2 JUAN 1:10 - Chatino Tataltepec

¹⁰ Bi' cha' juani si tyalaa ñati̱ slo ma̱ nu ná nda la cui' cha' ji'i̱ Jesús bi' lo'o ma̱, nga'aa ta ma̱ su tyi'i̱ ngu' bi', ni ná ta ma̱ xlyo ni'i̱ ji'i̱ ngu' bi'.

2 JUAN 1:10 Referans Kwoze

TITO 3:10

Tucua quiya' chcui' nu'u̱ lo'o ngu' cha' cua'a nu'u̱ ji'i̱ ngu' nu nti' xu'ba cha' cusu̱u̱ laja cu'ma̱ nu laca ma̱ ñati̱ ji'i̱ Jesucristo. Si ná cuna ngu' bi', li' xtyanu ma̱ ji'i̱ ngu' bi'.

2 TESALONICENSES 3:6

Cu'ma̱ tya'a ngusñi na cha' ji'i̱ Jesús, chaca quiya' culo ya cña ji'i̱ ma̱ chacuayá' ji'i̱ Jesucristo nu Xu'na na: ná tya'a̱ ma̱ stu'ba ti lo'o xa' la ngu' tya'a ngusñi ma̱ cha' bi' nu ná ntaja'a̱ cua'ni cña, la cui' ngu' tya'a ma̱ nu ná ntaja'a̱ taquiya' ji'i̱ cha' nu cua nda ya lo'o ma̱.

2 TESALONICENSES 3:14

Ñati̱ nu ná ntaja'a̱ taquiya' ji'i̱ lcaa cha' nu nscua ya lo quityi re ni, cui'ya ma̱ cuentya tilaca laca ngu' bi'; li' nga'aa tya'a̱ ma̱ stu'ba ti lo'o ngu' bi', cha' jua'a̱ caca tyuju'u ti' ngu'.

1 CORINTIOS 5:11

Pana ná tso'o cha' tyu'u cha' ji'i̱ ma̱ lo'o ñati̱ nu ndu'ni jua'a̱, masi ndu'ni ngu' bi' lo'o ma̱ cha' tya'a ñati̱ ji'i̱ Jesucristo laca ngu' bi'; bi' laca cha' nu ngua ti' na' chcui̱' lo'o ma̱. Ná caca stu'ba cha' ji'i̱ ma̱ lo'o ngu' si suba' ndu'ni ngu', si ndacui ti' ngu', si ndu'ni tlyu ngu' ji'i̱ lcui̱ jo'ó ti, si cuxi tsa nchcui' ngu' lo'o ñati̱, si cu'bi ngu', si cuaana ngu'; ná caca xñi ma̱ cha' ji'i̱ ngu' nu ndu'ni jua'a̱. Masi nacui̱ ñati̱ bi' cha' stu'ba ti ntsu'u cha' ji'i̱ ngu' lo'o Jesús, ná caca tyu'u cha' ji'i̱ ma̱ lo'o ngu'. La cui' ti cha', ni ná tso'o chca'a̱ ma̱ cacu ma̱ tyaja lo'o ñati̱ nu ndu'ni jua'a̱.

2 JUAN 1:11

Nu lo'o chcui' na lo'o ñati̱ bi', ñi'ya̱ laca si ndyu'ni tya'a na lo'o ngu' bi', lo'o cña cuxi nu ndyu'ni ngu', jua'a̱ ndyu'u cha' bi'.

1 CORINTIOS 16:22

Chaca tya cha' chcui' na' lo'o ma̱ juani: Si ntsu'u ngu' tya'a ndyu'u ti'i̱ ma̱ nu ná liñi cha' tso'o ntsu'u tyiquee ngu' ña'a̱ ngu' ji'i̱ ycui' nu Xu'na na, xtyanu ti'i̱ ma̱ ji'i̱ ngu' li', cha' xcube' ycui' Ndyosi ji'i̱. ¡Tya̱a̱ nu'u̱, Xu'na, ca su ndi'i̱ ya!

LOS HECHOS 15:23

Ndyaa lo'o ngu' ji'i̱ quityi nu nguscua ngu' Jerusalén bi'. “Xlyo ni'i̱ ji'i̱ lcaa ma̱”, nacui̱ quityi bi', “lcaa cu'ma̱ nu laca ma̱ ñati̱ ji'i̱ Jesucristo tya'a na, masi ngu' xa' tsu' laca ma̱, masi ndi'i̱ ma̱ ca quichi̱ Antioquía, masi ndi'i̱ ma̱ ca quichi̱ loyuu su cuentya Siria, masi ndi'i̱ ma̱ ca quichi̱ loyuu su cuentya Cilicia. Cuare nu nguta'a̱ ya lo'o Jesucristo tya clyo, lo'o ngu' cusu' ji'i̱ taju tya'a na re, lo'o tyu̱u̱ tya'a ñati̱ ji'i̱ Jesús ca nde, stu'ba ti nscua ya quityi re cha' ca̱a̱ ca slo ma̱.

3 JUAN 1:10

Nu lo'o tyalaa na' ca slo ma̱, li' chcui' na' lo'o ma̱ cuentya ji'i̱ lcaa cña nu ndyu'ni yu bi', cha' chiya'a̱ tsa nchcui' yu ji'i̱ cuare; nchcui' yu bi' cua ña'a̱ ca lo cha' cuiñi lo'o ñati̱. Masi ndyu'ni yu jua'a̱, ná cuayá' ji'i̱ yu nti' yu, cha' juani ná ntaja'a̱ yu ta yu su tyi'i̱ ngu' tya'a ndya'a̱ ya cña lo'o ndyaa ngu' quichi̱ tyi ma̱; ña'a̱ cuayá' ndaca'a yu chacuayá' ji'i̱ tya'a ma̱ cha' lo'o cu'ma̱ ná ta ma̱ su tyi'i̱ ngu', masi ngua ti' ma̱ ta ma̱ su tyi'i̱ ngu' nquicha'. Lo'o jua'a̱ ngua ti' yu culo'o yu ji'i̱ tya'a ndya'a̱ ya cña bi', cha' ná tyu'u ti'i̱ ngu' lo'o ma̱.