APOCALIPSIS 19:12 - Chatino Tataltepec

¹² Nu xee cloo Ni ni, tso'o tsa ngulane xee ñi'ya̱ laca lo'o cua̱ tsa ndyatu̱ quii'. Lo'o jua'a̱ tyu̱u̱ tya'a sne' oro ntucua lo xlya hique Ni. Cua nscua sca xtañi Ni hichu̱' Ni nu ndacha' ñi'ya̱ laca cña nu ndu'ni Ni. Ná taca ji'i̱ xa' ñati̱ ñacui̱ ngu' ñi'ya̱ ndyu'u cha' ji'i̱ xtañi bi', cha' sca ti ycui' Ni nslo Ni ñi'ya̱ ndyu'u xtañi bi'.

APOCALIPSIS 19:12 Referans Kwoze

APOCALIPSIS 19:16

Tsaca xtañi Ni nscua lo late' lo tyiquee Ni, lo'o jua'a̱ la cui' ti cha' nscua lo late' nde chu̱' Ni: “Nu nde laca Rey nu chañi ca, nu nde laca Xu'na ñati̱ nu chañi ca”. Jua'a̱ nchcui' cha' nu cua nscua lo late' ji'i̱ Ni.

SAN LUCAS 10:22

Li' nchcui' yu lo'o ngu' nu ndyaa cuentya ji'i̱ yu bi': ―Cua nda Sti na' lcaa na jna'. Ná tucui jlo ti' cha' laca na' Sñi' ycui' Ni; sca ti ycui' Sti na', bi' nu jlo ti'. Ná tucui jlo ti' tilaca laca ycui' Sti na'; sca ti na', jlo ti' na' tilaca laca Ni. Lo'o jua'a̱ ca jlo ti' xi xa' la ñati̱ nu nti' na' cha' culu'u na' ji'i̱ ngu' tilaca laca ycui' Sti na', ca cuayá' ti' ngu' bi' li'.

APOCALIPSIS 1:14

Ngati̱ tsa ña'a̱ quicha̱' hique Ni, ñi'ya̱ ngati̱ ña'a̱ quicha̱' xlya', masi yelu tlya' nu ngati̱ ña'a̱. Tso'o tsa ngulane xee cloo Ni ñi'ya̱ laca lo'o lye tsa ndyatu̱ quii' su talya ña'a̱.

SAN MATEO 11:27

Lo'o li' tya ngulu'u la Jesús xi ji'i̱ ngu': ―Lcaa chacuaya' ji'i̱ Sti na' ndyanu ya' na'. Ni sca ñati̱ ná jlo ti' ñi'ya̱ laca cha' nu ntsu'u ne' cresiya 'na nu laca̱ Sñi' ycui' Ni; sca ti ycui' Ndyosi Sti na' jlo ti' ñi'ya̱ laca cha' nu ntsu'u ne' cresiya 'na. Lo'o jua'a̱, ni sca ñati̱ ná jlo ti' ñi'ya̱ laca cha' nu ntsu'u ne' cresiya ji'i̱ Sti na'; sca ti na' nu laca̱ Sñi' ycui' Ni jlo ti' na', lo'o jua'a̱ culu'u na' cha' bi' ji'i̱ ñati̱ nu subi na' ji'i̱ cha' ca tsa'a̱ ngu' 'na.

SAN MATEO 28:18

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

APOCALIPSIS 3:12

Cua ña'a̱ ca ñati̱ nu tyiji̱loo ji'i̱ nu xña'a̱ ni, tlyu tsa caca ñati̱ bi' laja ñati̱ 'na lo'o cua ndyee chalyuu; tso'o tsa tyi'i̱ ngu' bi' ca su ndi'i̱ na'. Scua na' xtañi ycui' Ndyosi Sti na' loo ngu' bi', lo'o jua'a̱ scua na' ni naa quichi̱ tlyu nu ca ji'i̱ ycui' Ni; Jerusalén cucui naa quichi̱ bi'. Tyu'u bi' nde su ntucua ycui' Ndyosi, ca̱a̱ ca'ya bi' lo yuu. Jua'a̱ scua na' xtañi ycui' na' loo ngu' bi', cha' laca ngu' ñati̱ 'na.

HEBREOS 2:9

Pana cua jlo ti' na ñi'ya̱ ngua ji'i̱ Jesús nu ngua li', cha' xti ti tyempo ngua lcaa xca̱ ji'i̱ ycui' Ndyosi loo la ji'i̱ ycui' Jesús. Ngujuii yu lo crusi cuentya ji'i̱ lcaa ñati̱ chalyuu, xqui'ya cha' xcui' tso'o tsa ndu'ni ycui' Ndyosi lo'o na. Lo'o jua'a̱ ndube tsa ti' na ñi'ya̱ ndyaca ji'i̱ yu juani, cha' tso'o tsa ndyu'ni chi̱ ngu' loo yu; ndyu'ni tlyu ngu' ji'i̱ yu xqui'ya cha' cua ngujuii yu, xqui'ya cha' ti'í tsa ngua ti' yu cuentya ji'na.

APOCALIPSIS 12:3

Yala ti ndyu'u tucua chaca cuayá' nde cua̱ li'; sca cuaña tlyu nu nga'a ña'a̱ laca bi', nu cati tya'a scua' que ni' ntucua. Jua'a̱ sca sne' oro ntucua ca ta'a scua' que ni' bi', lo'o jua'a̱ ntucua tii tya'a sata ni'.

APOCALIPSIS 6:2

Li' nguxña'a̱ na' ji'i̱ nu ñati̱ nu nchcui' na'ni tacati bi' lo'o, na'a̱ na' ndu̱ sca cuayu ngati̱; yu nu ntucua hichu̱' cuayu bi' ni, na'a̱ na' ntucua sca cuatyi ya' yu, lo'o jua'a̱ cua nda ngu' sca sne' chcua̱ cha' tyucua hique yu. Li' ngutu'u yu ndyaa yu cusu̱u̱; ntiji̱loo yu li', lo'o ña'a̱ ti tya tyiji̱loo la yu xi ji'i̱ tya'a cusu̱u̱ yu.

APOCALIPSIS 13:1

Ndyaa na' ndyatu̱ na' to' tyujo'o li'. Na'a̱ na' nde to' hitya tyujo'o lijya̱ ndu'u tucua sca na'ni nu chiya'a̱ tsa ña'a̱; ntucua tii tya'a sata ni', cuati ntsu'u cati tya'a hique ni'. Ca ta'a sata ni' bi' cua ntucua sne' nu ndubi tsa ña'a̱, cha' laca ni' loo nde chalyuu. Ca ta'a scua' que ni' cua nscua xtañi cuiñaja, xtañi bi' nchcui' cha' ti'í ji'i̱ ycui' Ndyosi.

SAN MATEO 21:5

Cacha' ma̱ ji'i̱ ngu' quichi̱ Sión: “Ña'a̱ ma̱ ña'a̱ cha' cua lijya̱ ti nu laca loo ji'i̱ ma̱. Ná tyaala nu cusu' bi', hichu̱' huru ti ntyucua yu. Sca huru cuañi' laca ni', sñi' na'ni nu ndyi'ya yu'ba laca huru cuañi' bi'.”

SAN JUAN 17:11

’Nga'aa tyi'i̱ na' lo yuu chalyuu ―nacui̱ Jesús―, cha' cua tya̱a̱ ti na' nde su ntucua nu'u̱; pana ngu' bi', tya tyi'i̱ la ngu' nde chalyuu. Lubii tsa laca nu'u̱, Sti na', bi' cha' ndijña na' cha' clyu ti' jinu'u̱ cuentya ji'i̱ ngu' nu cua nda nu'u̱ 'na. Cua nti' na' cha' cua'a nu'u̱ ji'i̱ ngu' bi' lo'o juersa ji'i̱ ycui' nu'u̱, cha' ná quiñu'u̱ tyiquee ngu'. Ñi'ya̱ nu stu'ba cha' jinu'u̱ lo'o na' ―nacui̱―, jua'a̱ cua'ni nu'u̱ lo'o ngu' bi', cha' caca stu'ba cresiya ji'i̱ ngu' bi' lo'o tya'a ngu' nu ngusñi cha' jinu'u̱.

SAN JUAN 17:12

Lo'o tya ndi'i̱ na' lo'o ñati̱ nu nda nu'u̱ 'na ―nacui̱ Jesús―, li' ndaca'a na' ji'i̱ ngu' bi' lo'o juersa ji'i̱ ycui' nu'u̱. Ná nda na' chacuayá' tyacua cha' cuxi ji'i̱ ngu'; ni tsaca ngu' bi', ná nguna' chalyuu ji'i̱ ngu'. Sca ti nu ñati̱ nu nguscua tya sa'ni la cha' chcuna' cha' ji'i̱, bi' laca nu ndye cha' ji'i̱ tsiya' ti, cha' nga'a̱ cha' caca lcaa cha' nu nguscua ngu' lo quityi cusu' cuentya jinu'u̱.

EFESIOS 1:21

Ca bi' laca Cristo loo la ji'i̱ lcaa ñati̱; nga'aa ntsu'u nu tlyu la que Cristo ca bi', nga'aa ntsu'u nu culo cña ji'i̱ yu. Ná ntsu'u chaca xu'na ñati̱ nde chalyuu nu taca tyiji̱loo ji'i̱ Cristo; la cui' ti ca chaca chalyuu ca nde cua̱ ni, ná ntsu'u cui'i̱ cuxi, ni ná ntsu'u ñati̱ cuentya ji'i̱ ycui' Ndyosi nu taca tyiji̱loo ji'i̱ Cristo.