APOCALIPSIS 19:19 - Chatino Tataltepec

¹⁹ Lo'o li' na'a̱ na' cha' ndyu'u ti'i̱ nu na'ni chiya'a̱ ña'a̱ bi' lo'o lcaa ngu' nu laca loo nde chalyuu, lo'o jua'a̱ taju ñati̱ cusu̱u̱ ji'i̱ ngu'; cua ndyu'u ti'i̱ ngu' lo'o tya'a ngu' cha' cua'ni ngu' cusu̱u̱ lo'o nu ntucua hichu̱' cuayu ngati̱ bi', jua'a̱ lo'o taju ñati̱ ji'i̱ Ni.

APOCALIPSIS 19:19 Referans Kwoze

APOCALIPSIS 16:16

Li' nxuti'i̱ cuiñaja bi' ji'i̱ ngu' laca loo, cha' tya̱a̱ ngu' nde sca nati̱', su naa Armagedón cha'cña ji'i̱ ngu' judío.

APOCALIPSIS 16:14

Msu ji'i̱ nu xña'a̱ laca cuiñaja bi'; nchcutsi̱i̱ bi' ji'i̱ ñati̱, cha' nchca ji'i̱ cua'ni cha' tlyu. Ndya'a̱ cuiñaja bi' nxuti'i̱ ji'i̱ lcaa nu laca loo chalyuu, cha' tya̱a̱ ngu' cha' cusu̱u̱ tsa̱ tlyu lo'o cua tye ti chalyuu. Cua ntsu'u cña nu cua'ni ycui' Ndyosi nu Xu'na na lo'o ndyaca cha' cusu̱u̱ bi'.

APOCALIPSIS 18:9

Cunaa tsa lcaa ngu' nu laca loo chalyuu; xi'ya tsa ngu' lo'o ña'a̱ ngu' tyatu̱ sñii cha' ndyaqui̱ quichi̱ tlyu bi', cha' stu'ba ntsu'u cha' ji'i̱ ngu' lo'o ngu' quichi̱ bi'. Ndu'ni lya' ti' ngu' ji'i̱ tya'a ñati̱ ngu', lo'o jua'a̱ suba' tsa ndu'ni ngu' lo'o ngu'.

APOCALIPSIS 14:9

Nchca sna quiya' juani ya̱a̱ chaca xca̱. Cui̱i̱ nchcui' lo'o ñati̱ li': ―Xcube' ycui' Ndyosi ji'i̱ cua ña'a̱ ca ñati̱ nu ndyu'ni tlyu ji'i̱ nu na'ni chiya'a̱ ña'a̱ bi', masi ji'i̱ ycui' ni', masi ji'i̱ lcui̱ ji'i̱ ni'. Lo'o jua'a̱ xcube' Ni ji'i̱ lcaa ñati̱ nu nga'a̱ cuayá' ji'i̱ ni' nde tyaca̱a̱ ngu', jua'a̱ si nga'a̱ cuayá' ji'i̱ ni' chu̱' ya' ngu';

APOCALIPSIS 11:7

Lo'o tye cña nu cua'ni tyucuaa ñati̱ bi' nde chalyuu, li' xana nu na'ni xña'a̱ nu ntsu'u ca tyuquee bi', xu̱u̱ tya'a ni' lo'o tyucuaa ñati̱ nu ndu̱ bi' li'; tyiji̱loo nu bi' ji'i̱ ngu' bi' li', cuati cujuii ji'i̱ ngu'.

APOCALIPSIS 19:21

Nu ntucua hichu̱' cuayu ngati̱ bi' ni, ndyujuii Ni ji'i̱ lcaa taju ñati̱ cusu̱u̱ ji'i̱ nu xña'a̱ bi'; jua'a̱ ndyujuii Ni ji'i̱ ngu' nu ngua'ni cusu̱u̱ lo'o lcaa cha' nu ndyu'u tu'ba Ni. Nguaala' tsa ti' na'ni nu ndyacui nde cua̱ bi', cha' cua ndyacu ni' cuaña' ñati̱ ngujuii bi' li'.