2 CORINTIOS 9:1 - Chatino Tataltepec

¹ Nga'aa nti' cha' chcui' la na' lo'o cu'ma̱ cuentya ji'i̱ msta̱ nu nxti'i̱ ma̱ cha' xtyucua ji'i̱ ngu' tya'a ma̱ nu ntsu'u cha' ji'i̱ lo'o Cristo,

2 CORINTIOS 9:1 Referans Kwoze

GÁLATAS 6:10

Bi' cha' tso'o si lcaa quiya' lo'o ña'a̱ na ñi'ya̱ caca xtyucua na ji'i̱ cua ña'a̱ ca ñati̱, li' cua'ni clya na cha' xtyucua na ji'i̱ ngu' bi'. Clyo ndu'ni cha' xtyucua na ji'i̱ tya'a na, nu ngu' nu ntsu'u cha' ji'i̱ lo'o Cristo.

1 TESALONICENSES 5:1

Cu'ma̱ tya'a ngusñi na cha' ji'i̱ Jesús, ná ntsu'u cha' scua ya sca quityi cha' cacha' ya ji'i̱ ma̱ ni jacua' tyalaa tsa̱ lo'o ca̱a̱ Jesús chaca quiya', ni jacua' tyalaa tyempo bi';

GÁLATAS 2:10

Tsa bi' ti cha' nchcui' ngu' lo'o ya, nu ngüijña ngu' ji'i̱ ya cha' lcaa tyempo tyi'u ti' na na laca nu lyiji ji'i̱ nu ngu' ti'i tya'a na nu ndyanu nde Judea. Bi' laca nu ndyu'ni cña ti' na' cha' cua'ni na'.

1 JUAN 2:27

Nu cu'ma̱ ni, cua ndyanu Xtyi'i ycui' Ndyosi ne' cresiya ji'i̱ ma̱, bi' cha' nga'aa nti' cha' culu'u xa' ñati̱ ji'i̱ ma̱; Xtyi'i ycui' Ndyosi ni, bi' laca nu culu'u ji'i̱ ma̱ lcaa cha' nu lyiji cha' ca tsa'a̱ ma̱ ji'i̱. Nu lo'o nclyu'u Xtyi'i ycui' Ndyosi ji'i̱ ma̱ ni, liñi tsa laca cha' bi'; si'i cha' cuiñi nda nu bi'. Bi' cha' lacua, ñi'ya̱ nu nclyu'u Xtyi'i ycui' Ni ji'i̱ ma̱, la cui' jua'a̱ nga'a̱ cha' xñi ma̱ cha' ji'i̱ Jesús.

ROMANOS 11:28

Tya'a cusu̱u̱ ycui' Ndyosi laca ngu' judío juani, xqui'ya cha' ná jlya ti' ngu' cha' chañi cha' cua ngua'ni lyaá Ni ji'i̱ ngu'; bi' cha' cua ngujui la xi tyempo ji'i̱ cu'ma̱ ngu' xa' tsu', cha' xñi ma̱ cha' ji'i̱ Jesucristo xqui'ya ngu' judío. Pana ña'a̱ ti tya ntsu'u tsa tyiquee ycui' Ndyosi ña'a̱ Ni ji'i̱ ngu' bi', xqui'ya cha' cua ngusubi Ni ji'i̱ jyo'o cusu' ji'i̱ ngu' bi' tya clyo cha' caca ngu' ñati̱ ji'i̱ Ni.

SAN MATEO 22:31

Chañi cha' ntsu'u cha' tyu'ú lcaa jyo'o chaca quiya'. ¿Ha bilya chcui' ma̱ cha' lo quityi nu nchcui' ycui' Ndyosi lo'o ma̱? Ndi'ya̱ nchcui' quityi bi':

LOS HECHOS 24:17

’Tyu̱u̱ yija̱ ndya'a̱ na' xa' quichi̱ tyijyu' la, lo'o tsubi' ti nguxtyu̱u̱ na' ndyalaa na' nde loyuu su ndi'i̱ quichi̱ tyi ya chaca quiya', cha' ta na' sca msta̱ nu xtyucua xi ji'i̱ ngu' ti'i nde jua, la cui' msta̱ nu cua nda ngu' tyijyu' cha' tsaa slo ngu' ti'i bi'. Lo'o jua'a̱ na', ngua ti' na' cha' ta na' sca msta̱ ji'i̱ ycui' Ndyosi.

ROMANOS 12:13

Nu lo'o lyiji sca na ji'i̱ sca ngu' tya'a ngusñi ma̱ cha' ji'i̱ Cristo, nga'a̱ cha' tya'be cha' tso'o nu ntsu'u ji'i̱ ycui' ca ma̱, cha' ta ma̱ na ji'i̱ ngu' bi', na laca nu lyiji ji'i̱ ngu'. Lcaa tyempo ta ma̱ to' tyi ma̱ cha' tyi'i̱ ñati̱ nu lijya̱ ti.

ROMANOS 15:31

Jña ma̱ cha' clyu ti' ji'i̱ ycui' Ni, cha' clyaá na' ji'i̱ nu ngu' tyaala nu ná jlya ti' tsiya' ti cha' ji'i̱ Cristo, nu ngu' nu ndi'i̱ nde Judea ni. Lo'o jua'a̱ jña ma̱ cha' ji'i̱ Ni cuentya ji'i̱ ñati̱ ji'i̱ ycui' Ndyosi nu ndi'i̱ nde Jerusalén, cha' tso'o ti tyu'u tyiquee ngu' tya'a na chcui' ngu' lo'o na', nu lo'o xñi ngu' msta̱ nu ta na' ji'i̱ ngu'.