2 CORINTIOS 2:11 - Chatino Tataltepec

¹¹ cha' ná caca tyiji̱loo nu xña'a̱ nu naa Satanás ji'na; cua jlo tsa ti' na cha' tajua' tsa nu xña'a̱ bi'.

2 CORINTIOS 2:11 Referans Kwoze

1 PEDRO 5:8

¡Tii ti ti' ma̱ tyi'i̱ ma̱ chalyuu! Ná caja' ma̱, cha' tya'a cusu̱u̱ ma̱ laca ycui' nu xña'a̱, lo'o jua'a̱ cacua tsa ndu̱ bi' slo ma̱. Ñi'ya̱ nti' sca cuichi nu tyaala tsa nu nclyana ji'i̱ sca ñati̱ cha' cacu ni', jua'a̱ nti' ndya'a̱ yu'u nu xña'a̱ bi' chalyuu.

2 CORINTIOS 11:3

ndube tsa ti' na' si quiñu'u̱ chca cresiya ji'i̱ ma̱. Tya sa'ni ni, cua nguñilo'o nu cuaña ji'i̱ Eva, cha' tajua' tsa nchcui' nu xña'a̱ bi'. Pana ná nti' na' cha' quiñu'u̱ cha' ji'i̱ ma̱ lo'o Cristo jua'a̱, ná nti' na' cha' ñilo'o nu xña'a ji'i̱ ma̱ xqui'ya xa' ñati̱; juani tso'o tsa cha' tyucui tyiquee ma̱ cua ngusñi ma̱ cha' ji'i̱ ycui' Cristo.

SAN LUCAS 22:31

Lo'o li' nchcui' Jesús lo'o Simón Pedro bi': ―Simón ―nacui̱―, laca cha' ñi'ya̱ laca si cua ngüijña Satanás chacuayá' cha' cua'ni lya' ti' ji'i̱ lcaa cu'ma̱; cua nti' yu cua'ni cuayá' yu ji'i̱ ma̱, cha' xcutsi̱i̱ yu ji'i̱ ma̱. Ñi'ya̱ laca lo'o nscui̱i̱ ngu' ji'i̱ si'yu trigo cha' tyubii ji'i̱, jua'a̱ cua'ni yu lo'o ma̱, nti' yu.

2 CORINTIOS 4:4

Ná ntaja'a̱ ngu' bi' xñi ngu' cha' bi' xqui'ya nu xña'a̱ nu ñilo'o ji'i̱ ñati̱ chalyuu. Ndacu̱' nu cuxi bi' cha' ji'i̱ ngu' cha' ná cuna ngu' cha' tso'o nu cuentya ji'i̱ Cristo, bi' cha' ná nchca tyanu xee lubii ji'i̱ Cristo ne' cresiya ji'i̱ ngu' bi'. Tlyu tsa cha' laca ji'i̱ Cristo; lcaa cha' nu ntsu'u ji'i̱ Ni, stu'ba ntsu'u cha' ji'i̱ Ni lo'o ycui' Ndyosi Sti Ni ca su ntucua Ni juani.

SAN MATEO 4:10

Li' nguxacui̱ Jesús cha' ji'i̱ nu xña'a̱ bi': ―Tyaatsu' nu'u̱ slo na', Satanás ―nacui̱ Jesús―. Yaa clya nu'u̱. Cua nscua sca cha' lo quityi ji'i̱ ycui' Ndyosi ndi'ya̱: “Sca ti ji'i̱ ycui' Ndyosi nu Xu'na ma̱ cua'ni tlyu ma̱ ji'i̱, sca ti cha' ji'i̱ ycui' Ni nga'a̱ cha' taquiya' ma̱ ji'i̱ nde chalyuu”, nacui̱ quityi.

2 CORINTIOS 11:14

Ná tlyu cña laca cha' ndu'ni ngu' bi' jua'a̱, cha' lo'o nu xña'a̱ nu naa Satanás taca ji'i̱ ñilo'o ji'i̱ ñati̱, nu lo'o xa' ña'a̱ cua'ni loo yu ña'a̱ cuayá' nu ca ti' ngu' cha' laca yu sca xca̱ nu ndyu'u tucua lo'o xee ji'i̱ ycui' Ndyosi; pana ná chañi laca cha' bi'.

1 CORINTIOS 7:5

Ná tso'o si tyeje tacui tyu̱u̱ tsa̱ nu ná ndi'i̱ ma̱ lo'o clyo'o ma̱; sca ti si tyu'utsu' ma̱ xi ji'i̱ tya'a ma̱ cha' caja xi tyempo chcui' ma̱ lo'o ycui' Ndyosi Sti ma̱. Lo'o nteje tacui cha' bi', xa' tyi'i̱ ma̱ lo'o clyo'o ma̱ li', ñi'ya̱ nu ndi'i̱ ti ma̱. Si ná cua'ni ma̱ jua'a̱, ná tyiquee' quiñu'u̱ cha' ji'i̱ ma̱ lo'o clyo'o ma̱ cha' ná nchca talo ma̱ tyu̱u̱ tsa̱. Lo'o li' cua'ni nu xña'a̱ ngana ji'i̱ ma̱.

2 TIMOTEO 2:25

jua'a̱ ji'i̱ ñati̱ nu ñasi̱' ji'i̱ ngu'. Tso'o ti chcui' ngu' bi' lo'o ñati̱ nu ñasi̱', cha' jua'a̱ taca cua'ni ycui' nu Xu'na na cña ne' cresiya ji'i̱ ñati̱ nu ñasi̱' bi', cha' taca culu'u Ni ji'i̱ ngu' ñi'ya̱ laca lo'o cha' liñi bi'. Tso'o tsa si culochu̱' ñati̱ nu ñasi̱' bi' lcaa cha' cuxi nu ndyu'ni ngu',

SAN JUAN 13:2

Laja li' cua ngua'ni nu xña'a̱ cha' ngua'ya cha' hique Judas sñi' Simón Iscariote cha' cujui' cresiya ji'i̱ Jesús ji'i̱ ngu' cuxi.

APOCALIPSIS 2:24

Juani chcui' na' xi lo'o cu'ma̱ tya'a ngusñi ma̱ cha' jna', nu ndyanu ma̱ nde Tiatira, cu'ma̱ nu ná ngusñi ma̱ cha' cuxi nu nclyu'u nu cuna'a̱ cuxi bi': ná jlo ti' ma̱ cua'ni ma̱ cha' cuxi nu nacui̱ ngu' bi' cha' sca cha' nu tucui tsa nu ntsu'u ji'i̱ Satanás laca, lo'o jua'a̱ laca cha' cuxi bi'. Tso'o ndu'ni ma̱ lacua. Ná ta na' xa' cña nu cua'ni ma̱, nacui̱ Ni,

LOS HECHOS 1:25

cha' taca tsaa yu bi' xa' quichi̱, cha' chcui' yu cha' jinu'u̱ cña su ndu̱ jyo'o Judas nquicha'. Na cua nguxtyanu jyo'o bi' cña cha' xña'a̱ tsa bi', lo'o li' ndyaa ca su ndyanu cha' tsaa.

APOCALIPSIS 13:8

lcaa ñati̱ tyucui ña'a̱ chalyuu cua'ni tlyu ngu' ji'i̱ na'ni bi' li', si ná nscua xtañi ngu' lo quityi ji'i̱ ycui' Ndyosi. Nu ngua tya clyo la lo'o tya lyiji cuiñá Ni chalyuu, tya li' nguscua Ni xtañi ñati̱ nu ná nga'a̱ cha' tye chalyuu ji'i̱. Cua ndyanu quityi bi' cuentya ji'i̱ nu ñi'ya̱ ña'a̱ xlya' nu cua ndyujuii ñati̱ ji'i̱ tsaca quiya'.