̱ cha' nu cua nda Ni lo'o na', nu cua nscua na' lo quityi re; cha' bi' laca nu ndacha' ji'na ñi'ya̱ caca chalyuu nde loo la.

APOCALIPSIS 16:9

Tyu̱u̱ tya'a ñati̱ ngua quicha li', cha' nguula tsa tyique' nda bi'. Li' nguxana ngu', lye tsa nxlyú ngu' cha' hichu̱' ycui' Ndyosi, cha' ycui' Ni laca nu ngulo cña cha' ya̱a̱ quicha bi'; pana ná ntaja'a̱ ngu' tsiya' ti culochu̱' ngu' ji'i̱ cha' cuxi nu ntsu'u ji'i̱ ngu', cha' li' cua'ni tlyu ngu' ji'i̱ ycui' Ndyosi.

APOCALIPSIS 22:20

Ycui' Jesús nchcui' cha' liñi tsa nscua lcaa cha' re: ―Chañi cha' bi'. Yala ti ca̱a̱ na' chaca quiya' ―nacui̱ Ni. Jua'a̱ caca tu'ni. Ca̱a̱ nu'u̱ lacua, La Jesús.