APOCALIPSIS 18:11 - Chatino Tataltepec

¹¹ Lo'o jua'a̱ lcaa ngu' culiya' nu ndi'i̱ chalyuu, tya'na tsa cua'ni ngu'; xñi'i̱ tsa caca tyiquee ngu' cha' nga'aa caja ñati̱ nu cui'ya yu'ba ji'i̱ ngu':

APOCALIPSIS 18:11 Referans Kwoze

APOCALIPSIS 18:3

Tya sa'ni ngulu'u ngu' quichi̱ bi' ji'i̱ lcaa ñati̱ chalyuu cha' cua'ni ngu' cha' suba', cha' cua'ni tlyu ngu' ji'i̱ xa' jo'ó; lye ndatsaa ngu' bi' ji'i̱ ñati̱, cha' lo'o ngu' cua'ni ngu' cha' cuxi lo'o tya'a ñati̱. Suba' tsa ngua'ni lcaa nu laca loo chalyuu lo'o nguta'a̱ ngu' nde quichi̱ bi'. Ná tye chca cha' cuxi nu ngua'ni ngu' ca quichi̱ bi', bi' cha' ngua ji'i̱ ngu' culiya' ngua'ni tsa ngu' ngana.

APOCALIPSIS 18:23

nga'aa tyaca̱' tsiya' ti tyu'u xee toni'i̱ ji'i̱ ngu' quichi̱, nga'aa cañi chcui' ngu' cuañi' lo'o tya'a ngujui clyo'o ca ti ngu'. Tya sa'ni la ná ntsu'u ngu' culiya' tyucui ña'a̱ chalyuu ñi'ya̱ nu culiya' cu'ma̱ quichi̱ bi'; pana cua nñilo'o ma̱ ji'i̱ quiña'a̱ tya'a ñati̱ chalyuu, xqui'ya cha' tlyu tsa cha' cucha'a̱ nchca ji'i̱ ma̱.

APOCALIPSIS 18:20

Pana cacha' na' ji'i̱ ma̱ juani, cu'ma̱ nu ndi'i̱ ca su ntucua ycui' Ndyosi nde cua̱, cua'ni ma̱ cha' ca chaa tsa ti' ma̱ lo'o tyalaa hora cati̱ quichi̱ bi'; lo'o jua'a̱ cu'ma̱ ñati̱ chalyuu nu ntsu'u cha' ji'i̱ ma̱ lo'o ycui' Ndyosi, lo'o cu'ma̱ ñati̱ nu ngua'a̱loo Ni ji'i̱ ma̱ cha' cua'ni ma̱ cña ji'i̱ Ni, lo'o cu'ma̱ nu laca ma̱ tu'ba ji'i̱ ycui' Ndyosi cha' nchcui' Ni lo'o ñati̱, cua'ni ma̱ cha' ca chaa tsa ti' ma̱ cha' liñi tsa ndu'ni Ni lo'o xcube' Ni ji'i̱ ngu' quichi̱ bi', xqui'ya cha' xña'a̱ tsa ngua'ni ngu' bi' lo'o ma̱.

APOCALIPSIS 18:15

Lo'o jua'a̱ nu ngu' culiya' bi' ni, ngu' nu ngujui cha' culiya' ji'i̱ lo'o ndyu'ni ngu' ngana nde lquichi̱ bi', tyijyu' ti tsatu̱ ngu', cha' tyutsi̱i̱ tsa ngu' ña'a̱ ngu' lo'o cati̱ quichi̱ bi'; tya'na tsa cua'ni ngu', cha' xñi'i̱ tsa ti' ngu' caca.

APOCALIPSIS 18:9

Cunaa tsa lcaa ngu' nu laca loo chalyuu; xi'ya tsa ngu' lo'o ña'a̱ ngu' tyatu̱ sñii cha' ndyaqui̱ quichi̱ tlyu bi', cha' stu'ba ntsu'u cha' ji'i̱ ngu' lo'o ngu' quichi̱ bi'. Ndu'ni lya' ti' ngu' ji'i̱ tya'a ñati̱ ngu', lo'o jua'a̱ suba' tsa ndu'ni ngu' lo'o ngu'.

2 PEDRO 2:3

Lo'o jua'a̱ ndacui tsa ti' ngu' cuiñi bi' ji'i̱ na nu ntsu'u ji'i̱ ma̱; nti' tsa ngu' cua'ni ngu' ngana ji'i̱ ma̱, bi' cha' tajua' ti chcui' ngu' cha' cuiñi ti lo'o ma̱. Pana ntsu'u cha' xcube' Ni ji'i̱ ngu' cuiñi bi', cha' cua sa'ni cua nchcui' Ni cha' ná tso'o cua'ni ngu' cha' cuxi jua'a̱. Si'i na laja' ycui' Ni; jlo ti' Ni ñi'ya̱ ndu'ni ngu' cuiñi bi', lo'o jua'a̱ cua'ni tye Ni ji'i̱ ngu' bi' yala ti.

SAN MATEO 22:5

Pana ná ndu'u tucua ñati̱ bi', cha' ná ndube ti' ngu' cha' ngujui clyo'o sñi' rey bi'; ndyaa ngu' cña ne' quixi̱', ndyaa xi xa' la ngu' ndyujui' ngu' yu'ba ji'i̱ ngu'.

SAN JUAN 2:16

Li' nacui̱ Jesús ji'i̱ ñati̱ nu ndujui' paloma bi': ―Yaa lo'o ma̱ ji'i̱ yu'ba cua nde liya' ―nacui̱ yu―. Nga'aa cua'ni ma̱ cha' ni'i̱ lcaya' caca ni'i̱ tlyu re ji'i̱ Sti na'.