APOCALIPSIS 10:5 - Chatino Tataltepec

⁵ Li' ngusicua̱ xca̱ bi' ya' tsu' cui̱ nde cua̱, la cui' xca̱ nu cua na'a̱ na' ndu̱ lo tyujo'o, nu ndu̱ lo yuu btyi.

APOCALIPSIS 10:5 Referans Kwoze

APOCALIPSIS 16:17

Lo'o li' ndyaa xca̱ nu nchca cati, ndyaa ngusalú na nu ntsu'u ne' ca'ña ji'i̱ lo cui'i̱ ti. Li' cui̱i̱ nchcui' nu ntucua lo yaca xlya tlyu nde ne' laa tlyu ji'i̱ ycui' Ndyosi nde cua̱: ―Cua ngua bi' juani ―nacui̱ Ni.

APOCALIPSIS 14:7

Cui̱i̱ nchcui' xca̱ bi' lo'o ngu' li': ―Cutsi̱i̱ cu'ma̱ ji'i̱ ycui' Ndyosi, cube ti' ma̱ ji'i̱ Ni cha' tlyu tsa cña ndu'ni Ni chalyuu ―nacui̱ xca̱ bi'―. Cua ndyalaa tyempo cha' cua'ni cuayá' Ni ji'i̱ lcaa ñati̱ chalyuu. Cua'ni tlyu ma̱ ji'i̱ ycui' Ndyosi cha' cua ngüiñá Ni nde cua̱, jua'a̱ ngüiñá Ni chalyuu, jua'a̱ ngüiñá Ni tyujo'o, jua'a̱ ngüiñá Ni lcaa su ntyucua hitya ―nacui̱ xca̱.

APOCALIPSIS 10:2

Ya' yu ntucua sca quityi piti ti nu cua nchcana. Li' quiya' yu tsu' cui̱ ngusta yu nde lo tyujo'o, quiya' yu tsu' coca ngusta yu nde lo yuu btyi.

APOCALIPSIS 4:11

Ndyosi Xu'na ya, nga'a̱ cha' cua'ni tlyu ya jinu'u̱, cha' cua'ni chi̱ ya loo nu'u̱, nacui̱ ngu'. Nchca jinu'u̱ cua'ni nu'u̱ lcaa lo cña tsiya' ti nu nti' nu'u̱ cua'ni nde chalyuu. Na cua ngüiñá nu'u̱ lcaa lo na nu ntsu'u nde chalyuu; chacuayá' jinu'u̱ lu'ú lcaa na, cha' nda nu'u̱ chacuayá' cha' ndya'a̱ lcaa na lu'ú. Jua'a̱ nacui̱ ngu' lo'o ndyula tu'ba ngu' li'.

LOS HECHOS 14:15

―Ngu' cusu' cu'ma̱ ―nacui̱ Pablo lo'o Bernabé ji'i̱ ngu' quichi̱―. ¿Ni cha' laca ndyu'ni ma̱ jua'a̱? ―nacui̱ ngu'―. Laca ya ñati̱ chalyuu ti, ñi'ya̱ nu laca cu'ma̱; si'i ndyosi laca ya. Cua ndyalaa ya ca nde cha' ta ya cha' lo'o ma̱, cha' ji'i̱ ycui' Ndyosi nu lu'ú ca. Ná tso'o cua'ni tlyu ma̱ ji'i̱ xa' la jo'ó, sca ti ji'i̱ ycui' Ndyosi nu lu'ú nga'a̱ cha' tyu'u tyiquee ma̱ ji'i̱; bi' laca nu ngüiñá lcaa na nu ntsu'u lo yuu, lo'o lcaa na nu ntsu'u nde cua̱, lo'o lcaa tyujo'o, lo'o lcaa na nu ntsu'u ca bi'.

APOCALIPSIS 4:9

Lu'ba ti ndyula tu'ba nu ca ta'a jacua na'ni tacati bi' li'. Ndu'ni tlyu ni' ji'i̱ Ni, ndu'ni chi̱ ni' loo ycui' Ni; ndya tsa ni' xlya'be ji'i̱ ycui' Ni nu ntucua lo yaca xlya tlyu bi', cha' lcaa yija̱ lu'ú ycui' Ndyosi.

APOCALIPSIS 1:18

Ycui' Ni nu lu'ú ca laca na' ―nacui̱ Ni―. Cua ngujuii na' nu ngua li', pana xa' ndyu'ú na' chaca quiya', lo'o juani nga'aa tye cha' lu'ú na'. Na' nclyu̱ cña lo'o ndyijii ñati̱, jua'a̱ la cui' na' nclyu̱ cña macala su tyaa cresiya ji'i̱ ngu'.

HEBREOS 6:13

Nu ngua sa'ni la lo'o ngüiñi cha' ji'i̱ ycui' Ndyosi lo'o jyo'o Abraham, li' ngulotu̱ Ni xtañi ycui' Ni lo'o nacui̱ Ni ndi'ya̱ ji'i̱ nu cusu' bi': “Chacuayá' ji'i̱ ycui' ca ti na' cua'ni na' cña bi' cuentya jinu'u̱”, nacui̱ Ni. Nga'aa ntsu'u la xa' ñati̱ nu tlyu la cha' ji'i̱ que ycui' Ndyosi, bi' cha' ngulotu̱ Ni xtañi ycui' Ni, cha' quiñi cha' ji'i̱ Ni lo'o Abraham bi'.

ROMANOS 1:20

Ycui' Ndyosi ni, ná nchca ji'na ña'a̱ na ji'i̱ Ni ca su ntucua Ni nde cua̱, ni ná taca ca cuayá' ti' na ñi'ya̱ laca cha' ná tye chca cha' tlyu nu ndu'ni Ni. Pana tya lo'o nguxana chalyuu tya clyo, tya li' taca tyuloo na ji'i̱ ycui' Ni; tya li' ngujui ñi'ya̱ caca cuayá' ti' na tilaca laca ycui' Ni, si clyana na ji'i̱ Ni. Taca tyuloo ñati̱ ji'i̱ Ni lo'o ña'a̱ ngu' ji'i̱ lcaa lo na nu ngüiñá Ni. Bi' cha' ná ntsu'u cha' clyu ti' ji'i̱ ycui' Ndyosi lo'o ñati̱ cuxi bi'.

LOS HECHOS 17:23

Ndyaa na'a̱ na' xi calle quichi̱ re, lo'o li' na'a̱ na' lcaa jo'ó nu cuentya ji'i̱ cu'ma̱. Li' na'a̱ na' sca mesa nu ndu̱ laja ti su nscua sca cha'cña nde sii' mesa bi' nu ndi'ya̱ nchcui': “Nde laca mesa ji'i̱ jo'ó nu bilya tyuloo ya ji'i̱”. Cha' ji'i̱ ycui' Ndyosi nu bilya slo ma̱ tilaca laca Ni, cha' ji'i̱ nu ycui' Ndyosi bi' ta na' lo'o ma̱ juani ―nacui̱ yu―.