2 CORINTIOS 5:9 - Chatino Tataltepec

⁹ ndyu'ni cña ti' na cha' cua'ni na lcaa ña'a̱ cña nu ndiya' la ti' nu Xu'na na, masi tya lu'ú na, masi cua ngujuii na.

2 CORINTIOS 5:9 Referans Kwoze

COLOSENSES 1:10

Lo'o li' lcaa tsa̱ lo'o ndya'a̱ ma̱ chalyuu taca cua'ni ma̱ cña, cua ña'a̱ ca cña nu nti' ycui' Ndyosi cha' cua'ni ma̱; taca cua'ni ma̱ lcaa lo cña tso'o cuentya ji'i̱ ycui' Ndyosi li', lo'o jua'a̱ taca ca cuayá' la ti' ma̱ ñi'ya̱ ndyu'u lcaa cha' ji'i̱ Ni.

ROMANOS 14:18

Li' tso'o ntsu'u tyiquee Ni ña'a̱ Ni ji'i̱ ma̱, lo'o jua'a̱ ñati̱ chalyuu cua'ni chi̱ ngu' loo ma̱, si cua'ni ma̱ lcaa ña'a̱ cña nu ngulu'u Cristo ji'na.

2 PEDRO 3:14

Cu'ma̱ tya'a tso'o na, na ndu̱ ti' ma̱ ji'i̱ cha' bi', bi' cha' ntsu'u cha' cua'ni ma̱ xcui' cha' tso'o ti, xcui' cha' lubii ti lo'o tya'a ñati̱ ma̱, cha' ti̱ ti tyi'i̱ tyiquee ma̱ cuentya ji'i̱ ycui' Ni.

1 TIMOTEO 4:10

Jlya ti' na ji'i̱ ycui' Ndyosi nu lu'ú ca; bi' cha' lye cua'ni na cña ji'i̱ Ni, masi lya' tsa ti' ngu' ji'na. Lo'o ycui' Ndyosi ni, cua'ni lyaá Ni ji'i̱ lcaa ñati̱ si taquiya' ngu' ji'i̱ Ni. Lo'o xñi na cha' ji'i̱ Ni, li' ca cuayá' tso'o la ti' na cha' bi'.

1 TESALONICENSES 4:11

Tso'o ti cua'ni ma̱ lo'o tya'a ma̱ cha' ti̱ ti tyi'i̱ tyiquee ma̱ li'. Ná tso'o si culo ma̱ cña ji'i̱ taju ñati̱ tya'a ma̱, lo'o li' taja ycui' ma̱; cua'ni ma̱ cña cha' caja xi na cacu ma̱ ñi'ya̱ nu cua nchcui' ya lo'o ma̱,

1 TESALONICENSES 4:1

Cu'ma̱ ngu' tya'a na, juani ndijña ya ji'i̱ ma̱ chacuayá' ji'i̱ Jesús nu Xu'na na, cha' ña'a̱ ti cua'ni ma̱ lcaa ña'a̱ cha' tso'o nu nti' ycui' Ndyosi cha' cua'ni ma̱ laja lo'o tyi'i̱ ma̱ chalyuu. Li' tso'o la caca cua'ni ma̱ cña ji'i̱ ycui' Ndyosi. Chañi cha' tso'o tsa ndyu'ni ma̱, pana cua nti' ya cha' ña'a̱ ti tya cua'ni la ma̱ la cui' cña nu cua ngulu'u ya ji'i̱ ma̱ tya tsubi' la cuentya ji'i̱ ycui' Ndyosi.

1 CORINTIOS 15:58

Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.

ROMANOS 15:20

Lye tsa ndyu'ni cña ti' na', cha' tsa'a na' tsaana na' lcua ti quichi̱ su bilya cuna ngu' cha' ji'i̱ Cristo. Bi' ti quichi̱ ndyanu na' nclu'u na' cha' tso'o bi' ji'i̱ ngu', cha' ná nti' na' tyatí̱ yu'u na' lo'o cña nu ndyu'ni xa' tya'a ñati̱ ji'i̱ Cristo.

ROMANOS 14:8

cha' caca na cña ji'i̱ ycui' Ndyosi, bi' cha' ndi'i̱ na lo yuu chalyuu. Nu lo'o ntsu'u cha' cajaa na, cha' ji'i̱ Ni laca li', cha' na ji'i̱ ycui' Ni laca na, masi tya lu'ú na, masi cua ngujuii na.

LOS HECHOS 10:35

Tso'o tsa ntsu'u tyiquee ycui' Ndyosi ña'a̱ Ni ji'i̱ lcaa ñati̱ chalyuu nu chañi cha' ndu'ni tlyu ngu' ji'i̱ ycui' Ni, ñati̱ nu ndu'ni lcaa ña'a̱ cha' nu nti' Ni.

HEBREOS 12:28

Lo'o jua'a̱ ná taca cha'a̱ chalyuu cucui nu ngujui ji'na xqui'ya Cristo, ná clyiji tsiya' ti bi'; bi' cha' tso'o tyu'u tyiquee na ña'a̱ na ji'i̱ ycui' Ndyosi lacua. Cua'ni chi̱ na loo ycui' Ndyosi, cha' jua'a̱ nti' Ni cha' cua'ni na; tyi'u ti' na cha' lcaa tsa̱ cua'ni tlyu na ji'i̱ ycui' Ni, cha' cube tsa ti' na ji'i̱ Ni.

HEBREOS 4:11

Lcaa tsa̱ cua'ni cña ti' na lacua, cha' ña'a̱ ti tyu'u cha' ji'na lo'o ycui' Ni, cha' taca tyi'i̱ tso'o ti na. Ná cua'ni na ñi'ya̱ nu ngua'ni jyo'o cusu' bi', nu ná ndaquiya' tsiya' ti ji'i̱ ycui' Ndyosi, cha' li' ná ngua tyalaa ngu' bi' ca su nacui̱ Ni cha' tsaa ngu'.

COLOSENSES 1:29

Bi' cha' lye tsa ndyu'ni na' cña cuentya ji'i̱ cha' bi'; nguula tsa cña ndyu'ni na', lo'o jua'a̱ tlyu tsa juersa nda ycui' Cristo 'na cha' tyu'ú ne' cresiya 'na, cha' talo na' cua'ni na' cña bi'.

2 CORINTIOS 5:8

Cha' nu tlyu nchca tyiquee na, bi' cha' cua nti' tsa na cha' xtyanu na ji'i̱ chalyuu re su quicha ti ti' na ndi'i̱ na, cha' tsaa na tyi'i̱ na ca slo ycui' nu Xu'na na;

2 CORINTIOS 5:6

Bi' cha' nchca tlyu tyiquee na, cha' ndu̱ ti' na cha' jua'a̱ cua'ni ycui' Ndyosi. Nu lo'o tya lu'ú na chalyuu, jlo ti' na cha' tyijyu' tsa to' tyi na ca slo ycui' Ndyosi, cha' tya lyiji tyalaa na ca su ntucua ycui' nu Xu'na na.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

EFESIOS 1:6

Lo'o juani ntsu'u cha' cua'ni tlyu na ji'i̱ ycui' Ndyosi, cha' jua'a̱ tlyu tsa cha' tso'o nu ngua'ni Ni lo'o na. Xlya'be tsa nti' Ni ña'a̱ Ni ji'na, cha' cua nda Ni ji'i̱ Sñi' ycui' ca Ni lijya̱, nu tyaca'a tsa ji'i̱ Ni, cha' jua'a̱ caca stu'ba cha' ji'na lo'o Ni.