APOCALIPSIS 15:6 - Chatino Tataltepec

⁶ Li' ngutu'u nu cati tya'a xca̱ bi' ne' laa, ndyalo'o ngu' ji'i̱ ca ta'a cati quicha nu caca lo'o cua tye ti chalyuu. Xcui' late' ngati̱ lacu' xca̱ bi', late' nu lubii tsa ña'a̱; jua'a̱ cua ndyaaca̱' sintya oro tyiquee ngu'.

APOCALIPSIS 15:6 Referans Kwoze

APOCALIPSIS 1:13

Laja candyeru bi' ndu̱ sca nu ñi'ya̱ ña'a̱ ñati̱ ña'a̱, jua'a̱ ña'a̱ nu cusu' bi' ngua ti' na'. Tyucui̱ tsa late' lacu' Ni, nu ndyalaa ca yane quiya' Ni tsiya' ti, lo'o jua'a̱ cua ndyaaca̱' tyiquee Ni lo'o sca sintya oro.

APOCALIPSIS 15:1

Ngutu'u tucua chaca cuayá' tlyu nde cua̱ li'. Ndube tsa ti' na' lo'o na'a̱ na' ji'i̱, cha' ndu̱ cati tya'a xca̱ ji'i̱ ycui' Ndyosi nu ndu̱ lo'o cati tya'a quicha nu caca su cua tye ti chalyuu. Lo'o cua ndye ngua quicha bi' chalyuu, li' cati̱ cha' ñasi̱' ycui' Ni.

APOCALIPSIS 14:15

Li' ngutu'u sca xca̱ ne' laa ji'i̱ ycui' Ndyosi nde cua̱, nu cui̱i̱ ngusi'ya ji'i̱ ñati̱ nu ntucua chu̱' coo bi': ―Xu'ba clya nu'u̱ maxtyi jinu'u̱, xuti'i̱ nu'u̱ ji'i̱ quixi̱' trigo, cha' bi' laca ñati̱ ji'i̱ ycui' Ni nu ndi'i̱ chalyuu. Cua ndyalaa la cui' hora cha' caca clacua chalyuu, cua laca nguscua se'i̱ cha' caca bi'.

SAN LUCAS 24:4

Ndyutsi̱i̱ tsa ngu' li', nga'aa jlo ti' ngu' ñi'ya̱ nu cua'ni ngu'. Li' na'a̱ ngu' cha' ndu̱ tucua tya'a nu qui'yu slo ngu'; ndubi tsa ña'a̱ late' lacu' nu ngu' qui'yu bi'.

APOCALIPSIS 14:17

Li' na'a̱ na' chaca xca̱ nu ngutu'u ne' laa ji'i̱ ycui' Ndyosi nde cua̱, nu ndacui maxtyi cha tu'ba ya' yu.

APOCALIPSIS 19:8

Cua nda Ni late' lubii nu ngati̱ tsa ña'a̱, nu tso'o tsa ña'a̱ cha' cacu' na. Lcaa cña tso'o nu ngua'ni ngu' bi' nde chalyuu xqui'ya cha' ngusñi ngu' cha' ji'i̱ ycui' Ni, bi' laca ñi'ya̱ ña'a̱ ste' ngu' nu tso'o tsa ña'a̱ bi'.