APOCALIPSIS 2:13 - Chatino Tataltepec

¹³ Cua jlo ti' na' lcaa ña'a̱ nu ndu'ni ma̱, nacui̱ Ni. Jlo ti' na' cha' laca Satanás loo ca su ndi'i̱ cu'ma̱; pana masi jua'a̱ laca cha', tya tso'o tsa nxñi ma̱ cha' 'na, nacui̱ Ni. Bilya tya'a̱chu̱' ma̱ ji'i̱ cha' jna'; ña'a̱ ti jlya ti' ma̱ 'na, masi tyempo cuxi nu ngua li', nu lo'o ndyujuii ngu' ji'i̱ jyo'o Antipas. Ná ndyutsi̱i̱ yu bi', nchcui' yu cha' 'na ca quichi̱ tyi ma̱ su ntucua Satanás loo.

APOCALIPSIS 2:13 Referans Kwoze

1 TIMOTEO 5:8

Ná tso'o ndu'ni ñati̱ nu ná ndube ti' ji'i̱ tya'a, masi ji'i̱ sti ngu', masi ji'i̱ xtya'a̱ ngu', masi ji'i̱ sñi' ngu'; cha' cuiñi nchcui' ngu' lo'o nacui̱ ngu' cha' ngusñi ngu' cha' ji'i̱ Jesucristo si ná ña'a̱si̱i̱ ngu' ji'i̱ tya'a ngu', cha' tso'o la ndyu'ni xa' ñati̱ nu ná ndaquiya' cha' ji'i̱ Jesucristo tsiya' ti.

APOCALIPSIS 3:11

Cua tya̱a̱ ti na'. Ná ta ma̱ chacuayá' cha' culiji yu'u jua'a̱ ti cha' tso'o nu ntsu'u ne' cresiya ji'i̱ ma̱, tya cua'ni ma̱ ñi'ya̱ nu ngua'ni ma̱ tya sa'ni la. Tii ti ti' tyi'i̱ ma̱ cha' caja chalyuu tso'o nu ta ycui' Ndyosi ji'i̱ ma̱ lo'o tye chalyuu re.

2 TIMOTEO 2:12

Si talo na lo'o xcube' ngu' ji'na xqui'ya cha' ji'i̱ Ni, li' caja su tyi'i̱ na lo'o ycui' Jesús ca su laca Ni loo ca bi'. Si ñacui̱ na cha' ná ntsu'u cha' ji'na lo'o Jesucristo, jua'a̱ ycui' Ni, ñacui̱ Ni cha' ná ntsu'u cha' ji'i̱ Ni lo'o na.

LOS HECHOS 22:20

Nu lo'o ngu̱ ngu' quee ji'i̱ Esteban, ndyalú tañi yu; ndyujuii ngu' ji'i̱ yu xqui'ya cha' liñi nchcui' yu cha' jinu'u̱ lo'o ngu'. Lo'o na' ni, stu'ba ti ndu̱ na' lo'o ngu' bi' li', nguna'a̱si̱i̱ na' ste' ngu' nu ndyujuii ji'i̱ yu. Tso'o nti' na' tyempo bi', nu lo'o na'a̱ na' cha' cua ngujuii yu bi'.” Jua'a̱ nchcui' na' lo'o ycui' Ndyosi ne' laa bi'.

APOCALIPSIS 14:12

Lo'o nu na ni, talo na ji'i̱ cha' cuxi sca ti si ntsu'u cha' ji'na lo'o ycui' Ndyosi, sca ti si taquiya' na cña nu ngulo Ni ji'na, sca ti si xñi tso'o na cha' ji'i̱ Jesús; sca ti jua'a̱ taca ji'na talo na ji'i̱ nu cha' cuxi bi'.

APOCALIPSIS 3:3

Tyi'u ti' ma̱ cha' tso'o tsa ngusñi ma̱ cha' 'na nu lo'o ngulu'u ngu' cha' ji'i̱ ma̱ tya clyo; taquiya' ma̱ ji'i̱ cha' bi' chaca quiya', pana culochu̱' ma̱ cha' cuxi nu ndyu'ni ma̱ juani, nacui̱ Jesús. Si ná tyaja'a̱ ma̱ taquiya' ma̱ cha' 'na, li' tsiya' ca tyu'u tucua na' ca̱a̱ na' slo cu'ma̱, ñi'ya̱ nti' lijya̱ sca nu cuaana; ca̱a̱ na' cha' xcube' na' ji'i̱ ma̱ lo'o ná ca tii ma̱ ni hora laca nu ca̱a̱ na', nacui̱ Ni.

APOCALIPSIS 2:2

Cua jlo ti' na' lcaa ña'a̱ nu ndu'ni ma̱, nacui̱ Jesús. Jlo ti' na' cha' ndalo tsa tyiquee ma̱, masi ndyiji tsa cha' ti'í ji'i̱ ma̱ cha' ndacu̱' ma̱ cha' ji'i̱ ngu' xña'a̱, nacui̱ Ni. Lo'o jua'a̱ jlo ti' na' cha' ná ndalo ma̱ tsiya' ti ji'i̱ ñati̱ cuxi. Cua ngua'ni cuayá' ma̱ ji'i̱ ñati̱ nu nacui̱ cha' cua nda na' ji'i̱ ycui' ngu' lijya̱ slo ma̱, masi ná nda na' ji'i̱ ngu' bi' lijya̱; cua nquijeloo cha' ji'i̱ ma̱ cha' cuiñi ngu' bi', nacui̱ Ni.

HEBREOS 10:23

Cua'ni na cha' jlya tso'o ti' na cha' nu cua ngusñi na tya clyo lacua, ná tya'a̱chu̱' na ji'i̱ cha' bi' tsiya' ti. Taca jlya ti' na ji'i̱ ycui' Ndyosi, cha' chañi cha' cua'ni Ni lcaa cha' nu cua nacui̱ Ni ji'na.

2 TIMOTEO 1:13

Ña'a̱ ti tya tyi'u ti' nu'u̱ lcaa cha' nu cua ngulu'u na' jinu'u̱ lacua. Cha' liñi laca bi', jua'a̱ tso'o tsa si xñi tso'o nu'u̱ cha' bi'. Tso'o ti tyu'u tyiquee nu'u̱ ña'a̱ nu'u̱ ji'i̱ ñati̱, xqui'ya cha' ntsu'u cha' jinu'u̱ lo'o Jesucristo.

SAN MATEO 24:9

’Nu lo'o xana cha' cuxi bi', tejeya' ngu' ji'i̱ ma̱ cha' xcube' ngu' ji'i̱ ma̱, hasta ña'a̱ cuayá' nu cujuii ngu' ji'i̱ ma̱, cha' ntsu'u ngu' tyucui ña'a̱ chalyuu nu caca ti'í ti' ngu' ña'a̱ ngu' ji'i̱ ma̱ xqui'ya na';

SANTIAGO 2:7

La cui' ngu' bi' laca nu nchcui' tsa cha' cuxi ji'i̱ ycui' Jesús nu ntsu'u tsa cha' ji'na lo'o.

HEBREOS 3:6

Pana nu Cristo bi' ni, tso'o la cña ndu'ni yu, xqui'ya cha' laca yu Sñi' ycui' Ndyosi, lo'o jua'a̱ laca yu loo ji'i̱ lcaa ñati̱ nu ntsu'u cuentya ji'i̱ Ni. La cui' ñati̱ ji'i̱ ycui' Ni laca na, si ña'a̱ ti ná ntsi̱i̱ na ña'a̱ cuayá' tye chalyuu ji'na, si ña'a̱ ti tya tso'o ntsu'u tyiquee na laja lo'o ndu̱ ti' na ji'i̱ Cristo cha' cua'ni lyaá lyiji yu ji'na.

1 TESALONICENSES 5:21

pana cua'ni cuayá' ma̱ ji'i̱ cua ña'a̱ ca cha' nu nchcui' ngu' bi', si tso'o ndyu'u cha', si ná tso'o. Li' xñi ma̱ cha' tso'o bi',

LOS HECHOS 9:14

Lo'o juani cua ndyalaa yu quichi̱ re, ndyi'ya lo'o yu ji'i̱ quityi chacuayá' ji'i̱ xu'na sti jo'ó cha' sca̱' ji'i̱ cua, lcaa ngu' tya'a ya nu ngusñi ya cha' ji'i̱ ycui' nu'u̱.

SAN LUCAS 21:17

cha' tyucui ña'a̱ chalyuu ntsu'u quiña'a̱ tsa ngu' nu ti'í ti' ngu' ña'a̱ ngu' ji'i̱ ma̱ xqui'ya na'.

SAN MATEO 10:23

Tso'o xna ma̱ nde xa' quichi̱ nu lo'o lye tsa cua'ni lya' ti' ngu' ji'i̱ ma̱. Cha' liñi nchcui' na' lo'o ma juani: Bilya ta ma̱ cha' 'na lo'o ngu' Israel tya'a na nde lcaa quichi̱ tyi ngu' nu lo'o ca̱a̱ na' chalyuu chaca quiya', na' nu cua nda Ni 'na lijya̱a̱ cha' caca na' ñati̱.

SAN MATEO 4:10

Li' nguxacui̱ Jesús cha' ji'i̱ nu xña'a̱ bi': ―Tyaatsu' nu'u̱ slo na', Satanás ―nacui̱ Jesús―. Yaa clya nu'u̱. Cua nscua sca cha' lo quityi ji'i̱ ycui' Ndyosi ndi'ya̱: “Sca ti ji'i̱ ycui' Ndyosi nu Xu'na ma̱ cua'ni tlyu ma̱ ji'i̱, sca ti cha' ji'i̱ ycui' Ni nga'a̱ cha' taquiya' ma̱ ji'i̱ nde chalyuu”, nacui̱ quityi.

APOCALIPSIS 1:5

Tso'o tsa nchcui' liñi Jesucristo ji'i̱ ycui' Ndyosi Sti yu ña'a̱ cuayá' ndyujuii ngu' ji'i̱ yu. Pana lo'o ndyu'ú Jesús chaca quiya' lo'o ngujuii yu, li' na'a̱ ngu' cha' tlyu tsa cha' nu ntsu'u ji'i̱ yu. Lo'o juani laca Jesucristo loo ji'i̱ tyucui ña'a̱ chalyuu, xqui'ya cha' laca yu loo ji'i̱ lcaa nu laca xu'na chalyuu. Ntsu'u tsa tyiquee Jesús ña'a̱ yu ji'na, bi' cha' ngujuii yu lo crusi; cua ndyalú tañi yu, cha' ngua'ni lyaá yu ji'na ji'i̱ nu cuxi nu ntsu'u ji'na.

APOCALIPSIS 11:3

li' ta na' tucua tya'a ñati̱ nu ca̱a̱ chalyuu cha' chcui' ngu' lcaa cha' nu nti' na' ta na' lo'o ñati̱. Tyucuaa ngu' bi' tsatu̱ ngu' cla'be quichi̱ bi' tyempo li' ―nacui̱ Ni 'na―, ña'a̱ cuayá' tya'a tii tyucuaa siyento ntucua snayala tsa̱ tyu̱ ngu' bi'. Tyucui tyempo cacu' ngu' bi' late' ngata, cha' tonu tsa cha' nu ta ngu' lo'o ñati̱, ñi'ya̱ nu cua'ni na' nde loo la.

APOCALIPSIS 12:11

Nu ngu' tya'a ngusñi na cha' ji'i̱ Jesús ni, cua ntiji̱loo ngu' ji'i̱ nu xña'a̱ bi', xqui'ya cha' ngujuii Jesús nu ñi'ya̱ ña'a̱ xlya' bi'. Ná ntsi̱i̱ ngu' bi' ta ngu' cha' tso'o ji'i̱ Jesús lo'o xa' ñati̱; ntaja'a̱ ngu' bi' chcui' ngu' cha' bi', masi cujuii ñati̱ ji'i̱ ngu' bi' xqui'ya cha' ñasi̱' tsa ñati̱ ji'i̱ Jesús.

APOCALIPSIS 13:2

Ñi'ya̱ cuichi jo'ó, jua'a̱ ña'a̱ ni', ngua ti' na'; pana tyaala ña'a̱ quiya' ni', tyucui̱ tsa xcatya̱' ni' ñi'ya̱ ña'a̱ xcatya̱' oso. Lo'o tu'ba ni' ni, ñi'ya̱ ña'a̱ tu'ba cuichi sa'a cuiña', jua'a̱ ña'a̱ tu'ba ni'. Nda nu cuaña bi' cña loo ji'i̱ nu na'ni chiya'a̱ ña'a̱ bi', cha' caca ni' loo ji'i̱ ñati̱ chalyuu, ñi'ya̱ laca ycui' loo. Lo'o jua'a̱ nu cuaña bi' ni, nda ni' chacuayá' ji'i̱ na'ni chiya'a̱ ña'a̱ bi', cha' caca cua'ni ni' cña, cha' tyanu tlyu ni' macala su nti' ycui' ni'.

APOCALIPSIS 17:6

Li' na'a̱ na' cha' lye tsa ndyu'ni nu cuna'a̱ bi'; ñi'ya̱ ndu'ni sca nu cu'bi, jua'a̱ ndyu'ni nu cuna'a̱ bi', xqui'ya cha' cua ndyujuii bi' ji'i̱ ñati̱ ji'i̱ ycui' Ndyosi, ndyujuii ji'i̱ ñati̱ nu ná ntsi̱i̱ nchcui' liñi cha' ji'i̱ Jesús nde chalyuu. Lo'o cua na'a̱ na' ji'i̱ nu cuna'a̱ bi', quiña'a̱ tsa cha' ngulacua ti' na' li'.

APOCALIPSIS 17:14

Xcui' xu̱u̱ tya'a ngu' lo'o ycui' Ni, nu ñi'ya̱ ña'a̱ xlya' bi'; pana tyiji̱loo nu ñi'ya̱ ña'a̱ xlya' bi' ji'i̱ na'ni bi', lo'o jua'a̱ tyiji̱loo ñati̱ nu ndya'a̱ lo'o Ni ji'i̱ ni', xqui'ya cha' laca ycui' Ni Xu'na lcaa ñati̱ chalyuu, laca ycui' Ni loo la ji'i̱ lcaa ngu' nu laca loo nde chalyuu. Lo'o jua'a̱ nu ñati̱ ji'i̱ ycui' Ni ni, cua ngusubi Ni ji'i̱ ngu' bi'; na cua nguane Ni ji'i̱ ngu' bi', lo'o jua'a̱ tso'o tsa ngusñi ngu' cha' ji'i̱ ycui' Ni ―nacui̱ xca̱ 'na.