Pana ndi'ya̱ nacui̱ Ni 'na li': “Tsa bi' ti cha' nga'a̱ cha' tyi'u ti' nu'u̱, cha' xcui' cha' tso'o ndu'ni na' lo'o nu'u̱ jua'a̱ ti. Lye la caca cua'ni na' cña xqui'ya nu'u̱, nu lo'o ná quiña'a̱ tsa juersa ntsu'u ji'i̱ ycui' ca nu'u̱”, nacui̱ Ni jna'. Bi' cha' juani tso'o tsa nti' na' masi ná ndyiji juersa 'na, cha' li' taca tyanu juersa ji'i̱ ycui' Cristo ne' cresiya 'na.
2 CORINTIOS 3:5 - Chatino Tataltepec5 Cuentya ji'na, ná nchca ji'na cua'ni na cña ji'i̱ ycui' Ndyosi tsiya' ti; pana ycui' Ni ndu'ni Ni lo'o na cha' taca ji'na cua'ni na lcaa lo cña ji'i̱ Ni nu ndyu'ni na. Gade chapit la |
2 CORINTIOS 3:5
19 Referans Kwoze
Pana tya'na ti' ycui' Ndyosi, bi' cha' tso'o ti ntsu'u tyiquee Ni ña'a̱ Ni jna'; jua'a̱ ngua'ni Ni cha' ndya'a̱ na' cña ji'i̱ Ni li'. Ni si'i na nguliji yu'u cha' bi' jua'a̱ ti lo'o ngua'ni Ni cha' tso'o lo'o na'; masi lo'o nu xa' la ngu' tya'a ya ndyu'ni ngu' la cui' cña nu ndyu'ni na', pana tlyu la cña ntsu'u jna' que ngu' bi'. Si'i na nchca tsa 'na, pana ycui' Ndyosi laca nu ndu'ni lo'o na' cha' caca chcui' na' lo'o ñati̱, cha' tso'o ti ntsu'u tyiquee Ni ña'a̱ Ni 'na.
’Ñi'ya̱ laca su̱u̱ yaca nu nda si'yu tyixi ji'i̱, jua'a̱ laca na' cuentya ji'i̱ ma̱, cha' na' laca̱ su̱u̱ cha' tso'o nu ntsu'u ji'i̱ ma̱ ―nacui̱ Jesús ji'i̱ ngu'―. Ñi'ya̱ laca sta̱' yaca bi', jua'a̱ laca cu'ma̱, si ngusñi ma̱ cha' 'na. Stu'ba ti caca tyiquee ma̱ lo'o na', li' caja quiña'a̱ la cha' tso'o nu tyu'u ne' cresiya ji'i̱ ma̱ su ndi'i̱ ma̱ chalyuu, si laca na' su̱u̱ cha' tso'o ji'i̱ ma̱. Ni sca cha' ná caca ji'i̱ ma̱ si ná stu'ba caca tyiquee ma̱ lo'o na' ―nacui̱ Jesús―.
Lcaa cha' xlya'be nu ndyiji ji'na ni, lcaa cha' nu chañi cha' xcui' cha' tso'o laca bi', ca su ntucua ycui' Ndyosi tsiya' ti, ca bi' ngutu'u lcaa cha' bi', la cui' ycui' Ndyosi nu ngüiñá lcaa xee tlyu nu nga'a̱ nde cua̱. Sca ti cuayá' ña'a̱ loo ycui' Ndyosi ña'a̱ Ni ji'na; ná xcutsa'a̱ Ni cha' nu ntsu'u tyiquee Ni ña'a̱ Ni ji'na, cha' ná ntsu'u cha' tya'a̱chu̱' Ni ji'i̱ scaa cha' nu cua nchcui' Ni lo'o ñati̱.
Ñi'ya̱ laca sca ñati̱ nu cataa sca si'yu, lo'o li' chaca laca nu su'ba hitya su̱u̱ na cuiñii bi', jua'a̱ laca cuare lo'o ma̱; na' laca̱ nu ya̱a̱ ndacha' na' cha' bi' ji'i̱ ma̱ su clyo, lo'o tiya' la li' ñaa Apolos nda la cha' bi' lo'o ma̱. Pana sca ti ycui' Ndyosi laca nu ndu'ni cha' tyanu tso'o cha' bi' ne' cresiya ji'i̱ ma̱;
Masi tlyu tsa cha' tso'o nu ntsu'u ne' cresiya ji'na xqui'ya Cristo, pana ñati̱ chalyuu ti laca na, si'i na nguula tsa ti' na ycui' ca na. Ñi'ya̱ laca sca quityu̱' nu ndya' lo'o yuu ti nu xtyi'i ti ncla'a, jua'a̱ ti laca na. Tso'o la jua'a̱, cha' li' taca ca cuayá' ti' na cha' sca ti ycui' Ndyosi laca nu lcaa cña nchca ji'i̱ Ni; nga'aa si'i ycui' ca na nu nchca ji'na.
lo'o na', ñi'ya̱ nti' sca cuityi ni'i̱ cuentya ji'i̱ ycui' Ndyosi, jua'a̱ laca na' lo'o cu'ma̱, laja lo'o nclyu'u na' ji'i̱ ma̱ cha' ji'i̱ ycui' Ni. Ndi'ya̱ ndyu'ni na' lo'o ma̱: ñi'ya̱ nti' si cua ngusta tso'o na' quiya' sca ni'i̱, lo'o li' ndyalaa xa' la ngu' cuityi cha' cua'ni lyiji ngu' cha' tya' ni'i̱ bi', bi' laca ñati̱ nu tya'a ndya'a̱ na' cña nu cua ngulu'u tso'o la ji'i̱ ma̱. Lcaa ngu' cuityi nga'a̱ cha' culacua ti' clyo ñi'ya̱ ña'a̱ xana tya' ni'i̱; lo'o jua'a̱ lcaa ya tya'a ndyu'ni ya cña, nga'a̱ cha' cui'ya tso'o ya cuentya ñi'ya̱ nu caca culu'u tso'o la ya cha' bi' ji'i̱ ñati̱.
Ñati̱ nu chiya'a̱ tsa ndu'ni ni, ná ndiya' ti' ngu' cha' nu nchcui' na tsiya' ti; na ndacane la cha' bi' ji'i̱ ngu' cha' cua chcuna' ti chalyuu ji'i̱ ngu' xqui'ya cha' cuxi nu ndyu'ni ngu'. Pana ñati̱ nu nti' clyaá ji'i̱ nu cuxi ni, xa' ña'a̱ ndu'ni ngu' bi'; cua jlo ti' ngu' cha' ntsu'u chaca chalyuu tso'o la nu caja ji'i̱ ngu'. Ntsu'u tsa ñati̱ nu ná caca cua'ni cña bi'; pana cuare ni, taca cua'ni ya ji'i̱ chacuayá' ji'i̱ ycui' Ndyosi.
Piblisite