APOCALIPSIS 19:17 - Chatino Tataltepec

¹⁷ Lo'o li' na'a̱ na' su ndu̱ sca xca̱ ji'i̱ ycui' Ndyosi nde cua̱, nu cui̱i̱ tsa nxi'ya ji'i̱ lcaa na'ni lu'be nu ndyacui cla'be nde cua̱ jua: ―Cua̱a̱ clya ma̱ cha' tyu'u ti'i̱ ma̱ ca su ndyu'ni ycui' Ndyosi sca ta'a nu tlyu tsa.

APOCALIPSIS 19:17 Referans Kwoze

APOCALIPSIS 19:21

Nu ntucua hichu̱' cuayu ngati̱ bi' ni, ndyujuii Ni ji'i̱ lcaa taju ñati̱ cusu̱u̱ ji'i̱ nu xña'a̱ bi'; jua'a̱ ndyujuii Ni ji'i̱ ngu' nu ngua'ni cusu̱u̱ lo'o lcaa cha' nu ndyu'u tu'ba Ni. Nguaala' tsa ti' na'ni nu ndyacui nde cua̱ bi', cha' cua ndyacu ni' cuaña' ñati̱ ngujuii bi' li'.

APOCALIPSIS 8:13

Li' na'a̱ na' su ndacui sca xca̱ cla'be cua̱ nu ñi'ya̱ ña'a̱ cua'ya ña'a̱ bi'. Ndyuna na' cha' cui̱i̱ tsa ngusi'ya yu: ―Tya'na tsa cu'ma̱ lo'o cula'á tya xna tya'a xca̱ bi' lo'o cui'chcua̱ ji'i̱ ngu' ca tiya' la xi; tya'na tsa caca lcaa ñati̱ nu tya ndyanu chalyuu lo'o cañi bi' li'.

APOCALIPSIS 14:6

Na'a̱ na' ndyaa chaca xca̱ ji'i̱ ycui' Ndyosi li', nu cua̱ tsa ndacui ndyaa; ndyalo'o bi' ji'i̱ sca cha' tso'o nu ngua ti' ycui' Ndyosi chcui' lo'o lcaa ñati̱ chalyuu, sca cha' nu ndulo tsa ji'i̱ ñati̱ cha' cuna ngu'. Lcaa tyempo ná tye chca cha' bi'. Slo lcaa lo ñati̱ chalyuu tyucui ña'a̱ chalyuu mala su ndi'i̱ ñati̱, cua ña'a̱ ca quichi̱ tyi ngu', ñati̱ nu nchcui' cua ña'a̱ ca lo cha'cña nu nchcui' ñati̱ chalyuu, ca bi' ndyaa xca̱ bi', cha' chcui' lo'o lcaa ñati̱.