APOCALIPSIS 14:8 - Chatino Tataltepec

⁸ Lo'o ndyaa xca̱ bi', li' ndyalaa chaca xca̱ cha' chcui' lo'o ñati̱: ―Cua nguti̱ quichi̱ ―nacui̱ nu chaca xca̱ bi'―. Cua nguti̱ quichi̱ tlyu nu naa Babilonia, xqui'ya cha' ngua'ni ñu'u̱ ngu' quichi̱ bi' ji'i̱ lcaa ñati̱ chalyuu. Cuxi tsa cña nu ngua'ni ngu' quichi̱ bi', xqui'ya cha' ndu'ni tlyu ngu' ji'i̱ lcui̱ jo'ó; jua'a̱ ngulu'u qui'i̱ ngu' ji'i̱ xa' ñati̱ cha' cua'ni ngu' la cui' ti cha' cuxi slo jo'ó ―nacui̱ xca̱ nu nchca tyucuaa bi'.

APOCALIPSIS 14:8 Referans Kwoze

APOCALIPSIS 16:19

Ti'í tsa ngutsu yuu su nscua quichi̱ tlyu, nu quichi̱ Babilonia bi'; sna yu'be ngua quichi̱ bi' li'. Lo'o jua'a̱ nguti̱ lcaa quichi̱ tonu nu ndi'i̱ xa' chalyuu, cha' ndyi'u ti' Ni nchcube' Ni ji'i̱ ngu' quichi̱ tlyu bi'; tlyu tsa cha' ti'í ngua'ni ycui' Ndyosi lo'o ngu' bi', cha' ñasi̱' tsa Ni ji'i̱ ngu'.

APOCALIPSIS 11:8

Li' tyanu tyucuaa jyo'o bi' ca su ntsiya ngujuii to' calle quichi̱ tlyu bi', la cui' quichi̱ su ngujui'i̱ ca'a̱ ngu' ji'i̱ ycui' nu Xu'na na lo crusi. Xña'a̱ tsa ngu' quichi̱ bi', bi' cha' ntsu'u sca cha' nu nchcui' ñati̱ ji'i̱, cha' ñi'ya̱ ngua ngu' quichi̱ Sodoma cua sa'ni, la cui' ñi'ya̱ ngua ngu' quichi̱ Egipto cua sa'ni, jua'a̱ laca ngu' quichi̱ tlyu bi' juani.

APOCALIPSIS 19:2

Chañi tsa laca lcaa cha' nu nchcui' ycui' Ni lo'o ñati̱, liñi tsa ndyu'ni cuayá' Ni ji'i̱ ñati̱ chalyuu. Cua nchcube' Ni ji'i̱ ngu' quichi̱ tlyu nu lye tsa ngua'ni ñu'u̱ ji'i̱ chalyuu, xqui'ya cha' suba' nu ndyu'ni ngu' lo'o tya'a ngu'; jua'a̱ nchcube' Ni ji'i̱ ngu' bi', xqui'ya cha' cua ndyujuii ngu' ji'i̱ ñati̱ nu ndyu'ni cña ji'i̱ ycui' Ni.

APOCALIPSIS 17:18

Nu cuna'a̱ nu na'a̱ nu'u̱ ni, ñi'ya̱ nti' nu quichi̱ tlyu nu laca loo bi', jua'a̱ laca nu cuna'a̱ bi'; nclyo bi' cña ji'i̱ lcaa ngu' nu laca loo chalyuu.