Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.
2 CORINTIOS 3:1 - Chatino Tataltepec1 Ná nchcui' tyucuaa ti' ya lo'o cu'ma̱. Ná nti' ya cha' chcui' ma̱ cha' tlyu tsa ñati̱ laca ya. Lo'o ndya'a̱ ya slo ma̱, ná ntsu'u cha' qui'ya ya sca quityi nu ñacui̱ cha' tso'o ti ndyu'ni ya cña; jua'a̱ lo'o ndyaa ya chaca se'i̱, ná ntsu'u cha' jña ya sca quityi jua'a̱ ji'i̱ ma̱. Gade chapit la |
2 CORINTIOS 3:1
13 Referans Kwoze
si'i cha' tyixi ti ya nchcui' tso'o ti ya cha' ji'i̱ ycui' ca ti ya. Ndi'ya̱ nti' ya: caja ñi'ya̱ xtyacui ma̱ cha' lo'o ngu' cuentya ji'i̱ ya, si tso'o ti nti' ma̱ ña'a̱ ma̱ ji'i̱ ya. Ntsu'u ñati̱ ca bi' nu ná ndube ti' ñi'ya̱ ndu'ni ngu' lo'o tya'a ngu', pana ndube la ti' ngu' bi' ñi'ya̱ ndu'ni chi̱ ngu' loo ycui' ca ngu'.
Ca tiya' la ngua ti' Apolos tsaa yu ca loyuu su cuentya Acaya. Tso'o ntsu'u tyiquee tya'a ñati̱ ji'i̱ Jesucristo cha' tsaa yu cajua, bi' cha' nguscua ngu' sca quityi cha' tsaa slo tya'a ñati̱ ji'i̱ Jesucristo cajua, cha' tso'o ti chcui' ngu' lo'o yu nu lo'o tyalaa yu ca su ndi'i̱ ngu'. Ndyaa yu li', ndyalaa yu ca loyuu su cuentya Acaya bi'. Li' nguxtyucua tsa yu ji'i̱ ngu' nu ntsu'u cha' ji'i̱ lo'o Jesucristo lcaa quichi̱ su ndyaa yu. Xqui'ya cha' tso'o tsa tyiquee ycui' Ndyosi ña'a̱ Ni ji'i̱ ngu', bi' cha' cua ngusñi ngu' cha' ji'i̱ Ni.
Lo'o cua ngulaa na', li' ta na xi ñati̱ nu tsaa ca quichi̱ Jerusalén, cua ña'a̱ ca ngu' nu cuane ma̱ ji'i̱ cha' tsaa ngu', ñati̱ nu cua ndyuloo tso'o ma̱ ji'i̱. Ta na xi quityi cui'ya ngu' tsaa ngu', quityi bi' cacha' ñi'ya̱ laca cña nu ndya'a̱ ngu'. Li' tsaa lo'o ngu' bi' ji'i̱ msta̱ nu ta ma̱ ji'i̱ ngu' ti'i tya'a ngusñi na cha' ji'i̱ Jesús ca Jerusalén bi'.
Ni si'i xcui' na cua nti' ya cha' tyu'u lubii cha' ji'i̱ ya lo'o cu'ma̱; laca cha' ndube ti' ya cha' ña'a̱ ycui' Ndyosi ji'i̱ ya, bi' cha' tsa lo cua ti cha' nchcui' ya, tsa ña'a̱ cha' nu nti' ycui' Cristo cha' chcui' ya lo'o cu'ma̱. La cui' jua'a̱ lcaa cña nu ndyu'ni ya, na xtyucua ya ji'i̱ ma̱ laca cña bi', cha' ntsu'u tsa tyiquee ya ña'a̱ ya ji'i̱ cu'ma̱ tya'a tso'o na.
Cua nchcui' tsa na' lo'o ma̱ cha' cua nda ycui' nu Xu'na na chacuayá' ji'i̱ ya, nu lo'o ndya'a̱ ya slo cu'ma̱; lo'o jua'a̱ ná nchca tyuju'u ti' na' masi nchcui' na' jua'a̱ lo'o ma̱. Cua lo'o chacuayá' ji'i̱ ycui' Ndyosi ndya'a̱ ya, cha' taca tyatí̱ la ti' tyiquee ma̱ cha' ji'i̱ Ni; si'i na cua'ni ñu'u̱ lyiji ya ji'i̱ ma̱.
lo'o na', ñi'ya̱ nti' sca cuityi ni'i̱ cuentya ji'i̱ ycui' Ndyosi, jua'a̱ laca na' lo'o cu'ma̱, laja lo'o nclyu'u na' ji'i̱ ma̱ cha' ji'i̱ ycui' Ni. Ndi'ya̱ ndyu'ni na' lo'o ma̱: ñi'ya̱ nti' si cua ngusta tso'o na' quiya' sca ni'i̱, lo'o li' ndyalaa xa' la ngu' cuityi cha' cua'ni lyiji ngu' cha' tya' ni'i̱ bi', bi' laca ñati̱ nu tya'a ndya'a̱ na' cña nu cua ngulu'u tso'o la ji'i̱ ma̱. Lcaa ngu' cuityi nga'a̱ cha' culacua ti' clyo ñi'ya̱ ña'a̱ xana tya' ni'i̱; lo'o jua'a̱ lcaa ya tya'a ndyu'ni ya cña, nga'a̱ cha' cui'ya tso'o ya cuentya ñi'ya̱ nu caca culu'u tso'o la ya cha' bi' ji'i̱ ñati̱.
Lo'o tyalaa ma' Febe slo ma̱, chcui' tso'o ma̱ lo'o ma' xqui'ya ycui' nu Xu'na na, ñi'ya̱ nu nga'a̱ cha' cua'ni ma̱, cha' tya'a ngusñi na cha' ji'i̱ Cristo laca ma' bi'. Tya'a na laca ma' Febe, ndyu'ni ma' cña cuentya ji'i̱ taju ñati̱ ji'i̱ Cristo nu ndi'i̱ quichi̱ Cencrea. Ta ma̱ na nu lyiji ji'i̱ ma' cusu' bi', cha' cua nguxtyucua tsa ma' ji'i̱ quiña'a̱ tsa ñati̱ tya tsubi' la; lo'o jua'a̱ na', cua nguxtyucua tsa ma' jna'.
Piblisite