3 JUAN 1:14 - Chatino Tataltepec

¹⁴ tso'o la yala ti ca̱a̱ na' ca su ndi'i̱ nu'u̱ cha' ycui' ca na' ta na' xi cha' lo'o nu'u̱.

3 JUAN 1:14 Referans Kwoze

1 PEDRO 5:14

Chcuicha' ma̱ ji'i̱ lcaa ngu' tya'a ma̱; quityi ma̱ ji'i̱ tya'a ma̱ cuentya jna', cha' chañi cha' tso'o ntsu'u tyiquee na ña'a̱ na ji'i̱ tya'a na. Cua'ni Ni cha' ti̱ ti tyi'i̱ cresiya ji'i̱ lcaa cu'ma̱ nu ntsu'u cha' ji'i̱ ma̱ lo'o Cristo.

EFESIOS 6:23

Chcui' na' lo'o ycui' Ndyosi Sti na, lo'o jua'a̱ lo'o Jesucristo nu Xu'na na cuentya ji'i̱ cu'ma̱ tya'a ngusñi na cha' ji'i̱ Cristo; cua'ni Ni cha' ti̱ ti tyi'i̱ tyiquee ma̱, cha' tso'o ti tyu'u tyiquee ma̱ ña'a̱ ma̱ ji'i̱ tya'a na, cha' lcaa tyempo jlya ti' ma̱ ji'i̱ ycui' Ndyosi.

GÁLATAS 5:16

Ndi'ya̱ cha' ta na' lo'o ma̱: Ta ma̱ chacuayá' cha' caca Xtyi'i ycui' Ndyosi loo ne' cresiya ji'i̱ ma̱ ca su ndi'i̱ ma̱; li' nga'aa jña ti' tyiquee ma̱ cha' cua'ni ma̱ cua ña'a̱ ca cha' cuxi nu ndiya ti' ma̱, cha' laca ma̱ ñati̱ chalyuu.

SAN JUAN 10:3

Nslo nu ntsu'u cua̱ to' lo'o ji'i̱ xu'na xlya', bi' cha' nda chacuayá' ndyatí̱ yu bi' ne' lo'o ―nacui̱ Jesús―. Nslo xlya' xtyi'i xu'na ni'; lo'o nxi'ya yu ji'i̱ xlya' ji'i̱ ycui' ca, lijya̱ ni' slo yu, ndya'a̱ lo'o yu ji'i̱ xlya' bi' li'.

SAN JUAN 20:19

La cui' talya tsa̱ clyo ji'i̱ semana bi', cua nga'a̱ ya' ni'i̱ su ndyu'u ti'i̱ ngu' nu ngua tsa'a̱ ji'i̱ Jesús, cha' ntsi̱i̱ ngu' ji'i̱ ngu' judío. Li' ya̱a̱ Jesús, ndatu̱ slo ngu' bi'. ―Ti̱ ti tyi'i̱ tyiquee ma̱, ná culacua tsa ti' ma̱ ―nacui̱ yu ji'i̱ ngu' bi'.

SAN JUAN 20:21

Chaca quiya' nchcui' Jesús lo'o ngu' li': ―Ti̱ ti tyi'i̱ tyiquee ma̱, ná culacua tsa ti' ma̱ ―nacui̱ yu ji'i̱ ngu'―. Ñi'ya̱ lo'o nda Sti na' 'na lijya̱a̱ chalyuu, jua'a̱ ta na' ji'i̱ ma̱ cha' tsaa ma̱ tyucui ña'a̱ chalyuu.

2 JUAN 1:12

Tya ntsu'u tsa cha' nu nti' na' chcui̱' lo'o ma̱, pana tso'o la masi ná lo'o cha' bi' scua na' lo quityi re. Tiya' la nti' na' ca̱a̱ na' ca su ndi'i̱ cu'ma̱, lo'o li' ycui' ca na' taca ta na' cha' bi' lo'o ma̱; li' chañi cha' tso'o ti taca tyu'u tyiquee na ña'a̱ na ji'i̱ tya'a na.