APOCALIPSIS 13:4 - Chatino Tataltepec

⁴ Ngua'ni tlyu lcaa ñati̱ ji'i̱ nu cuaña bi' li', cha' cua nda bi' chacuayá' cha' caca tlyu nu na'ni chiya'a̱ ña'a̱ bi'; jua'a̱ ngua'ni tlyu ngu' ji'i̱ ycui' na'ni chiya'a̱ ña'a̱. Nchcui' ngu' lo'o tya'a ngu' li': ―Ná tucui ndi'i̱ chalyuu nu stu'ba lo'o nu na'ni jua. Nga'aa nchca ji'i̱ ñati̱ xu̱u̱ tya'a lo'o ni'.

APOCALIPSIS 13:4 Referans Kwoze

APOCALIPSIS 13:2

Ñi'ya̱ cuichi jo'ó, jua'a̱ ña'a̱ ni', ngua ti' na'; pana tyaala ña'a̱ quiya' ni', tyucui̱ tsa xcatya̱' ni' ñi'ya̱ ña'a̱ xcatya̱' oso. Lo'o tu'ba ni' ni, ñi'ya̱ ña'a̱ tu'ba cuichi sa'a cuiña', jua'a̱ ña'a̱ tu'ba ni'. Nda nu cuaña bi' cña loo ji'i̱ nu na'ni chiya'a̱ ña'a̱ bi', cha' caca ni' loo ji'i̱ ñati̱ chalyuu, ñi'ya̱ laca ycui' loo. Lo'o jua'a̱ nu cuaña bi' ni, nda ni' chacuayá' ji'i̱ na'ni chiya'a̱ ña'a̱ bi', cha' caca cua'ni ni' cña, cha' tyanu tlyu ni' macala su nti' ycui' ni'.

APOCALIPSIS 18:18

xi'ya tsa ngu' lo'o ña'a̱ ngu' tyatu̱ sñii cha' ndyaqui̱ quichi̱ tlyu bi': ―Bilya ña'a̱ na chaca quichi̱ nu culiya' la, ñi'ya̱ ngua culiya' tsa quichi̱ re ―ñacui̱ ngu' ji'i̱ tya'a ngu'.

APOCALIPSIS 13:15

Lo'o li' ngujui chacuayá' ji'i̱ nu chaca na'ni bi', cha' culatu'u cui'i̱ cha' tya̱a̱ xtyi'i lo lcui̱ ji'i̱ na'ni nu ya̱a̱ clyo bi'; ngua ji'i̱ lcui̱ chcui' lo'o ñati̱ li', ngua ji'i̱ cujuii ji'i̱ lcaa ñati̱ nu ná ntaja'a̱ cua'ni tlyu ji'i̱.

APOCALIPSIS 12:3

Yala ti ndyu'u tucua chaca cuayá' nde cua̱ li'; sca cuaña tlyu nu nga'a ña'a̱ laca bi', nu cati tya'a scua' que ni' ntucua. Jua'a̱ sca sne' oro ntucua ca ta'a scua' que ni' bi', lo'o jua'a̱ ntucua tii tya'a sata ni'.

2 TESALONICENSES 2:4

Bi' laca nu nti' cua'a ji'i̱ lcaa lo jo'ó cha' ná cua'ni tlyu ngu' ji'i̱; ni ná cua'ni tlyu ngu' ji'i̱ ycui' Ndyosi, nti' yu, cha' nti' nu yu xña'a̱ bi' cha' cua'ni tlyu ngu' ji'i̱ ycui' ca yu. Tyatí̱ yu ne' laa tonu, tsaa tucua yu ca bi'; li' chcui' yu lo'o lcaa ñati̱ cha' cua'ni tlyu ngu' ji'i̱ ycui' ca yu, cha' ycui' Ndyosi laca ycui' yu, ñacui̱ yu.

APOCALIPSIS 17:14

Xcui' xu̱u̱ tya'a ngu' lo'o ycui' Ni, nu ñi'ya̱ ña'a̱ xlya' bi'; pana tyiji̱loo nu ñi'ya̱ ña'a̱ xlya' bi' ji'i̱ na'ni bi', lo'o jua'a̱ tyiji̱loo ñati̱ nu ndya'a̱ lo'o Ni ji'i̱ ni', xqui'ya cha' laca ycui' Ni Xu'na lcaa ñati̱ chalyuu, laca ycui' Ni loo la ji'i̱ lcaa ngu' nu laca loo nde chalyuu. Lo'o jua'a̱ nu ñati̱ ji'i̱ ycui' Ni ni, cua ngusubi Ni ji'i̱ ngu' bi'; na cua nguane Ni ji'i̱ ngu' bi', lo'o jua'a̱ tso'o tsa ngusñi ngu' cha' ji'i̱ ycui' Ni ―nacui̱ xca̱ 'na.

APOCALIPSIS 9:20

Pana ña'a̱ ti tya ngua'ni ngu' cha' cuxi, nu ñati̱ nu ná ngujuii lo'o quicha bi'; ná nguxtyanu ngu' cha' cuxi nu ndu'ni ngu'. Ña'a̱ ti tya ndyu'ni tlyu ngu' ji'i̱ cui'i̱ cuxi, jua'a̱ ji'i̱ lcui̱ jo'ó nu ndya' lo'o oro, masi jo'ó ndya' lo'o plata, masi jo'ó ndya' lo'o chcua̱ ngatsi, masi jo'ó ndya' lo'o quee, masi jo'ó ndya' lo'o yaca ti; ña'a̱ ti ndyu'ni tlyu ngu' ji'i̱ jo'ó nu ná nchca ji'i̱ ña'a̱ ji'na, ni ná nduna cha' nu nchcui' na, ni ná nchca ji'i̱ jo'ó bi' tya'a̱.

2 CORINTIOS 4:4

Ná ntaja'a̱ ngu' bi' xñi ngu' cha' bi' xqui'ya nu xña'a̱ nu ñilo'o ji'i̱ ñati̱ chalyuu. Ndacu̱' nu cuxi bi' cha' ji'i̱ ngu' cha' ná cuna ngu' cha' tso'o nu cuentya ji'i̱ Cristo, bi' cha' ná nchca tyanu xee lubii ji'i̱ Cristo ne' cresiya ji'i̱ ngu' bi'. Tlyu tsa cha' laca ji'i̱ Cristo; lcaa cha' nu ntsu'u ji'i̱ Ni, stu'ba ntsu'u cha' ji'i̱ Ni lo'o ycui' Ndyosi Sti Ni ca su ntucua Ni juani.

APOCALIPSIS 12:4

Ngujui'i̱ xtyi'i̱ ni' cuii nu ntsu'u nde cua̱; ngusalú ni' ña'a̱ tsaca cla'be lcaa cuii bi', ndyalú cuii nde lo yuu chalyuu. Li' ndatu̱ nu cuaña bi' nde loo su ndu̱ nu cuna'a̱ nu cua cala ti sñi'; lo'o cala bi', hora ti cacu cuaña ji'i̱, ngua ti' ni'.

APOCALIPSIS 13:11

Li' na'a̱ na' chaca na'ni chiya'a̱ ña'a̱ lijya̱ ndyu'u tucua nde lo yuu chalyuu. Ntucua tucua tya'a sata ni'; ñi'ya̱ ña'a̱ sata xlya' cuañi', jua'a̱ ña'a̱ sata ni', pana nchcui' ni' ñi'ya̱ nu nchcui' nu cuaña tonu bi'.