APOCALIPSIS 19:8 - Chatino Tataltepec

⁸ Cua nda Ni late' lubii nu ngati̱ tsa ña'a̱, nu tso'o tsa ña'a̱ cha' cacu' na. Lcaa cña tso'o nu ngua'ni ngu' bi' nde chalyuu xqui'ya cha' ngusñi ngu' cha' ji'i̱ ycui' Ni, bi' laca ñi'ya̱ ña'a̱ ste' ngu' nu tso'o tsa ña'a̱ bi'.

APOCALIPSIS 19:8 Referans Kwoze

APOCALIPSIS 3:18

Ta na' sca cui̱i̱ lo'o ma̱ lacua, bi' cha' cua'a̱ jyaca̱ ma̱ ji'i̱ cha' nu chcui' na' lo'o ma̱, cha' chañi taca culu'u cha' bi' ji'i̱ ma̱ ñi'ya̱ caca xutacui cha' cuxi nu ntsu'u ji'i̱ ma̱: Nga'a̱ cha' cua'ni ma̱ cha' caja sca chalyuu cucui ji'i̱ ma̱ su nga'aa cua'ni ma̱ cha' cuxi, cha' nga'aa ntsu'u cha' ca tyuju'u la ti' ma̱ li'. Cua'ni ma̱ cha' culacua tso'o xi ti' ma̱ lacua, cha' ca cuayá' ti' ma̱ scaa cha'.

ROMANOS 13:14

Ta ma̱ chacuayá' cha' caca loo ycui' Jesucristo nu Xu'na na ji'i̱ tyucui ña'a̱ ma̱; nga'aa taquiya' na ji'i̱ lcaa lo cha' cuxi, cha' nu tiji̱' tsa ti' na ji'i̱ xqui'ya cha' laca na ñati̱ ti.

SAN MARCOS 9:3

Na'a̱ ngu' cha' ndubi tsa ña'a̱ ste' Jesús, ngati̱ tsa ña'a̱. Ná nchca ji'i̱ sca ñati̱ chalyuu qui'í̱ ji'i̱ ste' ngu' jua'a̱, masi jlo tsa ti' ngu' ñi'ya̱ nu tyaati̱ late' ji'i̱ ngu'.

SAN MATEO 22:12

Li' nchcuane rey ji'i̱ nu qui'yu bi': “Chocue”, nacui̱, “¿ni cha' ndyatí̱ nu'u̱ ni'i̱ re lo'o ná lacu' nu'u̱ late' ji'i̱ ta'a nu cua nda na' jinu'u̱?” Pana ná ngujui ñi'ya̱ xacui̱ nu qui'yu bi' cha' ji'i̱ rey li';

APOCALIPSIS 15:4

¿Ha ná ntsi̱i̱ ngu' jinu'u̱? ¿Ha ná tyaja'a̱ ngu' ñacui̱ ngu' cha' tlyu tsa cña nu ndu'ni nu'u̱? Sca ti ycui' nu'u̱ nu lubii tsa cresiya jinu'u̱. Cua na'a̱ ngu' lcaa su ndyu'ni cuayá' nu'u̱ ji'i̱ ñati̱ cha' liñi tsa ndyu'u cha'; bi' cha' tya̱a̱ lcaa ñati̱ tyucui ña'a̱ chalyuu ca su ntucua nu'u̱, cha' cua'ni tlyu ngu' jinu'u̱. Ndye ji̱i̱ nu ndyula tu'ba ngu' li'.

LOS HECHOS 1:10

Hora nu ndyaa bi', li' nguxña'a̱ ngu' nde cua̱. Lo'o ti ndu̱ tucua tya'a ñati̱ nu ngati̱ ste'. Ndu̱ ngu' slo ngu' bi' li',

SAN LUCAS 24:4

Ndyutsi̱i̱ tsa ngu' li', nga'aa jlo ti' ngu' ñi'ya̱ nu cua'ni ngu'. Li' na'a̱ ngu' cha' ndu̱ tucua tya'a nu qui'yu slo ngu'; ndubi tsa ña'a̱ late' lacu' nu ngu' qui'yu bi'.

ROMANOS 3:22

Nchcui' quityi cha' cua'ni ycui' Ndyosi cha' caca tso'o cresiya ji'na cuentya ji'i̱ ycui' Ni, si xñi na cha' ji'i̱ Jesucristo. Stu'ba ti cua'ni Ni lo'o ca ta'a na nu laca na ngu' judío; jua'a̱ lo'o lcaa ñati̱ nu cua ngusñi cha' ji'i̱ ycui' Ndyosi ca chaca tsu' chalyuu, stu'ba ti cua'ni Ni lo'o lcaa ñati̱.

SAN MATEO 17:2

Li' laja lo'o na'a̱ ngu' ji'i̱ Jesús, cua ngutsa'a̱ ña'a̱ tyucui ña'a̱ loo yu li'; ndubi tsa ña'a̱ loo yu ñi'ya̱ ndubi xee cuichaa li'. Ñi'ya̱ sca xee nu ngati̱ tsa, jua'a̱ ngati̱ tsa ña'a̱ ste' yu.

APOCALIPSIS 15:6

Li' ngutu'u nu cati tya'a xca̱ bi' ne' laa, ndyalo'o ngu' ji'i̱ ca ta'a cati quicha nu caca lo'o cua tye ti chalyuu. Xcui' late' ngati̱ lacu' xca̱ bi', late' nu lubii tsa ña'a̱; jua'a̱ cua ndyaaca̱' sintya oro tyiquee ngu'.

APOCALIPSIS 19:14

Lo'o lcaa ñati̱ nu ndi'i̱ ca su ntucua ycui' Ndyosi, tsa tlyu ti ndya'a̱ ngu' lo'o Ni macala su tsaa Ni cha' cusu̱u̱; ntucua ngu' hichu̱' cuayu ngati̱, jua'a̱ lacu' ngu' late' ngati̱ nu lubii tsa ña'a̱.