2 CORINTIOS 7:3 - Chatino Tataltepec

³ Ná nti' na' sta na' qui'ya hichu̱' ma̱. Ndi'ya̱ nti' na' chcui' na' lo'o ma̱, ñi'ya̱ nu nacui̱ na' ji'i̱ ma̱ tsubi': lcaa tyempo ntsu'u tsa tyiquee na' ña'a̱ na' ji'i̱ cu'ma̱; masi cua ngujuii na, masi ña'a̱ ti tya tyiquee' tyi'i̱ na chalyuu, pana ña'a̱ ti stu'ba ntsu'u tyiquee na' lo'o cu'ma̱.

2 CORINTIOS 7:3 Referans Kwoze

1 TESALONICENSES 2:8

Ntsu'u tsa tyiquee ya ña'a̱ ya ji'i̱ ma̱, cha' cua nda ya cha' tso'o ji'i̱ ycui' Ndyosi lo'o ma̱; lye tsa nclyacua ti' ya cuentya ji'i̱ ma̱, hasta tso'o ntsu'u tyiquee ya masi cujuii ngu' ji'i̱ ya xqui'ya cu'ma̱.

2 CORINTIOS 13:10

Lo'o jua'a̱ nscua na' quityi re, masi tyijyu' tsa ndi'i̱ na' cuentya ji'i̱ cu'ma̱, cha' ná caca tyaala na' lo'o cu'ma̱ nu lo'o cua ndyalaa na' ca quichi̱ tyi ma̱. Chañi cha' cua nda ycui' nu Xu'na na chacuayá' 'na, pana ndi'ya̱ ndyu'u cha' bi': cua'ni na' cha' caja ñi'ya̱ tyanu tachaa la cha' bi' ne' cresiya ji'i̱ ma̱; ná ntsu'u chacuayá' 'na cha' cua'ni ñu'u̱ lyiji na' ji'i̱ cu'ma̱.

2 CORINTIOS 12:15

Lo'o jua'a̱ na', tso'o tsa nti' na' masi culiji na' lcaa na nu ntsu'u xi 'na, masi tye juersa ji'i̱ ycui' na' tsiya' ti, cha' caja ñi'ya̱ xtyucua na' xi ji'i̱ cu'ma̱. Bi' cha' ná tso'o laca si xti ti ntsu'u tyiquee ma̱ ña'a̱ ma̱ 'na, masi tso'o la ntsu'u tyiquee na' ña'a̱a̱ ji'i̱ cu'ma̱.

2 CORINTIOS 11:11

Si'i xqui'ya cha' ná ntsu'u tyiquee na' ña'a̱ na' ji'i̱ ma̱, bi' cha' nchcui' na' jua'a̱; cua jlo ti' ycui' Ndyosi cha' tso'o tsa nti' na' ña'a̱ na' ji'i̱ cu'ma̱.

2 CORINTIOS 7:12

Bi' cha' laca nguscua na' nu quityi bi'; si'i na ngulacua tsa ti' na' xqui'ya yu nu ngua'ni cha' cuxi bi', ni si'i na ngulacua tsa ti' na' xqui'ya ngu' nu ngua cuxi ji'i̱. Ngua ti' na' cha' culacua tso'o ti' ma̱ ji'i̱ cha' nu cua nchcui' ya lo'o ma̱, ñi'ya̱ laca si ndu̱ ycui' Ndyosi ña'a̱ Ni ji'na; bi' cha' nguscua na' quityi nu ndyaa slo ma̱ bi'.

2 CORINTIOS 3:2

Ná ntsu'u cha' tyu'ú quityi ji'i̱ ya jua'a̱, cha' taca ña'a̱ ngu' ji'i̱ cu'ma̱. Cua jlo ti' ngu' cha' xqui'ya cuare tso'o tsa ndyuna ma̱ cha' ji'i̱ Jesús, jlo ti' ngu' cha' ntsu'u tsa tyiquee ya ña'a̱ ya ji'i̱ cu'ma̱.

FILIPENSES 1:7

Tso'o si culacua xi ti' na' jua'a̱ cuentya ji'i̱ cu'ma̱, xqui'ya cha' lcaa tsa̱ ntsu'u tsa tyiquee na' ña'a̱ na' ji'i̱ cu'ma̱; stu'ba ti ndyaca cha' ji'i̱ cu'ma̱ lo'o na', tso'o tsa ndyu'ni Ni lo'o na cha' ndyu'ni na cña ji'i̱ Jesucristo. Nguxtyucua ma̱ jna' tsubi' lo'o nguta'a̱ na' slo ngu' nu laca loo cha' nxacui̱ na' cha' ji'i̱ ngu' bi'; nacui̱ na' ji'i̱ ngu' cha' tso'o tsa laca cha' nu cua nda ycui' Ndyosi lo'o na, lo'o jua'a̱ ndacha' liñi na' ji'i̱ ngu' ñi'ya̱ laca cha' liñi bi'. Lo'o juani tya nxtyucua ma̱ 'na, masi ntsu'u na' ne' chcua̱ xqui'ya cha' nchcui' na' cha' ji'i̱ Jesús lo'o ñati̱.