2 CORINTIOS 2:12 - Chatino Tataltepec

¹² Ndya'a̱ na' ca quichi̱ Troas tya tsubi' la, ndyaa cacha' na' cha' ji'i̱ Jesús ji'i̱ ngu' quichi̱ bi'. Lo'o jua'a̱ ngua li', cha' tso'o tsa ndyuna ngu' quichi̱ bi' cha' ji'i̱ ycui' Ndyosi, xqui'ya cha' cua nda ycui' nu Xu'na na chacuayá' 'na cha' cua'ni na' cña ji'i̱ Ni ca ndacua.

2 CORINTIOS 2:12 Referans Kwoze

LOS HECHOS 16:8

bi' cha' nteje tacui ngu' loyuu su cuentya Misia ndyaa lye la ngu', ndyalaa ngu' quichi̱ Troas ca to' tyujo'o li'.

LOS HECHOS 14:27

bi' cha' ndyalaa ngu' chaca quiya' quichi̱ Antioquía bi'. Li' ndyu'u ti'i̱ lcaa ñati̱ ji'i̱ Jesucristo slo ngu'; ndu̱ Pablo lo'o Bernabé nda ngu' cha' lo'o tya'a ngu', lcaa ña'a̱ cha' nu cua ngua'ni ycui' Ndyosi lo'o ngu' ca su ndyaa ngu' tyijyu', cha' jua'a̱ cua nda Ni chacuayá' cha' xñi ngu' xa' tsu' cha' ji'i̱ Jesucristo.

COLOSENSES 4:3

La cui' tyempo bi' jña ma̱ cha' clyu ti' ji'i̱ ycui' Ndyosi cuentya ji'i̱ ya cha' caja la juersa ji'i̱ ya, cha' chcui' ya cha' tso'o ji'i̱ Cristo lo'o xa' la ñati̱, cha' cuna ngu' cha' bi' masi bilya caja ñi'ya̱ nu cuna ngu' cha' bi' yala la; xqui'ya cha' cua nchcui' tsa na' lo'o ngu' jua'a̱, bi' cha' ntsu'u na' ne' chcua̱ juani.

1 CORINTIOS 16:9

Tso'o tsa ndyaca 'na su ndi'i̱ na' quichi̱ re, cha' ntsu'u tsa ngu' quichi̱ nu tso'o tsa ndaca'a̱ jyaca̱ lo'o nchcui' na' lo'o ngu', masi ña'a̱ ti ntsu'u tsa ñati̱ nu nxu̱u̱ tya'a lo'o na'.

ROMANOS 1:1

Pablo laca na' nu nscua̱ quityi re cha' ca̱a̱ nde quichi̱ Roma ca su ndi'i̱ ma̱, cu'ma̱ nu ngusñi ma̱ cha' ji'i̱ Jesucristo. Ndyu'ni na' cña ji'i̱ ycui' Ndyosi, cha' ycui' Ni ngusubi Ni jna' cha' tsa'a na' chcui' na' cha' tso'o ji'i̱ Ni lo'o ñati̱.

LOS HECHOS 20:8

Ndyu'u ti'i̱ ya sca ba'a ni'i̱ nde cua̱ su nchca tyuna ba'a ni'i̱ bi'. Quiña'a̱ quii' ntsu'u ne' ni'i̱ bi'.

LOS HECHOS 16:11

Hora ti ndyaa ya ndyatí̱ ya ne' yaca ni'i̱ cha' tsaa ya chaca tsu', ndu'u ya ndyaa ya li'. Cuati na'a̱ ya ca su naa Samotracia, sca loyuu piti ti cla'be tyujo'o laca bi'. Ca chaca tsa̱ ndyalaa ya chaca tsu' tyujo'o bi', ca quichi̱ Neápolis.

1 CORINTIOS 9:12

Xa' la tya'a ndyu'ni ya cña ndyiji na laca nu lyiji ji'i̱ ngu' nu lo'o nda ma̱ xi xcaya' ngu' bi'. ¿Ha ná tso'o si la cui' ti cha' caja ji'i̱ ya, ñi'ya̱ nu ndyiji ji'i̱ ngu' bi'? Tsa bi' ti cha', ná ndijña ya cha' tso'o bi' ji'i̱ ma̱ tsiya' ti. Ndalo tsa ya ji'i̱ cua ña'a̱ ca cha' ti'í nu ndyacua ji'i̱ ya, cha' ná nti' ya tsiya' ti tacu̱' ya ji'i̱ cha' tso'o ji'i̱ Cristo nu nchcui' ya lo'o ma̱, cha' ná cuna ñati̱ ji'i̱ cha' bi'.

1 CORINTIOS 9:14

Lo'o cuare, lo'o ncliji chalyuu ji'i̱ ya su ndya'a̱ ya tyijyu' cha' nchcui' ya cha' tso'o nu ji'i̱ ycui' Ndyosi lo'o ñati̱, tso'o si ta ngu' xi na tyiji̱ yu'u ji'i̱ ya chalyuu.

1 CORINTIOS 9:16

Ná tso'o si tyucuaa ti' na' ji'i̱ ma̱ xqui'ya cha' ndya'a̱ na' nchcui' na' cha' tso'o nu ji'i̱ Jesús lo'o ñati̱, na cua ngua'a̱ loo Ni 'na cha' cua'ni na' cña bi'. Tlyu tsa cha' ti'í caca 'na si ná chcui' na' cha' ji'i̱ Jesús lo'o ñati̱.

2 CORINTIOS 4:3

Lo'o li' si ntsu'u ñati̱ nu ñacui̱ cha' tucui tsa ndyu'u cha' tso'o ji'i̱ Jesús nu nchcui' ya lo'o ngu', liñi la ñacui̱ na li' cha' ñati̱ bi' laca nu nguna' ndu'ni, bi' cha' ná nchca cua'a̱ jyaca̱ ñati̱ bi' ji'i̱ cha' bi'.

2 CORINTIOS 4:4

Ná ntaja'a̱ ngu' bi' xñi ngu' cha' bi' xqui'ya nu xña'a̱ nu ñilo'o ji'i̱ ñati̱ chalyuu. Ndacu̱' nu cuxi bi' cha' ji'i̱ ngu' cha' ná cuna ngu' cha' tso'o nu cuentya ji'i̱ Cristo, bi' cha' ná nchca tyanu xee lubii ji'i̱ Cristo ne' cresiya ji'i̱ ngu' bi'. Tlyu tsa cha' laca ji'i̱ Cristo; lcaa cha' nu ntsu'u ji'i̱ Ni, stu'ba ntsu'u cha' ji'i̱ Ni lo'o ycui' Ndyosi Sti Ni ca su ntucua Ni juani.

2 CORINTIOS 8:18

Lo'o yu ta ya chaca yu tya'a ntsu'u cha' ji'na lo'o Cristo, cha' ca̱a̱ lo'o Tito ji'i̱ yu ca slo ma̱. Cua laca ndyuloo ma̱ ji'i̱ yu bi', cha' tso'o tsa nchcui' ngu' ji'i̱ yu macala su ndyu'u ti'i̱ ngu' cuentya ji'i̱ Cristo, cha' tso'o tsa nda yu cha' ji'i̱ Cristo lo'o ngu'.

2 CORINTIOS 9:13

cua'ni tlyu ngu' ji'i̱ ycui' Ndyosi li'. Taca ña'a̱ ngu' bi' ji'i̱ ma̱, cha' chañi cha' ndaquiya' ma̱ ji'i̱ cha' tso'o nu cua nda Cristo lo'o ma̱; ca cuayá' ti' ngu' cha' bi' lo'o ña'a̱ ngu' cña nu cua ngua'ni ma̱ cha' caja xlya'be ji'i̱ ngu' bi'. Cua'ni chi̱ ngu' loo ycui' Ndyosi li', xqui'ya cha' tso'o tsa nda ma̱ msta̱ ji'i̱ ngu' bi', la cui' ñi'ya̱ nu nda ma̱ ji'i̱ lcaa ñati̱.

2 CORINTIOS 10:14

Bi' cha' lacua, cua lo'o chacuayá' ji'i̱ ycui' Ndyosi ndyaa ya ca slo ma̱ tya clyo, cha' nchcui' ya cha' tso'o nu ntsu'u ji'i̱ Cristo lo'o ma̱; si'i na ntyiji̱loo ya ji'i̱ chacuayá' nu nda Ni ji'i̱ ya bi'.

2 CORINTIOS 11:4

Ngujui cha' jna' cha' ndi'ya̱ ndu'ni ma̱: tso'o tsa nchcui' ma̱ lo'o cua ña'a̱ ca ñati̱ nu lijya̱ ca slo ma̱, masi xa' ña'a̱ cha' nu nda ngu' cuentya ji'i̱ Jesús, masi ná stu'ba cha' nu nda ngu' bi' lo'o cha' nu cua nda ya lo'o ma̱ tya clyo la. La cui' jua'a̱ nduna ma̱ chaca cha', pana si'i cha' tso'o ji'i̱ Jesús nu ndu'ni lyaá ji'na ji'i̱ nu cuxi nu cua nchcui' ya lo'o ma̱ laca bi'. Bi' cha' laca cha' chaca xtyi'i ndyu'ú ne' cresiya ji'i̱ ma̱ juani, nga'aa si'i Xtyi'i ycui' Ndyosi laca bi'.

2 CORINTIOS 11:7

Ná ngusñi na' caya' ji'i̱ ma̱ tsiya' ti nu lo'o ndi'i̱ na' ngulu'u na' cha' tso'o ji'i̱ ycui' Ndyosi ji'i̱ ma̱. Cua ntaja'a̱ na' li' cha' caca ti'í la na' xqui'ya cu'ma̱, cha' caja ñi'ya̱ caca tso'o la tyiquee ycui' cu'ma̱. ¿Ha ná tso'o cha' ngua'ni na' jua'a̱, nti' cu'ma̱?