APOCALIPSIS 10:11 - Chatino Tataltepec

¹¹ Li' nchcui' Ni lo'o na': ―Tya chaca quiya' ntsu'u cha' chcui' nu'u̱ cha' lo'o ñati̱, lcaa cha' nu cua nti' ycui' Ndyosi ta Ni lo'o lcaa lo ñati̱ chalyuu, masi lo'o ngu' nu laca loo, masi lo'o ñati̱ tyucui ña'a̱ chalyuu mala su ndi'i̱ ñati̱; masi lo'o ñati̱ nu nchcui' cua ña'a̱ ca lo cha'cña nu nchcui' ñati̱ chalyuu chcui' nu'u̱.

APOCALIPSIS 10:11 Referans Kwoze

APOCALIPSIS 17:15

Tya nchcui' la nu xca̱ ji'i̱ ycui' Ndyosi bi' lo'o na' li': ―Ñi'ya̱ laca sta'a̱ nu nscua cacua ti to' quichi̱ tlyu bi', jua'a̱ laca ñati̱ chalyuu, cha' tsa tlyu ti lijya̱ lcaa lo ñati̱ chalyuu ca quichi̱ bi'; ngutu'u ngu' tyucui ña'a̱ chalyuu mala su ndi'i̱ ñati̱, nchcui' ngu' lcaa lo cha'cña nu nchcui' ñati̱ chalyuu.

APOCALIPSIS 14:6

Na'a̱ na' ndyaa chaca xca̱ ji'i̱ ycui' Ndyosi li', nu cua̱ tsa ndacui ndyaa; ndyalo'o bi' ji'i̱ sca cha' tso'o nu ngua ti' ycui' Ndyosi chcui' lo'o lcaa ñati̱ chalyuu, sca cha' nu ndulo tsa ji'i̱ ñati̱ cha' cuna ngu'. Lcaa tyempo ná tye chca cha' bi'. Slo lcaa lo ñati̱ chalyuu tyucui ña'a̱ chalyuu mala su ndi'i̱ ñati̱, cua ña'a̱ ca quichi̱ tyi ngu', ñati̱ nu nchcui' cua ña'a̱ ca lo cha'cña nu nchcui' ñati̱ chalyuu, ca bi' ndyaa xca̱ bi', cha' chcui' lo'o lcaa ñati̱.

APOCALIPSIS 11:9

Lo'o li' tya̱a̱ ñati̱ tyucui ña'a̱ chalyuu mala su ndi'i̱ ñati̱, lcaa lo ñati̱ chalyuu, masi ñati̱ nu ngutu'u cua ña'a̱ ca quichi̱ tyi ngu', masi ñati̱ nu nchcui' cua ña'a̱ ca lo cha'cña nu nchcui' ñati̱ chalyuu; tyu'u scua sna tsa̱ cla'be nu tya̱a̱ ngu' tya̱a̱ na'a̱ ngu' ji'i̱ jyo'o bi' ca su nscua ngu'. Ná ta ngu' chacuayá' cha' tyatsi' jyo'o bi'.

APOCALIPSIS 5:9

Li' ndyula tu'ba ngu' bi' sca ji̱i̱ cha' cua'ni chi̱ ngu' loo nu ñi'ya̱ ña'a̱ xlya' bi'. Bilya cuna na' ji̱i̱ nu ndyula tu'ba ngu' bi': Cua nda ycui' Ni chacuayá' jinu'u̱ cha' xñi nu'u̱ quityi nchcu̱' bi', nacui̱ ngu', cha' suu nu'u̱ nguiña' nu nga'a̱ tu'ba quityi bi'. Na cua ndyujuii ñati̱ jinu'u̱ tsaca quiya'; pana lo'o ngujuii nu'u̱ ni, li' ngua'ni nu'u̱ cña cuentya ji'i̱ ya cha' caca ya ñati̱ ji'i̱ ycui' Ndyosi. Ñati̱ nu cua ndyu'u cua ña'a̱ ca quichi̱ tyi ngu', ñati̱ nu nchcui' cua ña'a̱ ca lo cha'cña nu nchcui' ñati̱ chalyuu, ñati̱ nu ndyu'u tyucui ña'a̱ chalyuu mala su ndi'i̱ ñati̱, bi' ñati̱ nu ngusubi nu'u̱ ji'i̱.

APOCALIPSIS 10:10

Li' ngusñi na' quityi piti ti nu ntucua ya' yu, nchcui' na' lo quityi bi'. Lo'o na'a̱ na' ji'i̱, li' tso'o tsa ngua ti' na', ñi'ya̱ laca lo'o ndyacu na cuiñaa' cuityu̱ cha' tyixi tsa; pana nu lo'o cua ngua cuayá' ti' na' ni cha' nda, xñi'i̱ tsa ngua ti' na'.

APOCALIPSIS 11:1

Li' nda ycui' Ndyosi sca yaca cualyaa 'na; lyaa tsa yaca bi', cha' tyu'u cuayá' lo'o. Nchcui' Ni lo'o na' li': ―Su'ba cuayá' clya nu'u̱ nde ni'i̱ tlyu ji'i̱ ycui' Ndyosi, cha' caca ni'i̱ bi' cuentya jna' cha' ña'a̱si̱i̱ na' ji'i̱; jua'a̱ su'ba cuayá' nu'u̱ loo mesa su ntucua msta̱ nu nsta ngu cuentya jna'. Clyacua nu'u̱ ni lcua tya'a ñati̱ nu ndi'i̱ ca bi' nu ndyu'ni tlyu jna' nu laca̱ ycui' Ndyosi li'.

APOCALIPSIS 17:10

Cua ndye cha' ji'i̱ ca'yu tya'a rey nu laca loo bi', jua'a̱ ña'a̱ ti tya ntucua chaca rey tya'a nu laca loo bi', lo'o jua'a̱ tya lyiji tyu'u tucua chaca tya'a rey nu caca loo bi' nde loo la; pana xti ti tyempo tyi'i̱ bi' lo'o tya̱a̱ bi' chalyuu.

APOCALIPSIS 17:12

’Lo'o na'a̱ nu'u̱ na'ni bi', cha' tii tya'a sata ni' ntucua hique ni', bi' laca tya tii tya'a rey nu tya lyiji caca loo chalyuu. Cua ntsu'u chacuayá' ji'i̱ ngu' bi', cha' caca ngu' loo masi chaca hora tya; stu'ba ti caca tlyu ngu' bi' lo'o nu na'ni chiya'a̱ ña'a̱ bi' li'.