APOCALIPSIS 18:18 - Chatino Tataltepec

¹⁸ xi'ya tsa ngu' lo'o ña'a̱ ngu' tyatu̱ sñii cha' ndyaqui̱ quichi̱ tlyu bi': ―Bilya ña'a̱ na chaca quichi̱ nu culiya' la, ñi'ya̱ ngua culiya' tsa quichi̱ re ―ñacui̱ ngu' ji'i̱ tya'a ngu'.

APOCALIPSIS 18:18 Referans Kwoze

APOCALIPSIS 13:4

Ngua'ni tlyu lcaa ñati̱ ji'i̱ nu cuaña bi' li', cha' cua nda bi' chacuayá' cha' caca tlyu nu na'ni chiya'a̱ ña'a̱ bi'; jua'a̱ ngua'ni tlyu ngu' ji'i̱ ycui' na'ni chiya'a̱ ña'a̱. Nchcui' ngu' lo'o tya'a ngu' li': ―Ná tucui ndi'i̱ chalyuu nu stu'ba lo'o nu na'ni jua. Nga'aa nchca ji'i̱ ñati̱ xu̱u̱ tya'a lo'o ni'.

APOCALIPSIS 14:11

Tyucui tyempo ná tye cha' tyatu̱ sñii quii' su nchcube' ñati̱ bi'; ná caja ñi'ya̱ clyaá ngu' bi' ji'i̱ ycui' Ndyosi, lcaa ñati̱ nu cua ngua'ni tlyu ji'i̱ na'ni bi', masi ji'i̱ lcui̱ ti ngua'ni tlyu ngu'; masi nga'a̱ cuayá' ti ji'i̱ ni' nde tyaca̱a̱ ngu' lo'o chu̱' ya' ngu', nga'aa clyaá ngu' bi'.

APOCALIPSIS 16:19

Ti'í tsa ngutsu yuu su nscua quichi̱ tlyu, nu quichi̱ Babilonia bi'; sna yu'be ngua quichi̱ bi' li'. Lo'o jua'a̱ nguti̱ lcaa quichi̱ tonu nu ndi'i̱ xa' chalyuu, cha' ndyi'u ti' Ni nchcube' Ni ji'i̱ ngu' quichi̱ tlyu bi'; tlyu tsa cha' ti'í ngua'ni ycui' Ndyosi lo'o ngu' bi', cha' ñasi̱' tsa Ni ji'i̱ ngu'.

APOCALIPSIS 18:16

Lo'o li' ndi'ya̱ chcui' ngu' bi': ―Ti'i tsa ma̱, cu'ma̱ ngu' quichi̱ re juani; tlyu tsa quichi̱ tyi ma̱ nquicha' ―ñacui̱ ngu' culiya' li'―. Tya sa'ni la xcui' late' ngati̱ ña'a̱, lo'o late' cuaa ña'a̱, lo'o late' nu ntsu'u tyu̱u̱ tya'a color nchcu' ngu' quichi̱ tyi ma̱; xcui' chcua̱ oro, lo'o quee ndubi, lo'o tyaaca̱' quee ngati̱ ndacui yane ngu', yane ya' ngu'.