APOCALIPSIS 18:10 - Chatino Tataltepec

¹⁰ Tyijyu' ti tsatu̱ ngu' cha' tyutsi̱i̱ tsa ngu' lo'o ña'a̱ ngu' cha' cati̱ quichi̱ bi': ―Ti'i tsa cu'ma̱ juani, ngu' quichi̱ Babilonia ―nacui̱ ngu' li'―. Tlyu tsa quichi̱ tyi ma̱ nquicha', si̱i̱ tsa loo chalyuu su ngua loo quichi̱ tyi ma̱; pana juani ni, sca hora ti ndye nchcube' ma̱.

APOCALIPSIS 18:10 Referans Kwoze

APOCALIPSIS 18:19

Li' cu̱ ngu' sñii yuu nde hique ngu', ñi'ya̱ nu ndu'ni ngu' bi' lo'o xñi'i̱ tsa ti' ngu'. Xi'ya tsa ngu' li': ―Ti'i tsa ma̱, cu'ma̱ ngu' tya'a quichi̱ tyi na juani, cha' tlyu tsa quichi̱ tyi na nquicha' ―ñacui̱ ngu' bi'―. Tya sa'ni la culiya' tsa ngua lcaa na nu laca na xu'na yaca ni'i̱, nu ndya'a̱ na lo'o yu'ba ji'i̱ quichi̱ bi' tyijyu'. ¿Ma caja cha' bi' juani? Sca hora ti nguna' lcaa cha' tso'o ji'na ―ñacui̱ nu ndya'a̱ lo'o yaca ni'i̱ bi'.

APOCALIPSIS 18:8

Xqui'ya cha' jua'a̱ ntsu'u tyiquee ngu', bi' cha' cua'ni Ni cha' sca ti tsa̱ xñi lcaa quicha ji'i̱ ngu', lcaa quicha nu nga'a̱ cha' tyacua ji'i̱ ngu' bi'. Cajaa ngu' xqui'ya quicha tlyu, xi'ya tsa ngu' cha' xñi'i̱ ti' ngu', caca jbi'ña ji'i̱ ngu', cuati jua'a̱ tye quichi̱ tyi ngu' tyaqui̱. Tlyu tsa cña nu ndu'ni ycui' Ndyosi nu Xu'na na, bi' laca Ni nu ndyu'ni cuayá' ji'i̱ ngu' quichi̱ tlyu bi'.

APOCALIPSIS 14:8

Lo'o ndyaa xca̱ bi', li' ndyalaa chaca xca̱ cha' chcui' lo'o ñati̱: ―Cua nguti̱ quichi̱ ―nacui̱ nu chaca xca̱ bi'―. Cua nguti̱ quichi̱ tlyu nu naa Babilonia, xqui'ya cha' ngua'ni ñu'u̱ ngu' quichi̱ bi' ji'i̱ lcaa ñati̱ chalyuu. Cuxi tsa cña nu ngua'ni ngu' quichi̱ bi', xqui'ya cha' ndu'ni tlyu ngu' ji'i̱ lcui̱ jo'ó; jua'a̱ ngulu'u qui'i̱ ngu' ji'i̱ xa' ñati̱ cha' cua'ni ngu' la cui' ti cha' cuxi slo jo'ó ―nacui̱ xca̱ nu nchca tyucuaa bi'.

APOCALIPSIS 17:12

’Lo'o na'a̱ nu'u̱ na'ni bi', cha' tii tya'a sata ni' ntucua hique ni', bi' laca tya tii tya'a rey nu tya lyiji caca loo chalyuu. Cua ntsu'u chacuayá' ji'i̱ ngu' bi', cha' caca ngu' loo masi chaca hora tya; stu'ba ti caca tlyu ngu' bi' lo'o nu na'ni chiya'a̱ ña'a̱ bi' li'.

APOCALIPSIS 11:8

Li' tyanu tyucuaa jyo'o bi' ca su ntsiya ngujuii to' calle quichi̱ tlyu bi', la cui' quichi̱ su ngujui'i̱ ca'a̱ ngu' ji'i̱ ycui' nu Xu'na na lo crusi. Xña'a̱ tsa ngu' quichi̱ bi', bi' cha' ntsu'u sca cha' nu nchcui' ñati̱ ji'i̱, cha' ñi'ya̱ ngua ngu' quichi̱ Sodoma cua sa'ni, la cui' ñi'ya̱ ngua ngu' quichi̱ Egipto cua sa'ni, jua'a̱ laca ngu' quichi̱ tlyu bi' juani.

APOCALIPSIS 16:19

Ti'í tsa ngutsu yuu su nscua quichi̱ tlyu, nu quichi̱ Babilonia bi'; sna yu'be ngua quichi̱ bi' li'. Lo'o jua'a̱ nguti̱ lcaa quichi̱ tonu nu ndi'i̱ xa' chalyuu, cha' ndyi'u ti' Ni nchcube' Ni ji'i̱ ngu' quichi̱ tlyu bi'; tlyu tsa cha' ti'í ngua'ni ycui' Ndyosi lo'o ngu' bi', cha' ñasi̱' tsa Ni ji'i̱ ngu'.

APOCALIPSIS 18:18

xi'ya tsa ngu' lo'o ña'a̱ ngu' tyatu̱ sñii cha' ndyaqui̱ quichi̱ tlyu bi': ―Bilya ña'a̱ na chaca quichi̱ nu culiya' la, ñi'ya̱ ngua culiya' tsa quichi̱ re ―ñacui̱ ngu' ji'i̱ tya'a ngu'.

APOCALIPSIS 18:21

Lo'o li' ya̱a̱ sca xca̱ ji'i̱ ycui' Ndyosi nu tlyu tsa cña ngua ji'i̱ cua'ni. Ngusicua̱ xca̱ bi' sca quee tonu nu lo scuii ti ña'a̱; ñi'ya̱ ña'a̱ sca quee ji'i̱ molino, jua'a̱ ña'a̱ quee bi'. Ngu̱ ji'i̱ ndyaa nde lo hitya tyujo'o li'. ―La cui' jua'a̱ caca ji'i̱ quichi̱ Babilonia, quichi̱ tlyu bi' ―nacui̱ xca̱ bi'―, cha' xlyú ngu' ji'i̱ quichi̱ bi' ca lo yuu tsiya' ti; nga'aa ña'a̱ ngu' ji'i̱ quichi̱ bi' chaca quiya' li'.