2 CORINTIOS 5:1 - Chatino Tataltepec

¹ Jlo ti' na cha' ñi'ya̱ nti' sca ni'i̱ canta' ti, jua'a̱ nti' cuaña' na, cha' si cua ngujuii na ni, cua ndye cuaña' na nguti̱. Pana cua ngua'ni cho'o ycui' Ndyosi chaca ni'i̱ nu tyacua ji'na, chaca cha' laca bi'; ycui' Ndyosi xcutsa'a̱ tyucui ña'a̱ na, lo'o ná nga'a̱ cha' tye cha' ji'na tsiya' ti li'. Ca su ntucua ycui' Ndyosi laca cha' bi', si'i ñati̱ nu cuiñá ni'i̱ bi'.

2 CORINTIOS 5:1 Referans Kwoze

1 JUAN 3:2

Cu'ma̱ ngu' tya'a na nu tyaca'a tsa ma̱ 'na, nu juani ti laca na sñi' ycui' Ndyosi; pana bilya caja cha' ji'na ñi'ya̱ nu tso'o la ña'a̱ na, nu lo'o tyi'i̱ na lo'o ycui' Ni nde loo la. Ñi'ya̱ laca ycui' Jesucristo, jua'a̱ caca na lo'o culu'u loo Jesucristo ji'na lo'o cua ndye chalyuu re; li' taca ña'a̱ na ji'i̱ Jesucristo ñi'ya̱ nu laca ycui'. Tsa bi' ti cha' nchca cuayá' ti' na juani.

HEBREOS 9:24

Bi' cha' nga'aa ndyaa Cristo nde ne' laa nu ngüiñá ñati̱ nde chalyuu ti, masi ntucua bi' cuentya ji'i̱ ycui' Ndyosi; na cua ndyaa liñi Ni ca slo ycui' Ndyosi ca nde cua̱. Ca bi' ntucua Ni juani, cha' chcui' lo'o ycui' Ndyosi cuentya ji'na.

2 CORINTIOS 4:7

Masi tlyu tsa cha' tso'o nu ntsu'u ne' cresiya ji'na xqui'ya Cristo, pana ñati̱ chalyuu ti laca na, si'i na nguula tsa ti' na ycui' ca na. Ñi'ya̱ laca sca quityu̱' nu ndya' lo'o yuu ti nu xtyi'i ti ncla'a, jua'a̱ ti laca na. Tso'o la jua'a̱, cha' li' taca ca cuayá' ti' na cha' sca ti ycui' Ndyosi laca nu lcaa cña nchca ji'i̱ Ni; nga'aa si'i ycui' ca na nu nchca ji'na.

HEBREOS 9:11

Lo'o juani cua ya̱a̱ Cristo, nu laca chaca lo sti jo'ó nu laca loo; cua laca nguxana ndyaca tso'o chalyuu xqui'ya Ni. Ná ndyaa Ni ngua'ni Ni cña ne' sca ni'i̱ tlyu nu ngüiñá ñati̱ ti, cha' ná ndu'ni cha' tyu'u cha' ji'i̱ Ni lo'o sca cha' nu ntsu'u nde chalyuu.

1 PEDRO 1:4

xqui'ya cha' cua ngua'ni lyaá Jesús ji'na. Ná ntsu'u ni sca cha', ni sca ñati̱ nu taca cua'ni ñu'u̱ ji'i̱ cha' nu cua ngujui ji'na; ni sca na tsiya' ti, ná ca cua'ni tye na bi' ji'i̱ cha' tso'o nu tyacua ji'na ca slo ycui' Ndyosi lo'o cua tye ti cha', ná ntsu'u na nu taca cua'ni cuxi ji'i̱ cha' bi'.

2 CORINTIOS 5:4

Nchca taja ti' na su ndi'i̱ na nde chalyuu, cha' ndyacua tsa cha' ti'í ji'na. Si'i na nti' na cha' cajaa na yala ti, pana nti' tsa na cha' caca cucui tyucui ña'a̱ na; bi' laca nu cua'ni ycui' Ndyosi lo'o tyalaa na ca su ntucua Ni. Lo'o li' tye cha' cuxi ji'na, tye tyucui ña'a̱ cuaña' na nu nscua cha' cajaa, cha' li' taca quije chaca chalyuu nu tso'o la ji'na, nu ná nga'a̱ cha' tye tsiya' ti.

SAN MARCOS 14:58

―Cua ndyuna ya sca cha' nu nchcui' nu qui'yu re ―nacui̱ sca ngu' cuiñi bi'―. Ndi'ya̱ nchcui' yu: “Cuityi̱ na' ji'i̱ laa tonu re nu ngüiñá ñati̱ chalyuu ti. Chu̱' sna tsa̱ ti cua'ni na' cha' tya' chaca nu ná cuiñá ñati̱ chalyuu”, nacui̱ Jesús re. Cua ndyuna ya cha' jua'a̱ nchcui' yu ―nacui̱ ngu' cuiñi bi'.

2 PEDRO 3:11

Cua nscua cha' tye lcaa na lo'o tyalaa tsa̱ bi', bi' cha' ntsu'u cha' caca ma̱ ñati̱ nu lubii cresiya ji'i̱, cha' caca ma̱ ñati̱ nu ngua tso'o tyiquee ma̱ cuentya ji'i̱ ycui' Ndyosi.

COLOSENSES 2:11

La cui' jua'a̱ xqui'ya Cristo cua ngulacua̱ Ni ji'i̱ ma̱; ni si'i na ngusi'yu lo quiji̱ ma̱ lo'o ngulacua̱ ma̱ ñi'ya̱ nu ndu'ni ngu' judío lo'o sñi' ngu', ycui' Cristo ngulacua̱ ji'i̱ ma̱ lo'o cua ngua'ni lyaá Ni ji'i̱ ma̱ ji'i̱ qui'ya nu ntsu'u ji'i̱ ma̱ nde chalyuu.

1 JUAN 3:19

Si jua'a̱ ndu'ni na, li' caca cuayá' ti' na cha' liñi tsa laca cha' nu cua nda ycui' Ndyosi lo'o na, cha' nu jlya ti' na ji'i̱; ca tii na cha' cua ngüiñi tso'o cha' ji'na lo'o ycui' Ndyosi.

1 JUAN 3:14

Xcui' nguna' tya ndi'i̱ na chalyuu cua tsubi' la xqui'ya qui'ya nu ntsu'u ji'na; pana juani, cua nda ycui' Ndyosi chaca chalyuu cucui ji'na, cha' tso'o ti ndi'i̱ tyiquee na juani. Ntsu'u tsa tyiquee na ña'a̱ na ji'i̱ xa' la tya'a ntsu'u cha' ji'na lo'o Jesucristo; bi' cha' taca jlo ti' na cha' cua ntsu'u chaca chalyuu cucui ji'na juani, cha' ñati̱ nu ná ntsu'u tyiquee ña'a̱ ji'i̱ tya'a ñati̱, nguna' tya ndi'i̱ ngu' chalyuu.

HEBREOS 11:10

Jlya ti' Abraham cha' nde loo la cua'ni cho'o ycui' Ndyosi chaca se'i̱ su tso'o la tyi'i̱ yu, nu ná culiji tsiya' ti; cuiñá ycui' Ndyosi ña'a̱ tsaca quichi̱ bi'.

1 CORINTIOS 3:9

Tya'a ndyu'ni ya cña ji'i̱ ycui' Ndyosi laca cuare; lo'o cu'ma̱ ni, ndu'ni Ni cña ne' cresiya ji'i̱ ma̱, cña ji'i̱ ycui' Ndyosi laca bi'. Lo'o jua'a̱ taca ta na' chaca cui̱i̱ lo'o ma̱ juani: ñi'ya̱ si laca ma̱ sca ni'i̱ tonu, jua'a̱ laca ma̱ cuentya ji'i̱ ycui' Ndyosi;

2 TIMOTEO 1:12

bi' cha' ndyiji cha' ti'í 'na juani. Pana ná tyuju'u ti' na', cha' cua jlo ti' na' tilaca laca nu ngusñi na' cha' ji'i̱ Ni. Jlo ti' na' cha' nchca ji'i̱ Ni ña'a̱si̱i̱ Ni 'na; nchca ji'i̱ Ni xtyucua Ni 'na lo'o ndyu'ni na' cña nu nda Ni 'na, cha' taca tyu'u tso'o cña 'na tsa̱ bi' lo'o tya̱a̱ Jesús nde chalyuu chaca quiya'.

LOS HECHOS 7:48

Lo'o ycui' Ndyosi ni, ná ntaja'a̱ Ni tyanu Ni ne' ni'i̱ nu ngüiñá ñati̱ ti, cha' laca ycui' Ndyosi loo ji'i̱ lcaa ca chalyuu. Ñi'ya̱ nguscua sca jyo'o cusu' cha' cuentya ji'i̱ ycui' Ndyosi tya sa'ni la: