2 TIMOTEO 1:4 - Chatino Tataltepec

⁴ Ntsu'u ti' na' cha' ngusi'ya nu'u̱ lo'o ndu'u na' ndyaa na', bi' cha' nti' tsa na' ña'a̱ na' jinu'u̱ chaca quiya' cha' ca chaa ti' na.

2 TIMOTEO 1:4 Referans Kwoze

2 TIMOTEO 4:9

Quiñi clya tyucui̱i̱ jinu'u̱ cha' ca̱a̱ ca nde slo na' yala ti.

2 TIMOTEO 4:21

Quiñi clya tyucui̱i̱ jinu'u̱ cha' tyalaa nu'u̱ ca nde lo'o bilya xana tyempo tlya'. Lcaa ngu' re nda ngu' xlyo ni'i̱ jinu'u̱, lo'o Eubulo, lo'o Pudente, lo'o Lino, lo'o Claudia, lo'o lcaa tya'a ñati̱ ji'i̱ Jesucristo quichi̱ re.

1 TESALONICENSES 2:17

Masi xa' quichi̱ ndi'i̱ ya juani, nti' ya xtyu̱u̱ ya slo cu'ma̱ tya'a ngusñi na cha' ji'i̱ Jesús; ndyi'u tsa ti' ya ji'i̱ ma̱, masi ná nchca ña'a̱ ya ji'i̱ ma̱, bi' cha' nti' ya tya̱a̱ ya tya̱a̱ na'a̱ ya ji'i̱ ma̱ chaca quiya'.

FILIPENSES 1:8

Cua jlo ti' ycui' Ndyosi cha' ñi'ya̱ ntsu'u tyiquee ycui' Jesucristo ña'a̱ Ni ji'i̱ lcaa cu'ma̱, la cui' jua'a̱ ntsu'u tsa tyiquee na' ña'a̱ na' ji'i̱ cu'ma̱.

APOCALIPSIS 21:4

Lo'o li' cua'ni ycui' Ndyosi cha' nga'aa xi'ya ngu' nu ndyunaa tsa tya tsubi' la ―nacui̱ nu nchcui' bi'―. Nga'aa ntsu'u cha' cajaa ñati̱ li', nga'aa ntsu'u cha' ca xñi'i̱ ti' ngu', nga'aa xi'ya ngu', ni nga'aa tyacua cha' ti'í ji'i̱ ngu' li'; cua ndye lcaa cha' nu ngua ji'i̱ ngu' lo'o nguti'i̱ ngu' chalyuu cusu' ―nacui̱ nu nchcui' bi'.

APOCALIPSIS 7:17

Ña'a̱si̱i̱ nu ñi'ya̱ ña'a̱ xlya' bi' ji'i̱ ngu', cha' ndi'i̱ Ni la cui' ca su ntucua ycui' Ndyosi loo; bi' laca nu tsalo'o ji'i̱ ngu' su caja hitya co'o ngu' cha' caja chalyuu cucui ji'i̱ ngu' li'. Lo'o jua'a̱ xquityi Ni hitya cloo ngu' cha' nga'aa cunaa ngu' li'.

1 JUAN 1:4

bi' cha' nscua ya quityi re, cha' lcaa tsa̱ tso'o ti tyi'i̱ tyiquee na.

FILIPENSES 2:26

Tiji̱' tsa ti' yu ji'i̱ cu'ma̱, bi' cha' nti' yu ca̱a̱ na'a̱ yu ji'i̱ ma̱ chaca quiya'; ngulacua tsa ti' yu lo'o ngujui cha' ji'i̱ yu cha' cua ndyuna ma̱ cha' quicha tsa yu.

ROMANOS 1:11

Nti' tsa na' tyacua tya'a na' xi lo'o cu'ma̱, cha' cua nti' na' ta̱ sca cui̱i̱ lo'o ma̱; Xtyi'i ycui' Ndyosi laca nu xtyucua 'na, cha' taca jlya la ti' ma̱ ji'i̱ Jesús. Li' tyatí̱ la ti' tyiquee ma̱.

LOS HECHOS 20:31

Cui'ya ma̱ cuentya lacua. Tyi'u ti' ma̱ cha' cua ndya'a sna yija̱ ngulu'u na' ji'i̱ ma̱ tsa̱ lo'o talya, lo'o jua'a̱ ntsu'u quiya' ngusi'ya tsa na' xqui'ya cu'ma̱.

LOS HECHOS 20:19

Jlo ti' ma̱ cha' lcaa tsa̱ ngua'ni na' cña ji'i̱ Jesús tyucui tyiquee na'; ná ngua'ni tyucuaa ti' na' lo'o ma̱. Lo'o jua'a̱ ngusi'ya tsa na' xqui'ya ñati̱ cuxi loyuu re. Ngua quicha ti' na' nu lo'o ngua ti' nu ngu' judío tya'a na' cua'ni cuxi ngu' lo'o na'.

SAN JUAN 16:24

Si'i chacuayá' 'na ngüijña ma̱ cha' ji'i̱ ycui' Ndyosi Sti na' sa'ni la; pana jua'a̱ jña ma̱ cha' ji'i̱ Ni juani, cha' caja cha' bi' ji'i̱ ma̱, cha' xcui' na caca chaa ti' ma̱ su ndi'i̱ ma̱ li'.

SAN JUAN 16:22

Lo'o jua'a̱ cu'ma̱ ―nacui̱―, xti ti tyempo caca xñi'i̱ ti' ma̱; pana ca̱a̱ na' ca̱a̱ na'a̱ na' ji'i̱ ma̱ chaca quiya', lo'o li' caca chaa ti' ma̱ chaca quiya'. Ná tucui taca cua'a ji'i̱ ma̱ cha' ná caca chaa ti' ma̱ li'.