2 CORINTIOS 11:1 - Chatino Tataltepec

¹ Lo'o juani tyu'u cha' clyu ti' ji'i̱ ma̱ lo'o na', talo tyiquee ma̱ xi jna', masi cha' tonto ti na' nchcui' tsa na' cha' ji'i̱ ycui' ca ti na'.

2 CORINTIOS 11:1 Referans Kwoze

2 CORINTIOS 11:4

Ngujui cha' jna' cha' ndi'ya̱ ndu'ni ma̱: tso'o tsa nchcui' ma̱ lo'o cua ña'a̱ ca ñati̱ nu lijya̱ ca slo ma̱, masi xa' ña'a̱ cha' nu nda ngu' cuentya ji'i̱ Jesús, masi ná stu'ba cha' nu nda ngu' bi' lo'o cha' nu cua nda ya lo'o ma̱ tya clyo la. La cui' jua'a̱ nduna ma̱ chaca cha', pana si'i cha' tso'o ji'i̱ Jesús nu ndu'ni lyaá ji'na ji'i̱ nu cuxi nu cua nchcui' ya lo'o ma̱ laca bi'. Bi' cha' laca cha' chaca xtyi'i ndyu'ú ne' cresiya ji'i̱ ma̱ juani, nga'aa si'i Xtyi'i ycui' Ndyosi laca bi'.

1 CORINTIOS 1:21

Ngua'ni Ni cha' ná caja ñi'ya̱ tyuloo ñati̱ chalyuu ji'i̱ Ni cha' hique ti ngu'; jua'a̱ tso'o la, ngua ti' ycui' Ndyosi. Pana ndu'ni lyaá Ni ji'i̱ ñati̱ nu xñi cha' ji'i̱ Ni; la cui' cha' nu ndacha' na ji'i̱ ngu', masi cha' tonto nchcui' na, nacui̱ ngu' li'.

2 CORINTIOS 11:21

Lo'o li' nacui̱ ma̱ cha' ná ngulo tso'o ya cña ji'i̱ ma̱. ¡Chañi cha' ná ngua'ni tyaala ya ji'i̱ cu'ma̱ ñi'ya̱ nu ndyu'ni nu ñati̱ bi'! Tso'o lacua, chcui' na' xi cha' ji'i̱ ycui' ca ti na', masi cha' tonto ti ndyu'ni na' jua'a̱; si'i ngu' bi' ti nu ntsu'u chacuayá' chcui' ngu' ji'i̱ ycui' ca ngu'.

2 CORINTIOS 11:19

¡Nu cu'ma̱ nchca tsa ji'i̱ ma̱! Bi' cha' tso'o tsa ndalo tyiquee ma̱ ji'i̱ ngu' nu tonto ti ndu'ni.

2 CORINTIOS 5:13

Ná ndu'ni cha' masi ñacui̱ ngu' bi' cha' tonto tsa ya; jua'a̱ laca ya tu'ni, xqui'ya cha' ndyu'ni ya cña ji'i̱ ycui' Ndyosi. Masi jua'a̱ laca ya nti' ngu' bi', pana tyucui tyiquee ya taca xtyucua ya ji'i̱ cu'ma̱ li'.

HEBREOS 5:2

Ñati̱ chalyuu ti laca sti jo'ó bi'; lo'o ycui' yu ntsu'u cha' cuxi nu ndyu'ni yu, bi' cha' tso'o ti nchcui' yu lo'o ñati̱ nu ná nduna tsiya' ti, nu ndyu'ni tsa cha' cuxi.

2 CORINTIOS 12:11

Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.

1 CORINTIOS 4:10

¡Xqui'ya ycui' Cristo tonto tsa ya tu'ni! Lo'o cu'ma̱ ni, nti' ma̱ cha' tso'o tsa jlo ti' ma̱ cha' ji'i̱ Cristo. ¡Xti la cña nchca ji'i̱ cuare, nguula la cña nchca ji'i̱ cu'ma̱ nti' ma̱! ¡Chiya'a̱ la ndu'ni ngu' lo'o cuare tu'ni; chi̱ la ndu'ni ngu' loo cu'ma̱!

1 CORINTIOS 4:8

Ndu'ni ma̱ cha' ndulo tsa cha' ji'i̱ ycui' ma̱, nga'aa ntsu'u na nu lyiji ji'i̱ ma̱ tsiya' ti, nti' ma̱; ndyu'ni ma̱ ñi'ya̱ nu ndu'ni ngu' culiya', ndi'i̱ ma̱ ñi'ya̱ ndi'i̱ nu laca loo chalyuu. Lo'o cuare ni, si'i ñati̱ tlyu laca ya, nti' ma̱. Pana si chañi cha' laca ma̱ loo ji'i̱ ya, ¿ha ná ta ma̱ chacuayá' masi caca stu'ba xi cha' ji'i̱ ya lo'o ma̱ li', cha' lo'o ya caca ya ñati̱ tlyu li'?

1 CORINTIOS 3:18

Cua ngusñi na cha' ji'i̱ Cristo, bi' cha' tso'o la si ná cñilo'o na ji'i̱ ycui' ca na cha' ngua tsa ji'na, ñi'ya̱ ndu'ni ñati̱ chalyuu nu ngua tsa ji'i̱ ngu'. Ná tso'o si jua'a̱ nclyacua ti' na; nga'a̱ cha' culacua ti' na cha' ná ngua ji'na tsiya' ti, lo'o li' taca cua'ni ycui' Ndyosi cha' ca'ya sca cha' liñi hique na.

LOS HECHOS 26:29

―Masi yala ti, masi ca tiya' la ―nacui̱ Pablo―, tso'o tsa si xñi lcaa tya'a ma̱ cha' bi', lo'o nu'u̱, rey Agripa, lo'o lcaa cu'ma̱ nu ndyuna ma̱ cha' nu' nchcui' na' lo'o ma̱ tsa̱ juani; tso'o tsa si caca stu'ba cha' ji'i̱ ma̱ lo'o na' lo'o xñi ma̱ cha' bi' li'. Sca ti cha' ná tso'o, si sca̱' ngu' ji'i̱ ma̱ lo'o carena chcua̱ ñi'ya̱ nu ngusca̱' ngu' jna'.

LOS HECHOS 18:14

Ngua ti' Pablo xacui̱ yu cha' ji'i̱ ngu' li', pana clyo nchcui' nu cusu' Galión bi': ―Ná tyiquee' taquiya' na' ji'i̱ cha' nu nchcui' cu'ma̱ ngu' judío, si ntsu'u sca cha' nu cuxi tsa ―nacui̱ Galión bi' ji'i̱ ngu'―. Pana si'i jua'a̱ laca cha' re ―nacui̱―.

SAN MATEO 17:17

―Ná jlya ti' cu'ma̱ tsiya' ti ―nacui̱ Jesús ji'i̱ ngu' bi'―. Cuxi tsa cresiya ji'i̱ ma̱. Nga'aa tso'o tyanu na' slo cu'ma̱, nga'aa talo na' ji'i̱ ma̱ tsiya' ti. Pana ca̱a̱ lo'o ma̱ ji'i̱ nu quicha jua slo na' juani.