2 CORINTIOS 7:6 - Chatino Tataltepec

⁶ Pana ycui' Ndyosi ni, nda la Ni juersa ji'i̱ ñati̱ nu xñi'i̱ ti ti' nga'a̱; bi' cha' xa' juersa nda Ni ji'i̱ ya cha' caca nguula la tyiquee ya, xqui'ya cha' cua ndyalaa Tito ca nde.

2 CORINTIOS 7:6 Referans Kwoze

2 CORINTIOS 7:13

Lo'o nu juani tso'o la nti' ya cuentya ji'i̱ cu'ma̱. Tso'o ti nti' ycui' ya lacua; lo'o jua'a̱ lye la chaa ti' ya juani cha' cua na'a̱ ya ji'i̱ Tito, cha' tso'o tsa ngua ti' yu. Ca ta'a cu'ma̱ ngua'ni ma̱ cha' ti̱ ti cresiya ji'i̱ yu ndyalaa yu juani.

FILIPENSES 2:1

Ná tyiquee' cua nguula la ti' tyiquee ma̱ juani, xqui'ya cha' cua ngusñi ma̱ cha' ji'i̱ Cristo; cua tso'o la nti' ma̱ cha' ntsu'u tsa tyiquee Ni ña'a̱ Ni ji'i̱ ma̱. La cui' ti cha' xqui'ya nu Xtyi'i ycui' Ndyosi stu'ba ti ntsu'u cha' ji'i̱ ma̱ lo'o tya'a ma̱, jua'a̱ lo'o ycui' Ni, ña'a̱ cuayá' nu nchca tya'na ti' ma̱ ña'a̱ ma̱ ji'i̱ tya'a ma̱, ña'a̱ cuayá' nu tso'o ntsu'u tyiquee ma̱ ña'a̱ ma̱ ji'i̱ tya'a ma̱.

ROMANOS 15:5

Lo'o jua'a̱ cua nti' ya cha' xtyucua Ni ji'i̱ cu'ma̱, la cui' nu sca ti ycui' Ndyosi nu nxtyucua ji'i̱ lcaa na cha' talo tyiquee na, nu ndu'ni cha' ca tlyu tyiquee na. Xtyucua Ni ji'i̱ cu'ma̱, cha' jua'a̱ talo tyiquee ma̱ ji'i̱ tya'a ntsu'u cha' ji'i̱ ma̱ lo'o Ni, cha' caca stu'ba tyiquee ma̱ lo'o tya'a ma̱ xqui'ya Jesucristo.

SAN MATEO 5:4

’Lo'o jua'a̱ tso'o ntsu'u tyiquee ñati̱ masi xñi'i̱ ti' juani xqui'ya qui'ya nu ntsu'u ji'i̱, cha' ndu'ni ycui' Ni cha' caca tso'o tyiquee ñati̱ bi'.

SAN JUAN 14:16

Lo'o tya'a na', li' chcui' na' lo'o ycui' Ndyosi Sti na' cha' ta Ni chaca nu xtyucua ji'i̱ ma̱; bi' laca Xtyi'i ycui' Ndyosi nu laca su̱u̱ lcaa cha' liñi. Tyanu nu bi' lo'o ma̱ ña'a̱ cuayá' nu tye chalyuu ―nacui̱―.

2 CORINTIOS 7:7

Lo'o jua'a̱ tso'o tsa cha' nu nda yu lo'o ya cuentya ji'i̱ cña nu ndyu'ni cu'ma̱; nacui̱ yu cha' cua nti' tsa cu'ma̱ ña'a̱ loo ma̱ ji'i̱ ya chaca quiya', lo'o jua'a̱ nacui̱ yu cha' ntyuju'u ti ti' ma̱ ndi'i̱ ma̱ xqui'ya cha' cuxi nu ngua ji'i̱ ma̱ tya li', nacui̱ yu cha' nga'aa ndiya ti' ma̱ cha' cuxi nu nchcui' ngu' 'na tsubi' la. Xqui'ya lcaa cha' bi', chaa la ti' na' ndi'i̱ na' juani.

2 CORINTIOS 7:14

Lo'o tya ndi'i̱ yu ca slo na', cua ni na' ji'i̱ yu cha' tso'o tsa ngusñi ma̱ cha' ji'i̱ Jesús, lo'o jua'a̱ chañi tsa cha' bi'. La cui' jua'a̱ lcaa quiya' lo'o nchcui' ya, chañi tsa laca cha' ji'i̱ Jesús nu nchcui' ya lo'o ma̱; lo'o jua'a̱ chañi ngua cha' nu ni na' ji'i̱ Tito, cha' tso'o ti nti' ycui' ya ña'a̱ ya ji'i̱ ma̱.