APOCALIPSIS 12:4 - Chatino Tataltepec

⁴ Ngujui'i̱ xtyi'i̱ ni' cuii nu ntsu'u nde cua̱; ngusalú ni' ña'a̱ tsaca cla'be lcaa cuii bi', ndyalú cuii nde lo yuu chalyuu. Li' ndatu̱ nu cuaña bi' nde loo su ndu̱ nu cuna'a̱ nu cua cala ti sñi'; lo'o cala bi', hora ti cacu cuaña ji'i̱, ngua ti' ni'.

APOCALIPSIS 12:4 Referans Kwoze

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.

SAN JUAN 8:44

Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.

APOCALIPSIS 9:19

Nde tyuu tu'ba ni', lo'o jua'a̱ nde lo xtyi'i̱ ni', ndacua ndyiji juersa ji'i̱ ni' cha' cua'ni ni' cha' cuxi; taca ji'i̱ ni' ta cha' ti'í ji'i̱ ñati̱ lo'o xtyi'i̱ ti ni' cha' ntucua ltsu' lo xtyi'i̱ ni', ñi'ya̱ nu ntsu'u ji'i̱ cuaña.

APOCALIPSIS 9:10

Lo'o jua'a̱ ntucua xtyi'i̱ ni' ñi'ya̱ ntucua xtyi'i̱ chuni'i̱; la cui' jua'a̱ ntucua ltsu' xtyi'i̱ ni', cha' lo'o xtyi'i̱ ni' xcube' ni' ji'i̱ ñati̱ chalyuu ña'a̱ cuayá' tye ca'yu co'.

APOCALIPSIS 8:7

Li' ngula'á xca̱ nu nchca clyo lo'o cui'chcua̱ ji'i̱ yu; hora ti ndyalú tyo quee lo'o quii' nde lo yuu li'. Lo'o ndyalú bi' hichu̱' ñati̱, li' ndyalú tañi ngu'. Sa cla'be chalyuu ndye ndyaqui̱ li', jua'a̱ ndyaqui̱ sa cla'be yaca ndu̱, ndye ndyaqui̱ sa cla'be su quii ji'i̱ ngu'.

1 PEDRO 5:8

¡Tii ti ti' ma̱ tyi'i̱ ma̱ chalyuu! Ná caja' ma̱, cha' tya'a cusu̱u̱ ma̱ laca ycui' nu xña'a̱, lo'o jua'a̱ cacua tsa ndu̱ bi' slo ma̱. Ñi'ya̱ nti' sca cuichi nu tyaala tsa nu nclyana ji'i̱ sca ñati̱ cha' cacu ni', jua'a̱ nti' ndya'a̱ yu'u nu xña'a̱ bi' chalyuu.

APOCALIPSIS 17:18

Nu cuna'a̱ nu na'a̱ nu'u̱ ni, ñi'ya̱ nti' nu quichi̱ tlyu nu laca loo bi', jua'a̱ laca nu cuna'a̱ bi'; nclyo bi' cña ji'i̱ lcaa ngu' nu laca loo chalyuu.

APOCALIPSIS 8:8

Li' ngula'á xca̱ nu nchca tyucuaa lo'o cui'chcua̱ ji'i̱; hora ti ndyacua̱ sca ca'ya cua̱, ña'a̱ tsaca chu̱' ca'ya ndyaqui̱ ngua'ya nde lo tyujo'o. Li' sa cla'be ti hitya tyujo'o ngua tañi,

APOCALIPSIS 8:9

sa cla'be ti na lu'ú nu ntsu'u lo hitya tyujo'o ngujuii, sa cla'be lcaa yaca ni'i̱ nu ntsu'u chalyuu ndye nguti̱ li'.

APOCALIPSIS 8:10

Li' ngula'á xca̱ nu nchca tyuna lo'o cui'chcua̱ ji'i̱; hora ti ndyalú sca cuii tlyu nu ntsu'u nde cua̱, nu ndyaqui̱ ñi'ya̱ ndyaqui̱ quityee. Ndyú cuii bi' ngua'ya nde lo hitya sta'a̱, nde su ntyucua hitya tyucui ña'a̱ chalyuu. Li' ngunu'u̱ sa cla'be hitya tso'o nu ntsu'u chalyuu.

APOCALIPSIS 8:11

Cuii Quixi̱' Clyaa' naa cuii tlyu bi', cha' nda clyaa' nu ngua'ya sa cla'be ti hitya nu ndyi'yu ngu'. Quiña'a̱ ñati̱ ngujuii xqui'ya cha' cua ndyi'o ngu' hitya bi', cha' clyaa' tsa hitya bi'.

APOCALIPSIS 8:12

Li' ngula'á xca̱ nu nchca jacua lo'o cui'chcua̱ ji'i̱. Li' ngunu'u̱ lcaa xee tlyu nu ntsu'u nde cua̱, cha' sa cla'be ti xee ndyubi' li'; lo'o xee cuichaa, lo'o xee co', lo'o xee cuii, sa cla'be ti xee ndyubi'. Sa cla'be ti nde cua̱, sa cla'be ti nde talya, nga'aa nda bi' xee.

APOCALIPSIS 12:7

Li' nguxana cha' cusu̱u̱ ca su ntucua ycui' Ndyosi. Ndu̱ Miguel nu laca xu'na xca̱ ji'i̱ ycui' Ndyosi, ndu̱ lo'o xca̱ nu cuentya ji'i̱ Ni; jua'a̱ cua ndu̱ nu cuaña tonu lo'o xca̱ ji'i̱. Ti'í tsa ngusu̱u̱ tya'a ngu' li'.

APOCALIPSIS 13:2

Ñi'ya̱ cuichi jo'ó, jua'a̱ ña'a̱ ni', ngua ti' na'; pana tyaala ña'a̱ quiya' ni', tyucui̱ tsa xcatya̱' ni' ñi'ya̱ ña'a̱ xcatya̱' oso. Lo'o tu'ba ni' ni, ñi'ya̱ ña'a̱ tu'ba cuichi sa'a cuiña', jua'a̱ ña'a̱ tu'ba ni'. Nda nu cuaña bi' cña loo ji'i̱ nu na'ni chiya'a̱ ña'a̱ bi', cha' caca ni' loo ji'i̱ ñati̱ chalyuu, ñi'ya̱ laca ycui' loo. Lo'o jua'a̱ nu cuaña bi' ni, nda ni' chacuayá' ji'i̱ na'ni chiya'a̱ ña'a̱ bi', cha' caca cua'ni ni' cña, cha' tyanu tlyu ni' macala su nti' ycui' ni'.

APOCALIPSIS 13:4

Ngua'ni tlyu lcaa ñati̱ ji'i̱ nu cuaña bi' li', cha' cua nda bi' chacuayá' cha' caca tlyu nu na'ni chiya'a̱ ña'a̱ bi'; jua'a̱ ngua'ni tlyu ngu' ji'i̱ ycui' na'ni chiya'a̱ ña'a̱. Nchcui' ngu' lo'o tya'a ngu' li': ―Ná tucui ndi'i̱ chalyuu nu stu'ba lo'o nu na'ni jua. Nga'aa nchca ji'i̱ ñati̱ xu̱u̱ tya'a lo'o ni'.

APOCALIPSIS 16:13

Li' na'a̱ na' cha' ngutu'u tucua sna tya'a cuiñaja; ñi'ya̱ ña'a̱ cuityi', jua'a̱ ña'a̱ cuiñaja bi'. Ngutu'u bi' nde tyuu tu'ba cuaña tonu bi', cuati nde tyuu tu'ba na'ni chiya'a̱ ña'a̱ bi', cuati nde tyuu tu'ba nu ñati̱ nu cuiñi ti nchcui' cha' ji'i̱ ycui' Ndyosi; ca bi' ngutu'u cuiñaja bi' lijya̱.

APOCALIPSIS 20:2

Li' ndaya' xca̱ bi' ji'i̱ nu cuaña tlyu, la cui' cuaña laca nu ndi'i̱ chalyuu tya sa'ni, la cui' nu xña'a̱ nu naa Satanás laca bi'. Tachaa ngusca̱' xca̱ bi' ji'i̱ nu xña'a̱ bi' lo'o carena ña'a̱ cuayá' talo sca mil yija̱ ndyaaca̱'.