APOCALIPSIS 13:9 - Chatino Tataltepec

⁹ Bi' cha' cua'a̱ jyaca̱ ma̱ juani, si tyaja'a̱ ma̱ cuna ma̱ xi.

APOCALIPSIS 13:9 Referans Kwoze

APOCALIPSIS 2:7

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caja chalyuu nu ná nga'a̱ cha' tye ji'i̱ ngu' bi', lo'o jua'a̱ ta na' chacuayá' cacu ngu' si'yu yaca tso'o nu ndu̱ ca cla'be yuu tso'o su ndi'i̱ ycui' Ni, nacui̱ Jesús.”

APOCALIPSIS 2:17

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caca tyaala' ti' tyiquee ngu' bi', cacu ngu' cha' tso'o nu cua nguxco'o na' cha' caja ji'i̱ ngu'. Lo'o jua'a̱ ta na' sca quee sube ti nu ngati̱ ña'a̱, nu nscua xtañi scaa ngu' chu̱', cha' ca cuayá' ti' ngu' bi', cha' tso'o ti nti' na' ña'a̱ na' ji'i̱ ngu'; chaca xtañi nu tso'o la laca nu nscua chu̱' quee bi'. Ná caja chacuayá' ji'i̱ xa' ñati̱ tyuloo xtañi bi'; cua laca ti ñati̱ nu caja xtañi bi' ji'i̱, bi' laca nu caja chacuayá' cha' tyuloo ji'i̱, nacui̱ Ni.”

APOCALIPSIS 2:11

Cua'a̱ jyaca̱ ma̱ ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱ xi: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; ná sca caca ji'i̱ ngu' bi' tsiya' ti tsa̱ bi', nu lo'o culo ycui' Ndyosi cña ji'i̱ ñati̱ cuxi nu ntsu'u ca bilyaa cha' tyaa ngu' nde chalyuu talya, nacui̱ Jesús.”

APOCALIPSIS 2:29

Cua'a̱ jyaca̱ ma̱ xi ji'i̱ ña'a̱ cha' nu nda na' lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱, nacui̱ Jesús.”

SAN MATEO 11:15

Cua'a̱ jyaca̱ tso'o ma̱ ji'i̱ cha' nu nda na' re lo'o ma̱.

SAN MARCOS 4:23

Cua'a̱ jyaca̱ ma̱ xi ji'i̱ cha' nu nchcui' na' lo'o ma̱ juani, si chañi cha' ntaja'a̱ ma̱ cuna̱ ma̱ cha' tso'o bi'.

SAN LUCAS 8:8

Chaca ycu' si'yu bi' ndyú su tso'o tsa yuu; tso'o tsa nguluu calya bi', quiña'a̱ tsa si'yu ngutu'u lo ju̱u̱ bi' li'. Su ndyataa sca ti milya si'yu, ca bi' tso'o tsa ngutu'u hasta sca siyento tya'a milya si'yu li'. Lo'o ndye nda Jesús cha' bi' lo'o ngu', li' cui̱i̱ tsa nchcui' yu ndi'ya̱: ―Cua'a̱ jyaca̱ ma̱ si nti' ma̱ cuna ma̱ cha' tso'o nu nchcui' na' lo'o ma̱.