APOCALIPSIS 16:14 - Chatino Tataltepec

¹⁴ Msu ji'i̱ nu xña'a̱ laca cuiñaja bi'; nchcutsi̱i̱ bi' ji'i̱ ñati̱, cha' nchca ji'i̱ cua'ni cha' tlyu. Ndya'a̱ cuiñaja bi' nxuti'i̱ ji'i̱ lcaa nu laca loo chalyuu, cha' tya̱a̱ ngu' cha' cusu̱u̱ tsa̱ tlyu lo'o cua tye ti chalyuu. Cua ntsu'u cña nu cua'ni ycui' Ndyosi nu Xu'na na lo'o ndyaca cha' cusu̱u̱ bi'.

APOCALIPSIS 16:14 Referans Kwoze

APOCALIPSIS 17:14

Xcui' xu̱u̱ tya'a ngu' lo'o ycui' Ni, nu ñi'ya̱ ña'a̱ xlya' bi'; pana tyiji̱loo nu ñi'ya̱ ña'a̱ xlya' bi' ji'i̱ na'ni bi', lo'o jua'a̱ tyiji̱loo ñati̱ nu ndya'a̱ lo'o Ni ji'i̱ ni', xqui'ya cha' laca ycui' Ni Xu'na lcaa ñati̱ chalyuu, laca ycui' Ni loo la ji'i̱ lcaa ngu' nu laca loo nde chalyuu. Lo'o jua'a̱ nu ñati̱ ji'i̱ ycui' Ni ni, cua ngusubi Ni ji'i̱ ngu' bi'; na cua nguane Ni ji'i̱ ngu' bi', lo'o jua'a̱ tso'o tsa ngusñi ngu' cha' ji'i̱ ycui' Ni ―nacui̱ xca̱ 'na.

1 TIMOTEO 4:1

Xqui'ya Xtyi'i ycui' Ndyosi nchca cuayá' ti' na ñi'ya̱ caca tyempo nde loo la, cha' ntsu'u ñati̱ nu cua ngusñi tyucui̱i̱ ji'i̱ Jesucristo nquicha', lo'o li' tyu'utsu' ngu' bi' tyucui̱i̱ ji'i̱ ycui' nu Xu'na na. Xtyanu ñati̱ bi' ji'i̱ Ni li', cha' cñilo'o cui'i̱ cuxi nu ndu'ni cña cuentya ji'i̱ nu xña'a̱ ji'i̱ ngu'; tyiji̱loo cui'i̱ cuxi bi' ji'i̱ ngu' bi' li'.

APOCALIPSIS 20:8

tsaa laja ti nu Satanás bi' xi cha' cñilo'o yu xi ji'i̱ lcaa ñati̱ tyucui ña'a̱ chalyuu, lcaa tya'a cusu̱u̱ ycui' Ndyosi; ngu' Gog lo'o ngu' Magog laca ñati̱ bi'. Ñi'ya̱ nu ná caca ji'na culacua na ni lcua tya'a satya yusi̱ ndi'i̱ to' tyujo'o, jua'a̱ ná caca culacua na ni tsa lo cua tya'a ñati̱ nu xuti'i̱ Satanás ji'i̱ cha' xu̱u̱ tya'a ngu' lo'o ycui' Ndyosi.

1 JUAN 5:19

Jlo ti' na cha' ñati̱ ji'i̱ ycui' Ndyosi laca na, xqui'ya cha' cua ngusñi na cha' ji'i̱ Jesucristo; pana xa' la ñati̱ chalyuu nu ná ndaquiya' ji'i̱ Ni tsiya' ti, ña'a̱ ti tya laca nu xña'a̱ loo ji'i̱ ñati̱ bi'.

SANTIAGO 3:15

Si'i nde su ntucua ycui' Ndyosi ndyu'u cha' cuxi nu nchcui' ma̱, sca cha' cuxi nu ntsu'u chalyuu laca bi'; sca cha' nu cua nda ycui' nu xña'a̱ laca cha' nu nchcui' ma̱ bi'.

APOCALIPSIS 16:16

Li' nxuti'i̱ cuiñaja bi' ji'i̱ ngu' laca loo, cha' tya̱a̱ ngu' nde sca nati̱', su naa Armagedón cha'cña ji'i̱ ngu' judío.

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.

SAN JUAN 8:44

Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.

2 TESALONICENSES 2:9

Pana lo'o ca̱a̱ yu xña'a̱ bi', ca̱a̱ yu lo'o chacuayá' ji'i̱ ycui' Satanás bi', bi' cha' nchca tsa ji'i̱ yu bi' cua'ni yu cha' tlyu cha' cñilo'o ti yu ji'i̱ ñati̱ chalyuu, cha' culacua ti' ngu' cha' tlyu tsa laca ycui' yu xña'a̱ bi'.

SAN MARCOS 13:22

Cristo cuiñi caca ngu' bi'. Lo'o jua'a̱ tyu'u tucua xi nu cuiñi nu chcui' cha' tu'ba ji'i̱ ycui' Ndyosi laca ycui' ca ngu'; cha' cuiñi ti cua'ni ngu' bi' cha' tlyu, cha' cube tsa ti' xa' ñati̱. Cua'ni ngu' cuiñi bi' jua'a̱, cha' tyiji̱loo ngu' ji'i̱ ma̱ nti' ngu', lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

SAN MATEO 24:24

cha' Cristo cuiñi caca nu bi'. Lo'o jua'a̱ tyu'u tucua xi ngu' cuiñi nu chcui' cha' tu'ba ji'i̱ ycui' Ndyosi laca ycui' ca ngu', nu cuiñi ti cua'ni cha' tlyu cha' cube tsa ti' xa' ñati̱; cua'ni ngu' cuiñi bi' jua'a̱, cha' nti' ngu' cua'ni ngu' ngana ji'i̱ ma̱, lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

APOCALIPSIS 3:10

Cua ndyi'u ti' ma̱ cha' nu nacui̱ na' ji'i̱ ma̱ tsubi', cha' talo tyiquee ma̱ cha' tu̱ ti' ma̱ 'na ni tsa̱ tya̱a̱ na' chaca quiya'; bi' cha' juani cua'ni na' cha' ná sca caca ji'i̱ ma̱ lo'o tyalaa tyempo cuxi nde chalyuu. Cua lijya̱ caca cha' cuxi bi', nu cua'ni cuayá' ji'i̱ lcaa ñati̱ chalyuu.

ROMANOS 1:8

Su nguxana ti quityi re, ndyu'ni tlyu na' ji'i̱ ycui' Ndyosi xqui'ya Jesucristo. Tso'o tsa nti' na' cha' cua ngusñi lcaa tya'a ma̱ cha' ji'i̱ Jesús, ca lcaa quichi̱ ndañi cha' jlya ti' ma̱ cha' bi'.

APOCALIPSIS 16:7

Li' ndyuna na' cha' nu nchcui' ñati̱ nde su ntucua mesa su ndyaqui̱ msta̱: ―Ndyosi Xu'na ya ―nacui̱ ngu'―, ycui' nu'u̱ ni, lcaa cña nchca jinu'u̱ ―nacui̱ ngu'―. Liñi tsa ndyu'ni nu'u̱ lo'o nchcube' nu'u̱ ji'i̱ ñati̱ bi' jua'a̱; chañi tsa cha' nu nchcui' nu'u̱ ji'i̱ ñati̱ bi', cha' cuxi tsa cña ndu'ni ngu' bi'.

APOCALIPSIS 13:3

Cua ndyanu cuayá' lo sca scua' que ni' su ngua quicha ni'; cua cajaa ti ni' tyempo bi', ngua ti' na', pana ngua tso'o su lye tsa quicha ni'. Ndube tsa ti' ñati̱ chalyuu ña'a̱ ji'i̱ ni'; ngusñi ngu' cha' ji'i̱ ni' li', xqui'ya cha' ngua tso'o chaca quiya' su lye quicha ni'.

APOCALIPSIS 6:17

Cua ndyalaa tsa̱ cha' xcube' Ni ji'i̱ ñati̱, lo'o ná ndalo ngu' tsiya' ti ji'i̱ cha' bi'.

SAN LUCAS 2:1

Tyempo bi', ñati̱ nu laca loo la tyucui ña'a̱ chalyuu bi' ngua nu emperador; Augusto naa yu, lo'o li' ngulo yu cña cha' xcua xtañi ngu' lcaa quichi̱ lo quityi.

SAN MATEO 24:14

Ntsu'u cha' culu'u ma̱ cha' jna' ji'i̱ ñati̱, lcaa cha' tso'o nu nchcui' na', ñi'ya̱ caca lo'o laca ycui' Ndyosi loo ne' cresiya ji'i̱ ñati̱; ntsu'u cha' chcui' ma̱ cha' bi' lo'o ñati̱ tyucui ña'a̱ chalyuu, cha' caca cuayá' ti' ngu' ji'i̱ cha' bi' nde lcaa nasiyu̱. Lo'o li' tye chalyuu.