2 CORINTIOS 6:3 - Chatino Tataltepec

³ Ná nti' ya cha' xtyí lo'o ngu' ji'i̱ ya xqui'ya cña nu ndyu'ni ya, cha' lo'o ji'i̱ ycui' Ndyosi xtyí lo'o ngu' bi' li'; bi' cha' ná ta ya chacuayá' cha' tyu'u tucua sca cha' cuxi, nu xqui'ya bi' taca chcui' ngu' ji'i̱ ya.

2 CORINTIOS 6:3 Referans Kwoze

ROMANOS 14:13

Nga'aa chcui' cuxi ma̱ ji'i̱ cña nu ndyu'ni scaa ngu' tya'a ngusñi ma̱ cha' ji'i̱ Jesús lacua. Ndi'ya̱ cua'ni ma̱ juani: nga'aa ta ma̱ tyempo ji'i̱ ngu' tya'a ma̱ cha' cua'ni ngu' cha' cuxi xqui'ya cu'ma̱.

1 CORINTIOS 9:12

Xa' la tya'a ndyu'ni ya cña ndyiji na laca nu lyiji ji'i̱ ngu' nu lo'o nda ma̱ xi xcaya' ngu' bi'. ¿Ha ná tso'o si la cui' ti cha' caja ji'i̱ ya, ñi'ya̱ nu ndyiji ji'i̱ ngu' bi'? Tsa bi' ti cha', ná ndijña ya cha' tso'o bi' ji'i̱ ma̱ tsiya' ti. Ndalo tsa ya ji'i̱ cua ña'a̱ ca cha' ti'í nu ndyacua ji'i̱ ya, cha' ná nti' ya tsiya' ti tacu̱' ya ji'i̱ cha' tso'o ji'i̱ Cristo nu nchcui' ya lo'o ma̱, cha' ná cuna ñati̱ ji'i̱ cha' bi'.

SAN MATEO 17:27

Pana ná nti' na cha' ca ñasi̱' ngu' ji'na, ngu' nu laca loo ne' laa tonu, bi' cha' yaa clya nu'u̱ to' tayu' cha' cu̱ nu'u̱ chcua̱ xñi cualya lo hitya, cha' xñi nu'u̱ ji'i̱ sca cualya. Li' taya' nu'u̱ ji'i̱ cualya nu caja jinu'u̱ clyo, scana tu'ba cualya bi', cha' culo nu'u̱ cñi nu ntsu'u tu'ba ni'; tyu'u scua cñi bi' cha' ta nu'u̱ cñi ji'i̱ ngu' cuentya jinu'u̱, lo'o jua'a̱ cuentya jna'.

1 CORINTIOS 9:22

Lo'o li', lo'o ndi'i̱ na' lo'o ngu' tya'a ngusñi na cha' ji'i̱ Jesús nu tya lyiji jlya tso'o ti' ngu' cha' ji'i̱ Jesús, ñi'ya̱ si stu'ba ti cha' laca 'na lo'o ngu', jua'a̱ ndi'i̱ na' lo'o ngu' li', cha' cuna la ngu' bi' cha' ji'i̱ Cristo. Lcua ti lo cña cua'ni na' cha' tyaja'a̱ la ñati̱ xñi ngu' cha' ji'i̱ Cristo.

2 CORINTIOS 8:20

Li' ná taca chcui' ngu' ji'i̱ ya xqui'ya cha' cua nxti'i̱ ya cñi nu nda ma̱ cha' xlya'be ti bi'.

2 CORINTIOS 1:12

Tso'o tsa nti' ya cha' xcui' ngua'ni tyucui tyiquee ya lo'o ma̱, xcui' nda ya cha' liñi lo'o ma̱, ñi'ya̱ nu ngua'ni ya lo'o xa' ñati̱; jua'a̱ nti' ya. Ngua ji'i̱ ya cua'ni ya jua'a̱ lo'o ma̱ xqui'ya cha' lye tsa ngua'ni tya'na ti' ycui' Ndyosi ji'na laja ti; si'i cha' nda'ya cha' hique ti ya, bi' cha' ndu'ni ya jua'a̱.

SAN MATEO 18:6

’Si ntsu'u ñati̱ nu ndatsaa ji'i̱ xa' ñati̱ cha' cua'ni ngu' cha' cuxi', masi tatsaa ñati̱ bi' ji'i̱ nu piti re cha' cua'ni yu cha' cuxi, tso'o la masi tyaaca̱' sca quichi tonu yane ñati̱ cuxi bi', lo'o li' xtyú ngu' ji'i̱ ñati̱ bi' lo hitya tyujo'o cha' tye cha' ji'i̱ tsiya' ti; tso'o la si cajaa ñati̱ nu jua'a̱ ndu'ni, cha' nga'aa tatsaa ji'i̱ xa' la ngu' sube cha' cua'ni ngu' cha' cuxi.

LOS HECHOS 19:27

Cuxi tsa ndyu'u cha' bi', si nga'aa nti' ngu' cui'ya ngu' lcui̱ nu ndiñá na; nga'aa caja cña nu cua'ni na li'. Lo'o li' nga'aa tyaja'a̱ ngu' cua'ni tlyu ngu' ji'i̱ xtya'a̱ na jo'ó Diana nu laca loo tsiya' ti ne' laa ji'i̱ quichi̱ tyi na re. Juani lcaa ñati̱ loyuu su cuentya Asia ndyu'ni tlyu ji'i̱ jo'ó bi', lo'o jua'a̱ lcaa ñati̱ tyucui ña'a̱ chalyuu ndyu'ni tlyu ji'i̱. Ná tso'o si cua'ni tye ngu' cha' ji'i̱ jo'ó tlyu nu ntsu'u ji'na.