APOCALIPSIS 12:3 - Chatino Tataltepec

³ Yala ti ndyu'u tucua chaca cuayá' nde cua̱ li'; sca cuaña tlyu nu nga'a ña'a̱ laca bi', nu cati tya'a scua' que ni' ntucua. Jua'a̱ sca sne' oro ntucua ca ta'a scua' que ni' bi', lo'o jua'a̱ ntucua tii tya'a sata ni'.

APOCALIPSIS 12:3 Referans Kwoze

APOCALIPSIS 17:12

’Lo'o na'a̱ nu'u̱ na'ni bi', cha' tii tya'a sata ni' ntucua hique ni', bi' laca tya tii tya'a rey nu tya lyiji caca loo chalyuu. Cua ntsu'u chacuayá' ji'i̱ ngu' bi', cha' caca ngu' loo masi chaca hora tya; stu'ba ti caca tlyu ngu' bi' lo'o nu na'ni chiya'a̱ ña'a̱ bi' li'.

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.

APOCALIPSIS 17:16

Lo'o lcaa rey nu laca nu tii tya'a sata na'ni chiya'a̱ ña'a̱ nu na'a̱ ca ti nu'u̱, lo'o jua'a̱ ycui' na'ni bi', lo'o ngu' bi' ca ti'í ti' ngu' ña'a̱ ngu' ji'i̱ quichi̱ tlyu bi'; xlyaá ngu' lcaa cha' tso'o nu ntsu'u ji'i̱ ngu' quichi̱ bi', tyanu ngu' quichi̱ jua'a̱ ti li'. Taqui̱ rey quichi̱ bi' li', cua'ni tye ngu' ji'i̱ ngu' quichi̱ bi'.

APOCALIPSIS 17:7

Lo'o li' ndacha' nu xca̱ ji'i̱ ycui' Ndyosi bi' 'na: ―¿Ni cha' laca ndube tsa ti' nu'u̱? ―nacui̱―. Culu'u na' jinu'u̱ cua ña'a̱ ca cha' tucui nu ntsu'u ji'i̱ nu cuna'a̱ nu ntucua chu̱' na'ni chiya'a̱ ña'a̱ jua, nu na'ni nu ntucua cati tya'a hique ni' lo'o tii tya'a sata ni'; culu'u na' jinu'u̱ sca cha' nu ná nchca cuayá' ti' ñati̱ ji'i̱ ―nacui̱―.

APOCALIPSIS 20:2

Li' ndaya' xca̱ bi' ji'i̱ nu cuaña tlyu, la cui' cuaña laca nu ndi'i̱ chalyuu tya sa'ni, la cui' nu xña'a̱ nu naa Satanás laca bi'. Tachaa ngusca̱' xca̱ bi' ji'i̱ nu xña'a̱ bi' lo'o carena ña'a̱ cuayá' talo sca mil yija̱ ndyaaca̱'.

APOCALIPSIS 12:4

Ngujui'i̱ xtyi'i̱ ni' cuii nu ntsu'u nde cua̱; ngusalú ni' ña'a̱ tsaca cla'be lcaa cuii bi', ndyalú cuii nde lo yuu chalyuu. Li' ndatu̱ nu cuaña bi' nde loo su ndu̱ nu cuna'a̱ nu cua cala ti sñi'; lo'o cala bi', hora ti cacu cuaña ji'i̱, ngua ti' ni'.

APOCALIPSIS 12:1

Li' nde cua̱ ndyu'u tucua sca cuayá' nu nda ycui' Ndyosi cha' culu'u Ni ji'na, sca cha' nu ndyaca chalyuu laca bi'; bi' laca sca nu cuna'a̱ nu ntsu'u ste' ndubi ña'a̱. Ñi'ya̱ ndubi ña'a̱ xee cuichaa, jua'a̱ ña'a̱ late' lacu' nu cuna'a̱ bi'. Li' ngusta quiya' nu cuna'a̱ chu̱' co'. Tii tyucuaa tya'a cuii nscua lo xlya hique nu cuna'a̱ bi'; ñi'ya̱ nscua sca sne' ti, jua'a̱ nscua bi'.

APOCALIPSIS 16:13

Li' na'a̱ na' cha' ngutu'u tucua sna tya'a cuiñaja; ñi'ya̱ ña'a̱ cuityi', jua'a̱ ña'a̱ cuiñaja bi'. Ngutu'u bi' nde tyuu tu'ba cuaña tonu bi', cuati nde tyuu tu'ba na'ni chiya'a̱ ña'a̱ bi', cuati nde tyuu tu'ba nu ñati̱ nu cuiñi ti nchcui' cha' ji'i̱ ycui' Ndyosi; ca bi' ngutu'u cuiñaja bi' lijya̱.

APOCALIPSIS 19:12

Nu xee cloo Ni ni, tso'o tsa ngulane xee ñi'ya̱ laca lo'o cua̱ tsa ndyatu̱ quii'. Lo'o jua'a̱ tyu̱u̱ tya'a sne' oro ntucua lo xlya hique Ni. Cua nscua sca xtañi Ni hichu̱' Ni nu ndacha' ñi'ya̱ laca cña nu ndu'ni Ni. Ná taca ji'i̱ xa' ñati̱ ñacui̱ ngu' ñi'ya̱ ndyu'u cha' ji'i̱ xtañi bi', cha' sca ti ycui' Ni nslo Ni ñi'ya̱ ndyu'u xtañi bi'.

APOCALIPSIS 12:17

Ngunasi̱' tsa nu cuaña bi' ji'i̱ nu cuna'a̱ bi' li', ndyaa ndyaana ni' cha' cusu̱u̱ lo'o lcaa ñati̱ nu tyu'u ji'i̱ nu cuna'a̱ ca tiya' la; nxu̱u̱ tya'a ni' lo'o lcaa ñati̱ nu taquiya' ji'i̱ cña nu ngulo ycui' Ndyosi ji'na, nu ña'a̱ ti ná ntsi̱i̱ ngu' cha' cacha' liñi ngu' cha' ji'i̱ Jesús ji'i̱ xa' ñati̱.

APOCALIPSIS 12:7

Li' nguxana cha' cusu̱u̱ ca su ntucua ycui' Ndyosi. Ndu̱ Miguel nu laca xu'na xca̱ ji'i̱ ycui' Ndyosi, ndu̱ lo'o xca̱ nu cuentya ji'i̱ Ni; jua'a̱ cua ndu̱ nu cuaña tonu lo'o xca̱ ji'i̱. Ti'í tsa ngusu̱u̱ tya'a ngu' li'.

APOCALIPSIS 12:13

Nu lo'o ngua cuayá' ti' nu cuaña tonu bi' cha' cua ngulo'o ycui' Ndyosi ji'i̱ lijya̱ nde lo yuu chalyuu, li' ngutu'u lca'a̱ ni' ji'i̱ nu cuna'a̱ nu ntsu'u sñi' qui'yu bi', cha' lye tsa cua'ni lya' ti' ji'i̱ ma' ngua ti' ni'.

APOCALIPSIS 13:1

Ndyaa na' ndyatu̱ na' to' tyujo'o li'. Na'a̱ na' nde to' hitya tyujo'o lijya̱ ndu'u tucua sca na'ni nu chiya'a̱ tsa ña'a̱; ntucua tii tya'a sata ni', cuati ntsu'u cati tya'a hique ni'. Ca ta'a sata ni' bi' cua ntucua sne' nu ndubi tsa ña'a̱, cha' laca ni' loo nde chalyuu. Ca ta'a scua' que ni' cua nscua xtañi cuiñaja, xtañi bi' nchcui' cha' ti'í ji'i̱ ycui' Ndyosi.

APOCALIPSIS 13:2

Ñi'ya̱ cuichi jo'ó, jua'a̱ ña'a̱ ni', ngua ti' na'; pana tyaala ña'a̱ quiya' ni', tyucui̱ tsa xcatya̱' ni' ñi'ya̱ ña'a̱ xcatya̱' oso. Lo'o tu'ba ni' ni, ñi'ya̱ ña'a̱ tu'ba cuichi sa'a cuiña', jua'a̱ ña'a̱ tu'ba ni'. Nda nu cuaña bi' cña loo ji'i̱ nu na'ni chiya'a̱ ña'a̱ bi', cha' caca ni' loo ji'i̱ ñati̱ chalyuu, ñi'ya̱ laca ycui' loo. Lo'o jua'a̱ nu cuaña bi' ni, nda ni' chacuayá' ji'i̱ na'ni chiya'a̱ ña'a̱ bi', cha' caca cua'ni ni' cña, cha' tyanu tlyu ni' macala su nti' ycui' ni'.

APOCALIPSIS 13:4

Ngua'ni tlyu lcaa ñati̱ ji'i̱ nu cuaña bi' li', cha' cua nda bi' chacuayá' cha' caca tlyu nu na'ni chiya'a̱ ña'a̱ bi'; jua'a̱ ngua'ni tlyu ngu' ji'i̱ ycui' na'ni chiya'a̱ ña'a̱. Nchcui' ngu' lo'o tya'a ngu' li': ―Ná tucui ndi'i̱ chalyuu nu stu'ba lo'o nu na'ni jua. Nga'aa nchca ji'i̱ ñati̱ xu̱u̱ tya'a lo'o ni'.

APOCALIPSIS 15:1

Ngutu'u tucua chaca cuayá' tlyu nde cua̱ li'. Ndube tsa ti' na' lo'o na'a̱ na' ji'i̱, cha' ndu̱ cati tya'a xca̱ ji'i̱ ycui' Ndyosi nu ndu̱ lo'o cati tya'a quicha nu caca su cua tye ti chalyuu. Lo'o cua ndye ngua quicha bi' chalyuu, li' cati̱ cha' ñasi̱' ycui' Ni.