APOCALIPSIS 16:15 - Chatino Tataltepec

¹⁵ “Cua'a̱ jyaca̱ ma̱”, nacui̱ Jesús, “tsiya' ca tyu'u tucua na' tya̱a̱ na' ñi'ya̱ nti' sca nu cuaana. Tso'o caca tyiquee ñati̱ nu tii ti ti' tyi'i̱ chalyuu, xqui'ya cha' ngusñi ngu' cha' jna'; nga'aa ca tyuju'u ti' ngu' bi' slo ñati̱ lo'o tyalaa hora nu tya̱a̱ na' li'.” Jua'a̱ nacui̱ Jesús ji'i̱ ñati̱ ji'i̱ Ni.

APOCALIPSIS 16:15 Referans Kwoze

APOCALIPSIS 3:18

Ta na' sca cui̱i̱ lo'o ma̱ lacua, bi' cha' cua'a̱ jyaca̱ ma̱ ji'i̱ cha' nu chcui' na' lo'o ma̱, cha' chañi taca culu'u cha' bi' ji'i̱ ma̱ ñi'ya̱ caca xutacui cha' cuxi nu ntsu'u ji'i̱ ma̱: Nga'a̱ cha' cua'ni ma̱ cha' caja sca chalyuu cucui ji'i̱ ma̱ su nga'aa cua'ni ma̱ cha' cuxi, cha' nga'aa ntsu'u cha' ca tyuju'u la ti' ma̱ li'. Cua'ni ma̱ cha' culacua tso'o xi ti' ma̱ lacua, cha' ca cuayá' ti' ma̱ scaa cha'.

2 PEDRO 3:10

Chañi cha' tyalaa tsa̱ bi' lo'o ca̱a̱ ycui' nu Xu'na na chaca quiya', pana ná jlo ti' na ni tsa̱ caca bi'. Ñi'ya̱ laca si cua ca̱a̱ ti sca nu cuaana to' tyi na lo'o ná jlo ti' na, jua'a̱ caca tsa̱ bi'. Cati̱ jua'a̱ ti lcaa na nu ntsu'u nde cua̱, lye tsa cañi cha' bi'; lo'o li' tye tsiya' ti tyaqui̱ lcaa na nu ntsu'u nde cua̱. Jua'a̱ tyucui ña'a̱ chalyuu ni, tye tsiya' ti li'.

SAN MATEO 25:13

Tya nchcui' la xi Jesús lo'o ngu' li': ―Bi' cha' tii ti ti' tyi'i̱ ma̱ lcaa hora, cha' ná jlo ti' ma̱ ni tsa̱ ni hora ca̱a̱ na' chaca quiya', na' nu cua nda Ni 'na lijya̱a̱ cha' caca na' ñati̱.

2 CORINTIOS 5:3

Ni'i̱ bi' laca nu tacu̱' lo tyucui ña'a̱ na, cha' caja su tyi'i̱ cresiya ji'na, cha' ná tyi'i̱ na jua'a̱ ti.

SAN MARCOS 14:38

Tii ti ti' ma̱ tyi'i̱ ma̱ juani. Chcui' ma̱ lo'o ycui' Ndyosi cha' ná cua'ni nu cuiñaja ngana ji'i̱ ma̱. Jlo ti' na' cha' tyucui tyiquee ma̱ ntaja'a̱ ma̱ cua'ni ma̱ cña re 'na; pana ná tyu'u scua juersa ji'i̱ ma̱, bi' cha' yala tsa ndyaja' ma̱.

LOS HECHOS 20:31

Cui'ya ma̱ cuentya lacua. Tyi'u ti' ma̱ cha' cua ndya'a sna yija̱ ngulu'u na' ji'i̱ ma̱ tsa̱ lo'o talya, lo'o jua'a̱ ntsu'u quiya' ngusi'ya tsa na' xqui'ya cu'ma̱.

1 TESALONICENSES 5:6

Bi' cha' tii ti ti' na tyi'i̱ na chalyuu; si'i ñi'ya̱ nti' si xcui' na laja' ti na tyi'i̱ na chalyuu, masi jua'a̱ ndu'ni xa' la ñati̱ nu ná ndaquiya' ji'i̱ Jesucristo tsiya' ti. Lo'o jua'a̱ ña'a̱si̱i̱ na ji'i̱ ycui' ca na cha' ná caca cu'bi na.

SAN LUCAS 21:36

Tii ti ti' ma̱ tyi'i̱ ma̱ chalyuu lacua. Lcaa tyempo chcui' ma̱ lo'o ycui' Ndyosi cha' xtyucua Ni ji'i̱ ma̱, cha' talo ma̱ lo'o caca cha' cuxi bi' chalyuu. Lo'o li' caja ñi'ya̱ nu tyalaa ma̱ su tyucua ycui' na' nu cua nda Ni 'na lijya̱a̱ cha' caca na' ñati̱, cha' cua'ni cuayá' na' ji'i̱ ma̱ ―nacui̱ Jesús ji'i̱ ngu'.

SAN MATEO 26:41

Tii ti ti' ma̱ tyi'i̱ ma̱ juani lacua, cha' chcui' ma̱ lo'o ycui' Ndyosi cha' ná tyiji̱loo nu cuiñaja ji'i̱ ma̱. Jlo ti' na' cha' tyucui tyiquee ma̱ ntaja'a̱ ma̱ cua'ni ma̱ cña re 'na, pana ná tyu'u scua juersa ji'i̱ ma̱, yala tsa ndyaja' ma̱.

1 PEDRO 4:7

Cua tye ti cha' ji'i̱ lcaa na nu ntsu'u chalyuu; bi' cha' tso'o la si cua'a ma̱ ji'i̱ ycui' ca ma̱, tii ti ti' ma̱ tyi'i̱ ma̱ chalyuu cha' taca cua'ni ma̱ cña tso'o, cha' lu'ba ti taca chcui' ma̱ lo'o ycui' Ndyosi.

1 TESALONICENSES 5:4

Pana nu cu'ma̱ ni, ná ntsu'u cha' xcutsi̱i̱ tsa̱ bi' ji'i̱ ma̱, masi jlo ti' ma̱ cha' cuaana ca ti tyalaa tsa̱ bi'; si'i na ndya'a̱ ma̱ su talya ña'a̱ xqui'ya cha' cuxi, ñi'ya̱ ndya'a̱ xa' la ñati̱.

APOCALIPSIS 3:11

Cua tya̱a̱ ti na'. Ná ta ma̱ chacuayá' cha' culiji yu'u jua'a̱ ti cha' tso'o nu ntsu'u ne' cresiya ji'i̱ ma̱, tya cua'ni ma̱ ñi'ya̱ nu ngua'ni ma̱ tya sa'ni la. Tii ti ti' tyi'i̱ ma̱ cha' caja chalyuu tso'o nu ta ycui' Ndyosi ji'i̱ ma̱ lo'o tye chalyuu re.

APOCALIPSIS 22:7

―Yala ti tya̱a̱ na' chaca quiya' ―nacui̱ Jesús. Tso'o tsa caca tyiquee lcaa ñati̱ nu taquiya' ji'i̱ cha' nu cua nda Ni lo'o na', nu cua nscua na' lo quityi re; cha' bi' laca nu ndacha' ji'na ñi'ya̱ caca chalyuu nde loo la.