APOCALIPSIS 1:9 - Chatino Tataltepec9 Juan laca na', tya'a ntsu'u cha' ji'na lo'o Jesús laca na'. Ñi'ya̱ nu ndyaca ji'i̱ cu'ma̱, la cui' jua'a̱ ndyaca jna', cha' stu'ba ti ndyiji cha' ti'í ji'na cuentya ji'i̱ Jesús; pana jlya ti' na cha' Cristo laca loo ji'na juani, bi' cha' ndalo na ji'i̱ cha' ti'í nu tyacua ji'na. Nde cha' nu ngua 'na lo'o ndi'i̱ na' loyuu su naa Patmos, sca yuu piti ti nu nscua cla'be hitya. Ca bi' ntsu'u na' ne' chcua̱, xqui'ya cha' ná ntsi̱i̱ na' nchcui' na' cha' ji'i̱ ycui' Ndyosi lo'o ñati̱; nchcui' na' lcaa cha' tso'o nu cua nda Jesús lo'o na. Gade chapit la |
APOCALIPSIS 1:9
35 Referans Kwoze
Ca ta'a quichi̱ su ndyaa ngu' bi', nchcui' ngu' lo'o ñati̱ ji'i̱ Jesucristo cha' tso'o la tyatí̱ tyiquee ngu' lo cha' ji'i̱ Jesús, cha' tlyu cua'ni tyiquee ngu', cha' ná cutsi̱i̱ ngu' tsiya' ti. ―Cua'ni lya' ti' ngu' ji'na tu'ni ―nacui̱ Pablo lo'o Bernabé ji'i̱ ngu'―, lo'o jua'a̱ xcube' ngu' ji'na; pana lo'o cua nteje tacui cha' bi', li' tsaa na tyi'i̱ na su laca ycui' Ndyosi loo.
Si lo'o nscua cha' tsalo'o ngu' ji'i̱ tsaca ma̱ ne' chcua̱, jua'a̱ caca lacua. Ná cutsi̱i̱ ma̱ li'. Si lo'o nscua cha' cujuii ñati̱ ji'i̱ tsaca ma̱, masi lo'o maxtyi, jua'a̱ caca lacua. Ná cutsi̱i̱ ma̱ li'. Ndu'ni cha' talo tsaa tyiquee na ji'i̱ cha' cuxi; ndu'ni cha' lcaa tsa̱ taquiya' na ji'i̱ ycui' Ndyosi si ntsu'u cha' ji'na lo'o Ni nde chalyuu.
Nu ngu' tya'a ngusñi na cha' ji'i̱ Jesús ni, cua ntiji̱loo ngu' ji'i̱ nu xña'a̱ bi', xqui'ya cha' ngujuii Jesús nu ñi'ya̱ ña'a̱ xlya' bi'. Ná ntsi̱i̱ ngu' bi' ta ngu' cha' tso'o ji'i̱ Jesús lo'o xa' ñati̱; ntaja'a̱ ngu' bi' chcui' ngu' cha' bi', masi cujuii ñati̱ ji'i̱ ngu' bi' xqui'ya cha' ñasi̱' tsa ñati̱ ji'i̱ Jesús.
―Ná jlo ti' na', Cusu'. Culu'u nu'u̱ xi jna' ―ni na' ji'i̱. Nchcui' nu cusu' lo'o na' li': ―Cua nteje tacui ca ti cha' lye tsa nchcube' ñati̱ bi', xqui'ya cha' ngusñi ngu' cha' ji'i̱ Jesús ―nacui̱ nu cusu' jna'―. Cua laca lacu' ngu' late' ngati̱; cua ngua lubii ne' cresiya ji'i̱ ngu' laca cha' bi', xqui'ya cha' cua ngujuii nu ñi'ya̱ ña'a̱ xlya' bi' lo crusi cuentya ji'i̱ ngu'.
Ná ca tyuju'u ti' nu'u̱; ta nu'u̱ cha' lo'o ngu', ñi'ya̱ nu ngusñi nu'u̱ cha' ji'i̱ ycui' nu Xu'na na. La cui' ti ná ca tyuju'u ti' nu'u̱ cha' ntsu'u na' ne' chcua̱. Nchcube' ngu' jna' xqui'ya cha' nchcui' na' cha' ji'i̱ ycui' nu Xu'na na, bi' cha' ná quiña'a̱ tsa culacua ti' nu'u̱ si lo'o jinu'u̱ xcube' ngu' cha' nchcui' nu'u̱ cha' tso'o ji'i̱ Jesucristo lo'o ngu'. Ta ycui' Ndyosi juersa ji'na cha' talo na,
Tso'o si culacua xi ti' na' jua'a̱ cuentya ji'i̱ cu'ma̱, xqui'ya cha' lcaa tsa̱ ntsu'u tsa tyiquee na' ña'a̱ na' ji'i̱ cu'ma̱; stu'ba ti ndyaca cha' ji'i̱ cu'ma̱ lo'o na', tso'o tsa ndyu'ni Ni lo'o na cha' ndyu'ni na cña ji'i̱ Jesucristo. Nguxtyucua ma̱ jna' tsubi' lo'o nguta'a̱ na' slo ngu' nu laca loo cha' nxacui̱ na' cha' ji'i̱ ngu' bi'; nacui̱ na' ji'i̱ ngu' cha' tso'o tsa laca cha' nu cua nda ycui' Ndyosi lo'o na, lo'o jua'a̱ ndacha' liñi na' ji'i̱ ngu' ñi'ya̱ laca cha' liñi bi'. Lo'o juani tya nxtyucua ma̱ 'na, masi ntsu'u na' ne' chcua̱ xqui'ya cha' nchcui' na' cha' ji'i̱ Jesús lo'o ñati̱.
Nu lo'o cua laca na sñi' ycui' Ni, lo'o ji'na tyacua lcaa cha' tso'o nu ta Ni li', lcaa ña'a̱ cha' nu cua nda Ni ji'i̱ Cristo; pana si cua nti' na cha' stu'ba ti tyi'i̱ na lo'o Cristo ca su tlyu ca su ntucua Ni, li' ntsu'u cha' talo na lo'o ndyu'ni lya' ti' ngu' ji'na nde chalyuu ti, ñi'ya̱ ndalo ycui' Cristo lo'o ngua'ni lya' ti' ngu' ji'i̱ yu.
Li' ngutu̱ sti̱' na' ngustii na' nde loo su ndu̱ xca̱ bi', cha' cua'ni tlyu na' ji'i̱ ngua ti' na', pana nga'aa nda bi' chacuayá' 'na: ―Nga'aa cua'ni nu'u̱ jua'a̱ lo'o na' ―nacui̱ nu xca̱ bi' 'na―. La cui' tya'a ndyu'ni na cña ji'i̱ ycui' Ni laca na. La cui' tya'a na' laca lcaa cu'ma̱ nu ngusñi tso'o ma̱ cha' tso'o nu cua nda Jesús lo'o ma̱. Ji'i̱ ycui' Ndyosi cua'ni tlyu nu'u̱ tso'o la ―nacui̱ xca̱ jna'. Nu cha' tso'o nu nda Jesús lo'o ñati̱, la cui' cha' laca nu nda ycui' Ndyosi lo'o ñati̱ nu laca tu'ba ji'i̱ Ni.
Ngunasi̱' tsa nu cuaña bi' ji'i̱ nu cuna'a̱ bi' li', ndyaa ndyaana ni' cha' cusu̱u̱ lo'o lcaa ñati̱ nu tyu'u ji'i̱ nu cuna'a̱ ca tiya' la; nxu̱u̱ tya'a ni' lo'o lcaa ñati̱ nu taquiya' ji'i̱ cña nu ngulo ycui' Ndyosi ji'na, nu ña'a̱ ti ná ntsi̱i̱ ngu' cha' cacha' liñi ngu' cha' ji'i̱ Jesús ji'i̱ xa' ñati̱.
Lo'o li' nu nchca ca'yu quiya' ngusuu nu ñi'ya̱ ña'a̱ xlya' bi' nguiña' nu nga'a̱ tu'ba quityi bi'. Li' na'a̱ na' sca mesa tlyu nde loo su ntucua ycui' Ndyosi, mesa bi' laca nu tyucua msta̱ lo. Nde ne' mesa bi' ntsiya tyu̱u̱ tya'a ngu' nu ngujuii; cua ndyujuii ñati̱ ji'i̱ ngu' bi' xqui'ya cha' nu nda ycui' Ndyosi lo'o ngu' bi', cha' ná ntsi̱i̱ ngu' bi' nchcui' ngu' cha' bi' lo'o tya'a ñati̱ ngu' li'.
Juan laca na' nu nda̱ quityi re tsaa nde cati tya'a quichi̱ loyuu su cuentya Asia, ca su ndi'i̱ taju ñati̱ nu ngusñi cha' ji'i̱ Jesucristo. Nda na' xlyo ni'i̱ ji'i̱ ma̱ chacuayá' ji'i̱ ycui' Ndyosi Sti na, jua'a̱ chacuayá' ji'i̱ Xtyi'i ycui' Ndyosi, jua'a̱ chacuayá' ji'i̱ Jesucristo. Cua nti' na' cha' ña'a̱ ti cua'ni ycui' Ndyosi cha' tso'o lo'o ma̱, ña'a̱ ti cua'ni Ni cha' ti̱ ti tyi'i̱ tyiquee ma̱. Nu ngua tya clyo lu'ú ycui' Ndyosi, na lu'ú Ni juani, lo'o ña'a̱ ti tya lu'ú Ni tyempo nde loo la. Ntucua Xtyi'i ycui' Ni nde loo su tlyu su ntucua ycui' Ni, la cui' cati tya'a cui'i̱ lubii nu nda Xtyi'i Ni laca bi'.
―Chañi cha' lo'o cu'ma̱ co'o ma̱ taná clyaa' nu ntsu'u cha' co'o na' bi', lo'o jua'a̱ chcube' ma̱ ñi'ya̱ nu chcube' na' ―nacui̱ Jesús ji'i̱ ngu'―. Pana ná ntsu'u chacuayá' ta na' sca se'i̱ nde sii' na' cha' chca'a̱ ma̱ lo'o na' nde loo la, cha' cua laca ngusubi ycui' Ndyosi Sti na' ji'i̱ ñati̱ nu chca'a̱ nde sii' na' tyempo bi'.
Nde nscua na' cha' nu ngulu'u Jesucristo 'na. Juan laca na', lo'o nde nscua na' sca cha' nu ntsu'u yacu̱' ti tya sa'ni la. Tya clyo la cua nda ycui' Ndyosi cha' bi' lo'o Jesús cha' culu'u ji'i̱ ñati̱ ji'i̱ ycui' lcaa ña'a̱ cha' nu cua lijya̱ ti cha' caca nde chalyuu. Li' nda Jesús cha' bi' lo'o na', nu lo'o nda Ni sca xca̱ ji'i̱ Ni nu ngutu'u nde cua̱ ya̱a̱ ca slo na', cha' ndyu'ni na' cña ji'i̱ Ni.
Cua ngua'ni Jesús cha' laca na sca lo ñati̱ nu ndulo tsa cuentya ji'i̱ ycui' Ndyosi, nu ndyu'ni cña nu nti' ycui' Ndyosi Sti Jesús cha' cua'ni na. Cua nti' na cha' lcaa yija̱ nu lijya̱ nde loo la ná tye cha' cua'ni tlyu na ji'i̱ ycui' Ndyosi, cha' nchca ji'i̱ Ni cua'ni Ni lcaa lo cña tsiya' ti. Jua'a̱ caca cha' lacua.
Lo'o li' na'a̱ na' su ntucua tyu̱u̱ tya'a yaca xlya tlyu. Ndyuloo na' ji'i̱ ngu' nu ntucua lo yaca xlya bi', cha' laca ngu' nu ntsu'u chacuayá' ji'i̱ cua'ni cuayá' ji'i̱ ñati̱ chalyuu. Laja ngu' nu ntucua bi' na'a̱ na' ji'i̱ ñati̱ chalyuu nu cua ndyujuii tya'a ñati̱ ji'i̱, xqui'ya cha' ná ntsi̱i̱ ngu' cacha' liñi ngu' cha' tso'o ji'i̱ tya'a ñati̱, cha' nu cua nda Jesús lo'o na cuentya ji'i̱ ycui' Ndyosi Sti yu. Ná ngua'ni tlyu jyo'o bi' ji'i̱ na'ni chiya'a̱ ña'a̱ bi', la cui' ti ná ngua'ni tlyu ngu' ji'i̱ lcui̱ ji'i̱ na'ni bi', jua'a̱ ná ngua'a̱ cuayá' na'ni bi' nde tyaca̱a̱ ngu', nde chu̱' ya' ngu'; cua ndyu'ú ngu' bi' chaca quiya', lo'o juani laca ngu' cña lo'o Cristo ca su ntucua ycui' Ndyosi ña'a̱ cuayá' tyu'u scua sca mil yija̱.
Piblisite