APOCALIPSIS 18:8 - Chatino Tataltepec

⁸ Xqui'ya cha' jua'a̱ ntsu'u tyiquee ngu', bi' cha' cua'ni Ni cha' sca ti tsa̱ xñi lcaa quicha ji'i̱ ngu', lcaa quicha nu nga'a̱ cha' tyacua ji'i̱ ngu' bi'. Cajaa ngu' xqui'ya quicha tlyu, xi'ya tsa ngu' cha' xñi'i̱ ti' ngu', caca jbi'ña ji'i̱ ngu', cuati jua'a̱ tye quichi̱ tyi ngu' tyaqui̱. Tlyu tsa cña nu ndu'ni ycui' Ndyosi nu Xu'na na, bi' laca Ni nu ndyu'ni cuayá' ji'i̱ ngu' quichi̱ tlyu bi'.

APOCALIPSIS 18:8 Referans Kwoze

APOCALIPSIS 17:16

Lo'o lcaa rey nu laca nu tii tya'a sata na'ni chiya'a̱ ña'a̱ nu na'a̱ ca ti nu'u̱, lo'o jua'a̱ ycui' na'ni bi', lo'o ngu' bi' ca ti'í ti' ngu' ña'a̱ ngu' ji'i̱ quichi̱ tlyu bi'; xlyaá ngu' lcaa cha' tso'o nu ntsu'u ji'i̱ ngu' quichi̱ bi', tyanu ngu' quichi̱ jua'a̱ ti li'. Taqui̱ rey quichi̱ bi' li', cua'ni tye ngu' ji'i̱ ngu' quichi̱ bi'.

APOCALIPSIS 18:19

Li' cu̱ ngu' sñii yuu nde hique ngu', ñi'ya̱ nu ndu'ni ngu' bi' lo'o xñi'i̱ tsa ti' ngu'. Xi'ya tsa ngu' li': ―Ti'i tsa ma̱, cu'ma̱ ngu' tya'a quichi̱ tyi na juani, cha' tlyu tsa quichi̱ tyi na nquicha' ―ñacui̱ ngu' bi'―. Tya sa'ni la culiya' tsa ngua lcaa na nu laca na xu'na yaca ni'i̱, nu ndya'a̱ na lo'o yu'ba ji'i̱ quichi̱ bi' tyijyu'. ¿Ma caja cha' bi' juani? Sca hora ti nguna' lcaa cha' tso'o ji'na ―ñacui̱ nu ndya'a̱ lo'o yaca ni'i̱ bi'.

1 CORINTIOS 10:22

¿Ha nti' na cha' ca chi̱i̱ ti' ycui' Ndyosi nu Xu'na na ña'a̱ Ni ji'na? ¿Ha nchca la ji'na que ycui' Ndyosi lacua, nti' na?

APOCALIPSIS 19:3

Tya chaca quiya' cui̱i̱ nchcui' ngu' li': ―Cua'ni tlyu na ji'i̱ ycui' Ndyosi. Nga'aa tye cha' tyatu̱ sñii ca su ndyaqui̱ quichi̱ tlyu bi'.

APOCALIPSIS 18:17

Juani ni, sca hora ti nguna' lcaa cha' culiya' bi' ji'na ―ñacui̱ ngu'. Lo'o jua'a̱ tyu̱ lcaa nu nclya' yaca ni'i̱, lo'o ngu' nu ndyu'ni cña ne' yaca ni'i̱, lo'o ngu' nu nda caya' cha' tsaa tyijyu' lo'o yaca ni'i̱ bi', lo'o jua'a̱ xa' ñati̱ nu ndyiji ngana ji'i̱ tyijyu' lo'o yaca ni'i̱ bi'; tyijyu' ti tsatu̱ ngu' bi',

APOCALIPSIS 17:18

Nu cuna'a̱ nu na'a̱ nu'u̱ ni, ñi'ya̱ nti' nu quichi̱ tlyu nu laca loo bi', jua'a̱ laca nu cuna'a̱ bi'; nclyo bi' cña ji'i̱ lcaa ngu' nu laca loo chalyuu.

APOCALIPSIS 11:17

Ndi'ya̱ nchcui' ngu' li': Ndyosi Xu'na ya, nacui̱ ngu', cua nchca jinu'u̱ cua'ni lcaa cña. Na lu'ú nu'u̱ juani, lo'o la cui' ti lu'ú nu'u̱ nu ngua tya clyo la, jua'a̱ tya lu'ú nu'u̱ nde loo la. Tsa xlya'be jinu'u̱ cha' cua nguxana nu'u̱ ndyu'ni nu'u̱ quiña'a̱ tsa cña tlyu nde chalyuu. Ndube tsa ti' ya cha' cua nguxana nu'u̱ laca nu'u̱ loo,