2 CORINTIOS 2:9 - Chatino Tataltepec

⁹ Cua laca nguscua na' quityi bi', cha' lijya̱ slo cu'ma̱, cha' ngua ti' na' quijeloo cha' 'na si chañi cha' ji'i̱ ma̱ cha' cua'ni cu'ma̱ ñi'ya̱ nu ni na' ji'i̱ ma̱ li'; ná jlo ti' na' nquicha', si tyaja'a̱ cu'ma̱ cua'ni ma̱ jua'a̱.

2 CORINTIOS 2:9 Referans Kwoze

2 CORINTIOS 10:6

Bi' cha' lo'o cu'ma̱ ni, nga'a̱ cha' taquiya' lyiji ma̱ lcaa cha' nu ntsu'u ji'i̱ Cristo, cha' tiya' la li' taca culo'o ya ji'i̱ nu xa' la ñati̱ nu ná ntaja'a̱ taquiya' ji'i̱ cha' bi' tsiya' ti.

FILEMÓN 1:21

Jlo ti' na' cha' taquiya' nu'u̱ ji'i̱ cha' nu nchcui' na' lo'o nu'u̱, bi' cha' nscua na' quityi re cha' ca̱a̱ slo nu'u̱; jlo ti' na' cha' tya quiña'a̱ la cha' tso'o tya cua'ni la nu'u̱.

FILIPENSES 2:22

Lo'o cu'ma̱, cua jlo ti' ma̱ cha' lubii tsa cña nu ndyu'ni yu Timoteo bi'. Stu'ba ti ndyu'ni yu cña lo'o na' ñi'ya̱ nti' si cua laca yu sñi' na', stu'ba ti ndya'a̱ ya nchcui' ya cha' tso'o ji'i̱ Jesús lo'o xa' ñati̱.

2 TESALONICENSES 3:14

Ñati̱ nu ná ntaja'a̱ taquiya' ji'i̱ lcaa cha' nu nscua ya lo quityi re ni, cui'ya ma̱ cuentya tilaca laca ngu' bi'; li' nga'aa tya'a̱ ma̱ stu'ba ti lo'o ngu' bi', cha' jua'a̱ caca tyuju'u ti' ngu'.

FILIPENSES 2:12

Cu'ma̱ ngu' tya'a na nu tyaca'a tsa ma̱ 'na, cua ndaquiya' tsa ma̱ ji'i̱ cha' nu nchcui' na' lcaa tsa̱ lo'o nguti'i̱ na' lo'o ma̱; ña'a̱ ti tya ndulo tsa cha' ji'i̱ ma̱ cha' taquiya' la ma̱ ji'i̱ cha' nu nchcui' na', masi tyijyu' tsa nga'a̱ na' ca su ndi'i̱ ma̱ juani. Ña'a̱ ti cua'ni cña ti' ma̱ cha' caca lyiji lcaa cha' nu ngua ti' ycui' Ndyosi cua'ni Ni ne' cresiya ji'i̱ ma̱ lo'o ngua'ni lyaá Jesucristo ji'i̱ ma̱. Xti ti cha' tyu'u tyiquee ma̱ cuentya ji'i̱ ycui' ma̱, pana cube la ti' ma̱ ji'i̱ ycui' Ndyosi.

2 CORINTIOS 8:24

Bi' cha' chcui' tso'o ma̱ lo'o ngu' bi' lacua, cha' ca cuayá' ti' xa' la ngu' tya'a na cha' chañi cha' ntsu'u tyiquee ma̱ ña'a̱ ma̱ ji'i̱ Tito lo'o tya'a ndya'a̱ yu. Lo'o jua'a̱ tso'o tsa nti' ya lo'o ña'a̱ ya ñi'ya̱ nu ndyu'ni ma̱ lo'o ngu' bi'. Ca tiya' la li' caja cha' bi' ji'i̱ lcaa taju ñati̱ nu cuentya ji'i̱ Cristo bi'.

2 CORINTIOS 2:3

cha' jua'a̱ ngua cha' nu nguscua na' lo quityi bi' tya tsubi' la. Ná nti' na' tsa'a na' slo cu'ma̱ nquicha'; ná tyiquee' cua'ni ma̱ cha' ca xñi'i̱ ti' na', ngua ti' na'. Pana tso'o la si tso'o ti caca tyiquee na', cha' jua'a̱ si tso'o ntsu'u tyiquee na', lo'o cu'ma̱ tso'o ti caca tyiquee ma̱ li', ngua ti' na'.

2 CORINTIOS 2:4

Nu lo'o nguscua na' quityi bi', quiña'a̱ tsa ngulacua ti' na' li'; xñi'i̱ tsa ti' na' ngua li', hasta ndyunaa na' xqui'ya cu'ma̱. Pana si'i cha' ca xñi'i̱ ti' cu'ma̱ nguscua na' quityi bi'; ngua ti' na' cha' ca cuayá' ti' cu'ma̱ cha' ntsu'u tsa tyiquee na' ña'a̱ na' ji'i̱ cu'ma̱, bi' cha' nguscua na' quityi bi'.

2 CORINTIOS 2:8

Ndijña ya cha' clyu ti' ji'i̱ ma̱ juani cha' xtyucua ma̱ xi ji'i̱ yu bi', cha' ca cuayá' ti' yu cha' ña'a̱ ti tya ntsu'u tyiquee ma̱ ña'a̱ ma̱ ji'i̱ yu.