2 CORINTIOS 3:12 - Chatino Tataltepec

¹² Lo'o juani nga'aa ntsi̱i̱ na chcui' na lo'o ñati̱, cha' jlo ti' na cha' tso'o tsa laca cha' ji'i̱ Jesús nu nchcui' na re.

2 CORINTIOS 3:12 Referans Kwoze

2 CORINTIOS 7:4

Tso'o tsa nti' na' lo'o ndyi'u ti' na' ji'i̱ cu'ma̱, la cui' jua'a̱ nti' na' lo'o nchcui' na' cha' ji'i̱ ma̱ lo'o xa' ñati̱. Ña'a̱ ti ndyaca tlyu tyiquee na', ña'a̱ ti chaa ti ti' na' ndi'i̱i̱, masi cua ngua lcaa cha' ti'í bi' ji'i̱ ya.

FILIPENSES 1:20

Ndi'ya̱ nti' na' cua'ni na': nti' tsa na' cha' ná caca tyuju'u ti' na' lo'o chcui' na' cha' ji'i̱ Jesús lo'o ñati̱; masi tyempo nu lijya̱ nde loo la, masi tyempo juani, tlyu caca tyiquee na' lo'o chcui' na' cha' ji'i̱ Jesús. Jua'a̱ nti' na' cua'ni na', cha' ña'a̱ ti cua'ni tlyu na' ji'i̱ Cristo, masi tya lu'ú ti na', masi cua ngujuii na'.

LOS HECHOS 4:13

Ndyuna ngu' cha' nu nchcui' Pedro, cuati ña'a̱ tsa ngu' ji'i̱ Pedro lo'o Juan: ―¿Ni cha' laca ná ntsi̱i̱ ngu' re nchcui' ngu' lo'o na? ―nacui̱ ngu'―. Si'i ñati̱ tlyu laca ngu', si'i ñati̱ nu ngua tsa'a̱ quityi laca ngu' re. Li' ngua tii ngu' cusu' cha' cua nguta'a̱ ngu' lo'o Jesús.

SAN JUAN 16:29

Li' nchcui' ngu' nu ndyaca tsa'a̱ bi' lo'o Jesús: ―Tso'o tsa nchca cuayá' ti' ya cha' nu nda nu'u̱ lo'o ya juani ―nacui̱ ngu' ji'i̱―, nga'aa si'i ñi'ya̱ nchcui' sca cui̱i̱ ti nda nu'u̱ cha',

1 TIMOTEO 3:13

Lo'o jua'a̱ tso'o tsa chcui' cua ña'a̱ ca ñati̱ ji'i̱ ngu' bi' si tso'o ndu'ni ngu' cha' laca ngu' cña, cha' nxtyucua ngu' ji'i̱ ngu' tya'a na; li' tyatí̱ la ti' ngu' ji'i̱ Jesucristo, lo'o jua'a̱ caca tlyu tyiquee ngu' cha' culu'u ngu' cha' liñi ji'i̱ xa' ñati̱.

1 TESALONICENSES 2:2

Cua ngua'ni ycui' Ndyosi cha' tlyu tyiquee ya, cha' ngulu'u ya cha' tso'o nu ntsu'u ji'i̱ ycui' Ndyosi ji'i̱ ma̱ lo'o ngulaa ya slo cu'ma̱, masi lya' tsa ti' ngu' ji'i̱ ya tya tsubi' la ca quichi̱ Filipos. Jlo ti' ma̱ cha' cuxi tsa ngua'ni ngu' bi' lo'o ya li', lo'o jua'a̱ ntsu'u ngu' quichi̱ tyi ma̱ nu cuxi nti' ña'a̱ ngu' ji'i̱ ya.

COLOSENSES 4:4

Pana chcui' ma̱ lo'o ycui' Ndyosi lacua, cha' xtyucua Ni 'na cha' tya chcui' liñi na' ji'i̱ lcaa cha' bi', ñi'ya̱ nu nga'a̱ cha' chcui' na' ji'i̱.

2 CORINTIOS 10:1

Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.

2 CORINTIOS 4:13

Ntsu'u sca cha' nu nscua lo quityi cusu' su nchcui' ngu' ndi'ya̱: “Jlya ti' na' cha' chañi laca cha' bi', bi' cha' nchcui' na' cha' liñi bi' lo'o xa' ñati̱”, nacui̱ jyo'o cusu' bi'. Lo'o jua'a̱ cuare, nchcui' ya cha' ji'i̱ Jesús cha' cua ndyatí̱ tyiquee ya ji'i̱ yu, xqui'ya cha' ngusñi ya cha' ji'i̱ yu.

1 CORINTIOS 14:19

Pana nu lo'o ndyu'u ti'i̱ na cha' cua'ni tlyu na ji'i̱ ycui' Ndyosi, nti' na' cha' tso'o la si chcui' na' lo'o ma̱ sca tucua ti si'yu cha' nu nchca cuayá' ti' ma̱ cha' ca tsa'a̱ la ma̱ li'; ná ndulo cha' ji'i̱ ma̱ masi chcui' na' tii mil tya'a si'yu cha' nu nchcui' xa' ñati̱ nu ná nduna ma̱ ji'i̱ tsiya' ti, ná sca cha' laca bi'.

LOS HECHOS 14:3

Tyiquee' xi ndyanu Pablo lo'o Bernabé quichi̱ bi', cha' ná ndyutsi̱i̱ ngu' culu'u ngu' cha' ji'i̱ nu Xu'na na ji'i̱ ngu' quichi̱ bi'. Lo'o jua'a̱ ngua'ni Pablo lo'o Bernabé cña tonu chacuayá' ji'i̱ ycui' Ndyosi, bi' cha' ngua ji'i̱ ngu' quichi̱ ta ngu' cuentya cha' xcui' cha' liñi nclyu'u ngu' bi' ji'i̱ ngu'.

LOS HECHOS 9:29

Lo'o jua'a̱ ná ndyutsi̱i̱ yu, nda yu cha' ji'i̱ ycui' Jesús lo'o ngu' quichi̱ bi'. Pana ndi'i̱ xi ngu' judío nu nchcui' cha' griego, nchcui' ngu' bi' lo'o Saulo li'; lye tsa nxu̱u̱ tya'a ngu' lo'o yu li', hasta ngua ti' ngu' bi' cujuii ngu' ji'i̱ yu.

LOS HECHOS 9:27

Li' ndyaa lo'o Bernabé ji'i̱ yu slo ngu' nu ngua tsa'a̱ ji'i̱ Jesucristo tya clyo, cha' chcui' yu lo'o ngu': ―Cua na'a̱ Saulo re ji'i̱ ycui' nu Xu'na na ―nacui̱ Bernabé ji'i̱ ngu'―. Cua na'a̱ yu ji'i̱ ycui' Jesús nu lo'o ndya'a̱ yu nde quichi̱ Damasco, nchcui' Ni lo'o yu li' ―nacui̱―. Lo'o jua'a̱ ná ndyutsi̱i̱ Saulo li', ngulu'u yu cha' ji'i̱ Jesucristo ji'i̱ ngu' quichi̱ bi'.

SAN JUAN 16:25

’Xcui' cui̱i̱ ti nda na' lo'o ma̱ ―nacui̱ Jesús―, cha' caca cuayá' ti' ma̱ scaa cha'; pana tyalaa sca tsa̱ lo'o nga'aa si'i cui̱i̱ ti chcui' na' lo'o ma̱ li', liñi ti ta na' cha' lo'o ma̱ cha' ji'i̱ ycui' Ndyosi Sti na'.

SAN JUAN 10:24

Li' ndyu'u ti'i̱ tyu̱u̱ tya'a ngu' judío slo Jesús, nchcuane ngu' ji'i̱ yu: ―¿Ni jacua' chcui' liñi nu'u̱ lo'o cua, cha' caca cuayá' ti' ya si nu'u̱ laca nu ñati̱ tlyu nu ta ycui' Ndyosi ji'i̱ ca̱a̱? ―nacui̱ ngu' ji'i̱ Jesús―. Ná talo ya si ná cacha' nu'u̱ lcaa cha' ji'i̱ cua. Tso'o si chcui' liñi nu'u̱ juani.

2 CORINTIOS 3:11

Xti ti tyempo ndalo nu cha' cusu' bi', masi tlyu xi xee ngua lo'o tya lyiji calo cha' bi'. Pana tyucui tyempo nu lijya̱ nde loo la, ná nga'a̱ cha' tye cha' nu nguxana ca ti bi' juani; tlyu la cha' laca bi' tsiya' ti.

FILIPENSES 1:14

Lo'o jua'a̱ cua ña'a̱ ca ngu' tya'a ngusñi na cha' ji'i̱ Jesús, tsa ndu̱ cua tso'o la jlya ti' ngu' cha' ji'i̱ nu Xu'na na juani, cua tlyu la xi tyiquee ngu' juani; nga'aa ntsi̱i̱ ngu' chcui' ngu' cha' ji'i̱ ycui' Ndyosi lo'o xa' ñati̱, xqui'ya cha' ná ntsi̱i̱ na' lo'o ntsu'u na' ne' chcua̱ re.

FILEMÓN 1:8

Lo'o juani ndijña na' sca cha' clyu ti' jinu'u̱. Jlo ti' na' ñi'ya̱ ntsu'u tsa tyiquee nu'u̱ ña'a̱ nu'u̱ ji'i̱ ñati̱, bi' cha' si'i sca cña nu culo na' jinu'u̱ laca re, masi ntsu'u chacuayá' jna' cha' chcui' na' jua'a̱. Pablo laca na', cua ngusu' na' juani, lo'o jua'a̱ ntsu'u na' ne' chcua̱ juani xqui'ya cha' nchcui' na' cha' ji'i̱ Jesucristo lo'o ñati̱.